ციციშვილის კლინიკაში კორონავირუსით 4 თვის ჩვილი გარდაიცვალა. ამის შესახებ ინფორმაციას კლინიკის სამედიცინო დირექტორი, მაია ჩხაიძე ადასტურებს. როგორც ის აცხადებს, ჩვილი მათთან 31 დეკემბერს შეიყვანეს, იგი მართვით სუნთქვაზე იმყოფებოდა და მდგომაროება უკიდურესად მძიმე იყო.
“31 დეკემბერს შემოვიდა ჩვენთან 4 თვის ჩვილი, რომელიც დაბადებული იყო დღენაკლი, დაბალი წონის და დაბადების შემდეგ იმყოფებოდა ერთ-ერთ კლინიკაში. ბავშვი მართვით სუნთქვაზე იყო, როდესაც ჩვენთან გადმოვიდა. მას ჰქონდა კომბინირებული ურთულესი მანკი. ერთი ჩარევა უკვე გაკეთებული ჰქონდა 1 თვის ასაკში, ამის შემდეგ ბავშვის მდგომარეობა კვლავ მძიმე იყო”, – თქვა ჩხაიძემ.
