პარტია „კანონი და სამართალის“ თავმჯდომარე თაკო ჩარკვიანი, რომელსაც კორონავირუსი დაუდგინდა, სოციალურ ქსელში ვიდეოს აქვეყნებს და აცხადებს, რომ თავს სუსტად გრძნობს.
“უარესად არ ვარ, მაგრამ საშინელი სისუსტე მაქვს. არ მსიამოვნებს საუბარი. დიდი მადლობა ყურადღებისთვის. ექიმები ძალიან ყურადღებით არიან, აბსოლუტურად ყველა უკლებლივ, ექთნებიდან დაწყებული, ყველაფერს აკეთებენ. დანარჩენი როგორც იტყვიან ღვთის ნებაა.
არაფერზე ვღელავ, მარტო დედაჩემზე. ახლა მითხრეს, რომ მის ასაკთან შედარებით ჯერჯერობით გართულება არ ჩანს. ვნახოთ, ისეთი ჯოჯოხეთური ვირუსია ხალხნო. არავითარი „არ არ არსებობს“, ეს გამორიცხეთ. არსებობს და ძალიან მძიმეა, მაგრამ ხასიათი უნდა მივაშველოთ. მიყვარხართ, დიდი მადლობა თითოეულს“, – აცხადებს თაკო ჩარკვიანი.
12 სექტემბერს კორონავირუსი „კანონი და სამართალის” თავმჯდომარე თაკო ჩარკვიანს დაუდასტურდა. ვირუსი დაუდასტურდა მის ქმარსაც. მოგვიანებით კი დედას.
