”პროკურატურის სისტემის განვითარება ჩვენი გუნდის ხელისუფლებაში მოსვლის შემდეგ ჩვენი უცვლელი პრიორიტეტია. ჩვენ დროს პროკურატურის დამოუკიდებლობა, ქვეყნის უზენაესი კანონით – კონსტიტუციით იქნა აღიარებული და სრულიად დამოუკიდებელ ინსტიტუციად ჩამოყალიბდა. მასშტაბური რეფორმების შედეგად, საქართველოს პროკურატურა ეფექტიან, ანგარიშვალდებულ და გამჭვირვალე ინსტიტუციად ჩამოყალიბდა და ამასთან, მუდმივად ვითარდება. მე მინდა, მადლობა გადავუხადო ჩვენს გენერალურ პროკურორს, ბატონ ირაკლი შოთაძეს და მის პროფესიონალთა გუნდს”
თქვა პრემიერმინისტრმა ირაკლი ღარიბაშვილმა პროკურორთა საერთაშორისო ასოციაციის წლიურ, 27-ე კონფერენციაზე სიტყვით გამოსვლისას.
