„ვივამედის“ კლინიკური დირექტორის, ზურაბ ჩხაიძის თქმით, პენიტენციური დაწესებულებიდან დავით ფეიქრიშვილი კვლავ „ვივამედში“ გადაიყვანეს. ამ წუთებში მას საოპერაციო ბლოკში შესაყვანად ამზადებენ. ინფორმაციას ამის შესახებ “პუბლიკა” ავრცელებს.
როგორც ჩხაიძე აცხადებს, ფეიქრიშვილს ზედა კიდურები აქვს დაზიანებული.
დღეს დავით ფეიქრიშვილის ადვოკატმა განაცხადა, რომ 16 ოქტომბერს ციხის საკანში დავით ფეიქრიშვილს ფიზიკურად გაუსწორდნენ: ვატო ყიფიანი, შოთა ყიფიანი, ავთანდილ ბილანიშვილი და კიდევ ორი პირი. „ოთხი ნეკნი აქვს მოტეხილი, სახის ძვლები ჩამტვრეული და აღენიშნება სისხლნაჟღენთები“ – ამბობს ადვოკატი.
„ვივამედში“ ადასტურებენ, რომ დავით ფეიქრიშვილი გუშინ საღამოს კლინიკაში შეიყვანეს და ღამით გაწერეს ციხის სამკურნალო დაწესებულებაში. ექიმ ზურაბ ჩხაიძის თქმით, მას მრავლობითი დაზიანებები აღენიშნებოდა.