“თეა წულუკიანი მოვიდა იქ [კულტრის სამინისტროში], როგორც ჩვეულებრივი სახალხო კომისარი, დორა მაზურკინაა, მაუზერი აკლია. ის განცხადება გუშინ რომ გამოაცხვეს, რა იყო, აბა? კულტურის სამინისტროს ლოგო შეუცვლიათ და ციხის გისოსებს ჰგავს, რა ლოგოა საერთოდ? კულტურის სამინისტრო გისოსებს, საზღვრებს არ უნდა ცნობდეს. ამიტომ არის კულტურა, მაგრამ იმთავითვე ცნობილი იყო, რომ წულუკიანი მოვიდოდა და ამას ჩაიდენდა.
სხვათა შორის, გუშინ პეტიცია რომ გავრცელდა, მე პრინციპულად არ ვაწერ ხელს მის გადაყენებას, რადგან ყველა, ვინც თავს იტყუებს, სირაქლემას პოზაშია, რა ვქნა, კულტურაში ვარ, სპორტში ვარ და არაფერი მეხება, მათ ეს უნდა დაინახონ, რადგან წულუკიანი არის რეალური სახე, ერთ-ერთი სახე ამ ხელისუფლების, წულუკიანი არის ჩვენში დაბუდებული საბჭოთა სიმახინჯე, რომელიც ასეთი ველური ფორმით გვახსენებს თავს, ის არის რეპრესიების გამტარებელი და გაატარებს რეპრესიებს.
აბა, 3-4-მა ამ სფეროში ამოიღოს ხმა, რომელ კუპრში დადუმდებდა წულუკიანი, მაგრამ „სანამ მე არ შემეხებიან, ხმას არ ვიღებ“ – ასე არაა სწორი. ვსაუბრობ ისეთ ადამიანებზე, ვისაც თანამდებობა აქვთ, სწორედ იმ თანამდებობას დაკარგავენ. დიდი პატივისცემის მიუხედავად, თუ არ მოგვწონს, ხმა უნდა ამოვიღოთ, ცალ-ცალკე წულუკიანი ყველას მოერევა, მაგრამ ერთად ვერა, თუნდაც, 4-5-მა ადამიანმა რომ ამოიღოს ხმა. არც პოლიტიკოსები სჭირდებათ და არც არაფერი. ასეა დამიჯერეთ, კარგად ვიცნობ ამ სფეროს. ასე რომ, მათ ხელშია, უნდათ რეპრესიები? – მიიღებენ რეპრესიებს, არ უნდათ? – ბევრი ბრძოლა არ დასჭირდებათ, რადგან 5-მა კაცმა შეიძლება ამოაყირაოს წულუკიანი თავისი გისოსებიანი ლოგოთი”
ამბობს პოლიტიკოსი გიგი უგულავა კულტურის მინისტრ თეა წულუკიანზე.
