ახალქალაქის მუნიციპალიტეტის სოფელ ხულგუმოს სამლოცველოში, უცნობი პირები შეიჭრნენ და სიწმინდეები დააზიანეს. როგორც თვითმხილველები ამბობენ სალოცავად მისულ მოქალაქეებს ხატები გადმოყრილი და დამტვრეული დახვდათ. წლებია ხულგუმოსა და ბავრას მოსახლეობა ამ სამლოცველოში ლოცულობს. დამსხვრეულია წმინდანების ქანდაკებები, დახაზულია ხატები მოსახლეობა კი მომდარის სასწრაფოდ გამოძიებას ითხოვს.სამლოცველოს კულტურული მემკვიდრეობის უძრავი ძეგლის სტატუსი აქვს მინიჭებული და 13-ე საუკუნით თარიღდება.
„სამლოცველო არის სომხურ-ქართული, ძირითადად სომხები დადიან. ძვირფასი არაფერი არ დაზიანებულა, თუმცა ყველა ხატი ჩვენთვის მნიშვნელოვანია. ეს ხალხის მიტანილი ხატები იყო. დეტალები ჯერჯერობით უცნობია“, – განაცხადა ახალქალაქის საკრებულოს თავმჯომარემ, ნაირი ირიციანმა.
„ყველაფერი გატეხილი და მიმოფანტული დაგვხვდა. ეს ჩვენი სამლოცველოა, ხალხი მოდის აქ, ტოვებენ ხატებს, ლოცულობენ, სანთლებს ანთებენ. უცნობმა ადამიანებმა დასცინეს ჩვენს სიწმინდეს. გაანადგურეს წმინდანთა სურათები“, – ამბობს ერთ-ერთი თვითმხილველი
“დილით, როდესაც ჩვენ მივედით წმინდა ადგილზე, დავინახეთ, რომ ყველაფერი დამტვრეული იყო. ხატები სამლოცველოში ჰქონდათ მიმოფანტული. ეს ჩვენთვის წმინდა ადგილია, ხალხი აქ სალოცავად დადის. დაუდგენელმა პირებმა ჩვენი სიწმინდეები შეურაცხყვეს. არ ვიცით რა უნდა გავაკეთოთ.” – განუცხადა ერთ-ერთმა თვითმხილველმა სააგენტო “jnews.ge”-ს.
