“ გვაწუხებს საქართველოს კავშირები ამერიკის მტრებთან, რომლებიც ჩვენს ბიზნეს და სტრატეგიულ ინტერესებს ეწინააღმდეგებიან“–სენატორების წერილი ამერიკის სახელმწიფო მდივანს

ამერიკელი სენატორები ტედ კრუზი და ჯონ კორნინი, ასევე კონგრესმენები ჯოდი არინგტონი და მარკვეინ მალინი საქართველოში მიმდინარე მოვლენებით შეშფოთებას გამოხატავენ წერილში, რომლითაც  მიმართავენ სახელმწიფო მდივანს მაიკ პომპეოსა და ფინანსთა მინისტრს, სტივენ მნუჩინს.

“გწერთ, რომ შეშფოთება გამოვხატოთ საქართველოში მმართველობის მოშლასა და პოტენციურად უკანონო ეკონომიკურ აქტივობებთან დაკავშირებით. კონკრეტულად კი იზრდება ჩვენი წუხილი ამერიკის მტრებთან საქართველოს კავშირების გამო, რომლებიც ჩვენს ბიზნეს და სტრატეგიულ ინტერესებს ეწინააღმდეგებიან.

ბოლო წლების მანძილზე პირდაპირი უცხოური ინვესტიციები საქართველოში დაახლოებით 50%–ით შემცირდა, რადგან გადასახადები და ბიუროკრატიული ბარიერები დასავლური ბიზნესისთვის გაიზარდა“– ნათქვამია წერილში.

ამერიკელი კონგრესმენები და სენატორები აღნიშნავენ, რომ საქართველოში მუშაობაში ხელი შეეშალა კომპანია ფრონტერას და მას ფაქტობრივად გაძევებით ემუქრებიან. მათივე თქმით, იმავე პრობლემას წააწყდა Conti Group ანაკლიის პორტთან დაკავშირებით, რამაც პროექტის შეფერხება გამოიწვია, ქართული ბიზნესები და ფინანსური სისტემა კი  უკვე წლებია (2013 წლიდან) გვერდს უვლის ამერიკულ სანქციებს ირანთან დაკავშირებით და ცოტა ხნის წინ ბათუმის პორტი კიდევ ერთხელ იქნა შემჩნეული ირანთან დაკავშირებულ უკანონო ვაჭრობაში.

“ამ დავებსა და გართულებებს აქვთ ღრმა გეოპოლიტიკური შედეგები. “ფრონტერას” მოპოვებითი სამუშაოს მიზანი იყო საქართველოს ენერგეტიკული დამოუკიდებლობის უზრუნველყოფა. ანაკლიის პორტის მშენებლობის მიზანი კი იყო საქართველოს დამოკიდებულების შემცირება რუსული პორტის ინფრასტრუქტურაზე.

უფრო მეტიც, მაშინ, როდესაც ლეგალური ბიზნესი გამოძევებულია, მიმდინარეობს უკანონო ვაჭრობა. ქართული ბიზნესები და ქართული საფინანსო სექტორი ამერიკაში სანქციებზე პასუხისმგებელი თანამდებობის პირებისთვის წლების მანძილზე ცნობილი იყო როგორც ირანზე დაწესებული სანქციებისგან თავის დაძვრენის საშუალება ჯერ კიდევ 2013 წლიდან, მაშინ, როცა ჩვენი ხელისუფლებისთვის ცნობილი გახდა, რომ თბილისში არსებული მცირე ზომის საბანკო ორგანიზაცია მოექცა სამი ირანელი ბიზნესმენის კონტროლქვეშ. ისინი ამ ორგანიზაციას იყენებდნენ როგორც ფულის მიმოქცევისთვის, ასევე სხვა აქტივობებისთვის,  ზღვის სანაპიროზე მდებარე კომპანიებისთვის და ავიაკომპანიისთვისაც კი. ქვეყნის  დასავლური ორიენტაცია და მისი პორტები ამ მხრივ ირანელებისთვის იდეალურ სამიზნეს წარმოადგენენ. ბოლოდროინდელი ცნობები უდაოდ მიუთითებს, რომ ირანული ნავთობით უკანონო ვაჭრობის სამიზნე ისევ გახდა ბათუმის პორტი.“–ნათქვამია წერილში.

წერილის ბოლოს ისინი მიმართავენ ამერიკის სახელმწიფო მდივანს:

“საქართველოს ამჟამინდელი ხელისუფლება ქართული ოცნების სახით გარეულია ამერიკული ბიზნესების გაძევებაში, რომლებიც აკეთებენ ინვესტირებას საქართველოს ეკონომიკასა და მომავალში .

მსგავს აქტივობებს აქვს გეოპოლიტიკური მოტივები, მათ შორის არის კავშირები ქართული ოცნების ლიდერს, ბიძინა ივანიშვილსა და რუსეთის მთავრობას შორის,რის შესახებ არსებობს ინფორმაცია.

საქართველოში მდებარე შავი ზღვის პორტებთან დაკავშირებული აქტივობები, რომლებიც საფრთხის შემცველია ამერიკის ნაციონალური უსაფრთხოების ინტერესებისთვის. მათ მათ შორის:

პორტის პროექტიდან ამერიკული კომპანიების გაძევება მიზნად ისახავს, რომ არ შემცირდეს რუსეთის გავლენა საქართველოში მიმდინარე პროცესებზე.

