“ნაწილს ბრალად ედება საქართველოს კონსტიტუციური წყობილების ძალადობით შეცვლისაკენ ან დამხობისკენ მოწოდება, სტრატეგიული ობიექტის ხელში ჩაგდების მცდელობა, ჯგუფური ძალადობის ორგანიზება და მასში მონაწილეობა, ნაწილს კი – სამართალდამცველებზე ძალადობა. რაც შეეხება უცხოეთში მყოფ ორ პირს, რომელთა მიმართაც დაწყებულია სისხლის სამართლებრივი დევნა, მათგან ერთერთი ირაკლი შაიშმელაშვილია. მას ბრალად ედება კონსტიტუციური წყობილების ძალადობით შეცვლისკენ და სახელმწიფო ხელისუფლების დამხობისკენ მოწოდება” – განაცხადა გელაძემ.
რამდენიმე წუთის წინ ცნობილი გახდა, რომ 4 ოქტომბრის მოვლენებთან დაკავშირებით კიდევ 16 ადამიანი დააკავეს. საქმეზე სულ ჯამში 62 ადამიანია დაკავებული.
“ჩვენ დავაკავეთ კიდევ 16 პირი. მიმდნარე გამოძიების ფარგლებში ჩვენ მიერ ამ დროისთვის ჯამში დაკავებულია სულ 62 პირი. უცხოეთში მყოფი ორი პირის მიმართ კი დაწყებულია სისხლის სამართლებრივი დევნა”- თქვა გელაძემ.
