უკრაინის ყოფილი პრეზიდენტი, პეტრ პოროშენკო, რომელსაც კორონავირუსის დიაგნოზი დაუსვეს საავადმყოფოში გადაიყვანეს. მას ფილტვების ორმხრივი ანთება აქვს. ექს პრეზიდენტის ცოლის თქმით დაინფიცირებულია მისი ქალიშვილიც.
“დღეს Covid19–ს ებრძვიან ჩემი ქმარი და შვილი. პეტრ ალექსნდრეს ძე კიევის ერთ–ერთ საავადმყოფოშია, რომელიც კორონავირუსიანებს მკურნალობს. მიუხედავად იმისა, რომ ჩაემს ქმარს ფილტვების ორმხრივი ანთება აქვს, ის ძლიერია და ამას დაავადებასთან ბრძოლაშიც აჩვენებს. ის მკაცრად იცავს მკურნალობის დადგენილ პროტოკოლს“– თქვა მარინა პოროშენკომ ფეისბუქზე გამოქვეყნებულ ვიდეომიმართვაში.
იმის შესახებ, რომ 55 წლის პოროშენკოს კორონავირუსი აღმოაჩნდა 29 სექტემბერს გახდა ცნობილი. ამის შესახებ მან ფეისბუქზე დაწერა და სინანული გამოთქვა, რომ იძულებულია ამის გამო რეგიონებში ვიზიტები შეწყვიტოს. მანამდე პოროშენკო აქტიურად მონაწილეობდა წინასაარჩევნო კამპანიაში.
