დავით გარეჯის მონასტერში მისასვლელი გზის ჩაკეტვას საპარლამენტო უმრავლესობა აფასებს.
“ქართული ოცნების” ერთ-ერთი ლიდერის გიორგი ვოლსკის თქმით, ის არ გამორიცხავს პროვოკაციას. მისი თქმით, პრობლემის მოსაგვარებლად აუცილებელია, კომუნიკაცია როგორც სასულიერო პირებთან, ისე აზერბაიჯანის ხელისუფლებასთან.
“ყველას უნდა დაველაპარაკოთ, ეკლესიასაც უნდა დაველაპარაკოთ აზერბაიჯანსაც არის დიპლომატიური ხაზები და გადასამოწმებელია ყველა ინფორმაცია, რომელიც ამას ეხება. არც პროვოკაციას გამოვრიცხავ. ფაქტია, რომ ამ თემაზე მუშაობაა საჭირო და ეს ერთ-ერთი მნიშვნელოვანი გამოწვევაა, რომელიც ქვეყანას გააჩნია,“-განაცხადა ვოლსკიმ.
შეგახსენებთ, რომ უკვე 3 დღეა აზერბაიჯანელმა მესაზღვრეებმა დავით გარეჯის სამონასტრო კომპლექსისკენ მიმავალი გზა ჩაკეტეს და იქ არც სასულიერო პირებს უშვებენ.
