აზერბაიჯანის შეიარაღებულმა ძალებმა ოპერაციის შედეგად, ყარაბაღის კონფლიქტის ზონაში, ფიზულინ-ჯაბრაილის მიმართულებით, რამდენიმე სოფელზე კონტროლი დაამყარეს. ამის შესახებ აზერბაიჯანის თავდაცვის სამინისტროს პრესმდივანმა ანარ ეივაზოვმა განაცხადა.
მისი თქმით, გათავისუფლებულია ის სოფლები, რომლებიც წლების განმავლობაში სომხური ოკუპაციის ქვეშ იმყოფებოდნენ. მათ შორის მან დაასახელა გარახანბეილი, გარვიანდი, გორადიზი, იუხარი, ააბდულრახმენლი და სხვები. ფრონტის აგდარინის მიმართულებაზე და მუროვდაგსკის ქედზე აზერბაიჯანის არმიამ გაანადგურა „ოკუპანტების მთელი რიგი პოსტები“.
აზერბაიჯანის პრეზიდენტის თანაშემწემ ჰიქმეთ გაჯიევმა ბრიფინგზე განაცხადა, რომ აზერბაიჯანმა ინფორმაცია მიაწოდა საერთაშორისო ორგანიზაციებს კონფლიქტის ხაზზე არსებული ვითარების შესახებ.
