თამარ ლორთქიფანიძე, რომელიც გასული წლის, 22 ოქტომბერს რუსთაველის გამზირზე მიმდინარე საპროტესტო აქციაზე დააკავეს, თავისუფალია.
მომიტინგე თამარ ლორთქიფანიძემ, 2025 წლის 22 ოქტომბერს, რუსთაველის გამზირზე გამართული ანტისახელისუფლებო აქციის დროს პოლიციის მანქანაზე ავიდა,რის შემდეგაც დააკავეს.
ლორთქიფანიძე თავდაპირველად „ხულიგნობის“ ბრალდებით დააკავეს, მოგვიანებით კი ბრალი წაუყენეს სისხლის სამართლის კოდექსის 126-ე მუხლის პირველი ნაწილით (ძალადობა, რამაც დაზარალებულის ფიზიკური ტკივილი გამოიწვია) და 353-ე პრიმა მუხლის პირველი ნაწილით (პოლიციელის სატრანსპორტო საშუალებაზე თავდასხმა, პოლიციელის სამსახურებრივ საქმიანობასთან დაკავშირებით). პროკურატურის ინფორმაციით, მან მანქანის სახურავი დააზიანა და ტაქსის მძღოლს სახეში ხელი გაარტყა. ლორთქიფანიძეს ოთხიდან შვიდ წლამდე თავისუფლების აღკვეთა ემუქრებოდა.ლორთქიფანიძემ დანაშაული აღიარა, რის შედეგადაც მას ერთწლიანი პატიმრობა და კიდევ სამი წლით პირობითი სასჯელი მიესაჯა.
თამარ ლორთქიფანიძეს ბრალად ედება, პოლიციელის სატრანსპორტო საშუალებაზე თავდასხმა, პოლიციელის სამსახურებრივ საქმიანობასთან დაკავშირებით სისხლის სამართლის კოდექსის 353-ე პრიმა მუხლის პირველი ნაწილით გათვალისწინებული დანაშაულის ჩადენა.