“ქართული ოცნების” წევრი, დავით ახრახაძე მეუღლესა და სიდედრზე ძალადობის ბრალდებით დააკავეს. ინფორმაციას მთავარი არხი ავრცელებს.
ახრახაძე ფაქტს მალავდა, თუმცა მისი ადვოკატი ადასტურებს, რომ იგი ნამდვილად დაკავებული იყო.
“არაფერი ისეთი არ მომხდარა, არ ვარ ის ადამიანი, რომ ოჯახის ამბავზე ქუჩაში ვისაუბრო. ძალადობა არ ყოფილა. არასდროს არ მიძალადია ცოლზე. ხელი არ დამირტყამს და არც დავარტყამ იმიტომ, რომ ადამიანი მიყვარდა სიგიჟემდე”, – ამბობს დავით ახრახაძე.
ადვოკატის, რობიზონ ხურცილავას თქმით, მისი დაცვით ქვეშ მყოფი დაკავებიდან 72 საათში 3 000 ლარიანი გირაოს სანაცვლოდ გაათავისუფლეს და ახლა სასამართლოს გადაწყვეტილებას ელოდებიან.
გამოძიება სისხლის სამართლის კოდექსის 126-ე მუხლის მე-2 ნაწილით მიმდინარეობს, რაც ორ ან ორზე მეტი ოჯახის წევრის მიმართ ძალადობას გულისხმობს.
