რუსეთისთვის მკაცრი ეკონომიკური სანქციები მოვამზადეთ – ამის შესახებ, ევროკომისიის პრეზიდენტმა, ურსულა ფონ დერ ლაიენმა გერმანულ მედიასთან განაცხადა. მისი თქმით, ევროკავშირმა მოამზადა მკაცრი ფინანსური სანქციები რუსეთისთვის რომელსაც იმ შემთხვევაში დაუწესებენ თუ უკრაინაში შეიჭრება.
“ჩვენ მოვამზადეთ მკაცრი და ყოვლისმომცველი ფინანსური და ეკონომიკური სანქციები, ეს მოიცავს უცხოურ კაპიტალზე წვდომის შეზღუდვას და ექსპორტის კონტროლს, განსაკუთრებით ტექნიკურ საქონელზე.” – განაცხადა ურსულა ფონ დერ ლაიენმა.
