“რუსმა ოლიგარქმა საქართველო დახურულ რეზერვაციად გამოაცხადა “- ამის შესახებ “ლეიბორისტული პარტიის” ლიდერმა შალვა ნათელაშვილმა განაცხადა. ნათელაშვილი საზღვრების ჩაკეტვას აპროტესტებს და საკონსტიტუციო სასამართლოს მიმართავს გადაადგილების შეზღუდვა არაკონსტიტუციურად უნდა გამოცხადდეს, რადგან ჩაკეტილ საზღვრებს ხელისუფლება წინასაარჩევნოდ საკუთარი ინტერესებისთვის იყენებს.
“რუსმა ოლიგარქმა, იმისათვის, რომ კარგად გააყალბოს არჩევნები, ჩაკეტა საზღვარი, შეუძლებელი გახადა უცხოეთში წასვლა-წამოსვლა ჩვენი მოქალაქეებისათვის და საქართველოს ადგილას პრაქტიკულად გამოაცხადა დახურული რეზერვაცია. “ლეიბორისტული პარტია” მიმართავს საკონსტიტუციო სასამართლოს: გააუქმოს ყველა შემზღუდავი ნორმა, რომელიც ლახავს კონსტიტუციით გარანტირებულ თავისუფალი გადაადგილების უფლებას, ” – განაცხადა შალვა ნათელაშვილი.
