უკრაინის შეიარაღებული ძალები რუსების მიერ დაპყრობილ კუნძულ ზმეინიზე რუსი ჯარისკაცების განადგურებას განაგრძობენ.
ოპერატიული მეთაურობა “სამხრეთის“ ინფორმაციით კუნძულ ზმეინიზე უკრაინელებმა მიიტანეს კონცენტრირებული შეტევა სხვადასხვა საშუალებებით და გამანადგურებელი იარაღით, რის შედეგადაც კუნძულზე განლაგებულმა რუსულმა ძალებმა სერიოზული დანაკარგი განიცადეს.
დეტალები არ ხმაურდება, არც ფოტო–ვიდეო მასალა ვრცელდება, რადგან ოპერაცია გრძელდება და მის დასრულებამდე “საინფორმაციო სიჩუმე“ აუცილებელია.
შეგახსენებთ, რომ დაპყრობილ კუნძულ ზმეინიზე რუსებმა ჰაერსაწინააღმდეგო თავდაცვის ძალები და რადიოლოკაციური სისტემები განალაგეს.