არსებობს ხარვეზები ამერიკული სანქციების აღსრულებასთან დაკავშირებით, კონკრეტულად და განსაკუთრებით  კი, პორტებთან დაკავშირებული ქმედებების  კონტექსტში.

საქართველო სტრატეგიული პარტნიორია კავკასიაში და ნატოს მნიშვნელოვანი მოკავშირე. სამხედრო თვალსაზრისით, ქართველები გვეხმარებიან ავღანეთის მისიაში. გეოგრაფიულად ქვეყანა კრიტიკულად მნიშვნელოვან მარშრუტზეა განლაგებული კასპიის ზღვიდან აღმოსავლეთ ევროპისკენ ვაჭრობის კუთხით. ქართულ-ამერიკული ურთიერთობები უმნიშვნელოვანესია ამერიკისათვის, რაც თავის მხრივ ითხოვს ყურადღება მივაქციოთ და მხარი დავუჭიროთ აქ კარგ მმართველობას.

მსგავსი გადახლართული სტრატეგიული და ბიზნეს ინტერესები ფედერალური მთავრობისაგან პასუხს საჭიროებს . როგორც ყოველთვის, ჩვენ მზად ვართ,  მოგაწოდოთ რესურსები, რაც გჭირდებათ ამერიკის ეროვნული უსაფრთხოების გასამტკიცებლად და დასაცავად„–  ნათქვამია წერილში.

ასე მყარდება დიქტატურა – ნელა და თავხედურად, მე ვტოვებ პარლამენტს – ჯაფარიძე

"ოცნება გავიდა 19 აპრილის შეთანხმებიდან გავიდა მხოლოდ ერთი მიზეზის გამო - დაინახა რომ 43%-ის აღების...

ოპოზიცია უნდა გამოვიდეს პარლამენტიდან, ოცნებამ გააუქმა არჩევნები – უგულავა

"ჩემი აზრით: 1. ოპოზიცია უნდა გამოვიდეს პარლამენტიდან 2. ვადა უნდა მივცეთ ოცნებას და მთავრობისგან გადაგდებულ პარტიორებს,...

შეთანხმებას კი არ ვარღვევთ, საერთოდ ანულირება გავუკეთეთ – მდინარაძე

"თუ დაინახავს ქართველი საზოგადოება, არა მხოლოდ მმართველი ძალა, რომ ჩვენს ოპონენტებში აღმოჩნდება, რადიკალურ ოპოზიციაში,...

უმრავლესობის სხდომა საპროტესტო აქციის ფონზე მიმდინარეობს

უმრავლესობის სხდომა მმართველი პარტიის ოფისში, აქციის ფონზე მიმდინარეობს.  სამოქალაქო აქტივისტები, ქართული ოცნების დანაშაულებრივ პოლიტიკას...

“ქართული ოცნება” რიგგარეშე არჩევნებს დანიშნავს, თუ ამის “კეთილი ნება” ექნება

ქართული ოცნება 19 აპრილის შეთანხმებას ანულირებულად აცხადებს და ამბობს, რომ რიგგარეშე არჩევნებს მხოლოდ საკუთარი...

19 აპრილის შეთანხმება ანულირებულია, თავი ამოწურა – ქართული ოცნება

"დოკუმენტის ხელმოწერიდან 100 დღის თავზე, აშკარაა, რომ მან თავისი მისია შეასრულა და თავი ამოწურა....

ღმერთმა წყალობა მოგვივლინა აცრის სახით და არის ხალხი, ვინც ამაზე უარს ამბობს – დეკანოზი...

ღმერთმა წყალობა მოგვივლინა აცრის სახით და არის ხალხი, ვინც ამაზე უარს ამბობს - ამბობს...

მე და ჩემს გუნდს ამ მეთოდით ბრძოლა არ გვჩვევია – კალაძე პლაკატებზე

მე და ჩემს გუნდს ამ მეთოდით ბრძოლა არ გვჩვევია -თბილისის მერი კახა კალაძე ქუჩებში...

ირაკლი კობახიძემ ტვ იმედის ეთერში განმარტა, რატომ არ იჭრის თმას

ირაკლი კობახიძემ განმარტა რატომ არ იჭრის თმას. ამ თემაზე „ქართული ოცნების“ თავმჯდომარემ გადაცემაში „ნოესთან“ ისაუბრა. „ასე ვგრძნობ უფრო კომფორტულად თავს. მოკლე თმა არ მიყვარს. ჩემზე...

შესაძლებელია თუ არა ჭაღარა თმას კვლავ ძველი ფერი დაუბრუნდეს–ახალი კვლევა

იმის შესახებ, რომ ძლიერი სტრესისგან გაჭაღარავება შეიძლება, თანაც ზოგჯერ ერთ ღამეში, დიდი ხანია ცნობილია. განსაკუთრებით ბევრი ასეთი შემთხვევაა ცნობილი ომიანობის, ბუნებრივი კატაკლიზმების და მოულოდნელი...

“ტრავმირებული ვარ, უბედური ვარ, ძილი არ შემიძლია“–ბრიტნი სპირსმა სასამართლოს მისი მეურვეობის საქმეზე ჩვენება მისცა

39 წლის პოპ ვარსკვლავმა, ბრიტნი სპირსმა პირველად მოითხოვა სასამართლოსგან პირადად, მოუხსნან მისი მამის მეურვეობა, რომელიც 2008 წლიდან მის საკონცერტო მოღვაწეობას და ფინანსებს აკონტროლებს. მან...