თურქმა მეცნიერებმა შექმნეს მოწყობილობა, რომელსაც კორონავირუსის გამოვლენა 10 წამში შეუძლია. ინფორმაციას ამის შესახებ ბილკენტის უნივერსიტეტი ავრცელებს.
მოწყობილობამ სახელად Diagnovir-მა კორონავირუსის გამოვლენის 99 %-იანი ეფექტიანობა აჩვენა. Diagnovir-ს კორონავირუსის დასადგენად მოწყობილობას ადამიანის პირის ღრუს ლორწოვანი გარსის ნიმუში ესაჭიროება, რომელიც სპეციალურ ნაერთში ზავდება და თავსდება მოწყობილობაში.
„გვჯერა, რომ მოწყობილობა ფართოდ იქნება გამოყენებული ჩვენს ქვეყანაში და მსოფლიოში, როგორც ვირუსის სწრაფი და საიმედო გამოვლენის გზა. ამიტომ, ამ ბიოსენსორის სისტემის მასობრივი წარმოებისთვის საჭირო ინფრასტრუქტურული ინვესტიციები უკვე დაწყებულია. იმედი გვაქვს რომ ეს გამოგონება უახლოეს პერიოდში დიდ გავლენას მოახდენს ჩვენს ქვეყანაში და მსოფლიოში“- აცხადებენ ბილკენტის უნივერსიტეტში.
