საფრანგეთში ავიაკატასტროფის შედეგად ქვეყნის ერთ–ერთი ყველაზე მდიდარი ადამიანი– პოლიტიკოსი და ბიზნესმენი ოლივიე დასო გარდაიცვალა. მისი ვერტმფრენი ქვეყნის ჩრდილო–დასავლეთით ჩამოვარდა.
დასო სერჟ დასოს უფროსი შვილი იყო, რომლის ინდუსტრიულ ჯგუფში შედიოდა ავიამწარმოებელი Dassault Aviation (ეს მწარმოებელი სამხედრშო თვითმფრინავ Rafale–საც უშვებს) და გაზეთი Le Figaro. 2002 წელს ოლივიე დასო საფრანგეთის პარლამენტის წევრად აირჩიეს, რის შემდეგაც ბიზნესსაქმიანობა შეწყვიტა ინტერესთა კონფლიტქის თავიდან ასაცილებლად.
69 წლის დასომ სიჩქარის რამდენიმე რეკორდი დაამყარა როგორც პილოტმა. მისი ქონება 7 მილიარდ ევროდ არის შეფასებული.
