დონალდ ტრამპმა, მას შემდეგ რაც ტვიტერის დაბლოკილი ანგარიშის აღუდგა, სოციალურ ქსელში ვიდეომიმართვა გამოაქვეყნა.
აშშ–ის მოქმედმა პრეზიდენტმა თქვა, რომ ძალაუფლებას “თანმიმდევრულად” გადააბარებს.
“კონგრესმა ახალი ადმინისტრაციის შედეგები დამტკიცა და ინაუგურაცია 20 იანვარს გაიმართება. ახლა ჩემი ყურადღება მიმართულია ძალაუფლების თანმიმდევრული და შეუფერხებელი გადაცემისკენ. ეს მომენტი მოითხოვს ურთიერთობის აღდგენასა და შერიგებას”, – ამბობს ტრამპი.
ის კაპიტოლიუმში მხარდამჭერების შევარდნასაც გამოემხაურა და თქვა, რომ ისაც აღშფოთებულია უკანონობის, ძალადობისა და არეულობის გამო. მანვე აღნიშნა, რომ ამერიკა იყო და ყოველთვის იქნება კანონის უზენაესობისა და წესრიგის ქვეყანა, კანონდამრღვევები კი პასუხს აგებენ თავიანთ საქციელზე.
ტრამპმა თავის მხარდამჭერებსაც მიმართა და თქვა, რომ მოგზაურობა ახლა იწყება.
“მშვენიერო მხარდამჭერებო, ვიცი, რომ იმედგაცრუებულები ხართ, მაგრამ მინდა იცოდეთ, რომ ჩვენი საოცარი მოგზაურობა მხოლოდ ახლა იწყება”, – თქვა ტრამპმა.
— Donald J. Trump (@realDonaldTrump) January 8, 2021
