სენაკის მუნიციპალიტეტ სოფელ ბეთლემთან მანქანა ხევში გადავარდა და აფეთქდა. დაიღუპა 3 ადამიანი, მათ შორის 7 წლის ბავშვი. კიდევ 2 ადამიანი დაშავდა და ისინი საავადმყოფოში გადაიყვანეს.
ხევში გადავარდნილ და დამწვარ მანქანაში აღმოჩენილი სამი გარდაცვლილიდან ორი ერთი ოჯახის წევრები არიან – 7 წლის საბა მამულია და მისი ბაბუა, კაპიტონ მამულია. გარდაცვლილია ასევე მათი მეზობელი, გელა დავითაია.
სენაკის საავადმყოფოში მძიმე მდგომარეობაში გადაიყვანეს ავტომობილის კიდევ 2 მგზავრი. მათგან ერთ-ერთი პატარა საბა მამულიას მამაა.მისი მდგომარეობა მძიმეა, ასევე მძიმეა ცოცხლად გადარჩენილი მეხუთე მგზავრის, ზვიად გვაძაბიას მდგომარეობაც. ისიც კაპიტონ მამულიას მეზობელია.
ინაგან საქმეთა სამინისტროს ინფორმაციით, გამოძიება სისხლის სამართლის კოდექსის 276-ე მუხლის მე-8 ნაწილით მიმდინარეობს, რაც ტრანსპორტის მოძრაობის ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.