ჯენიფერ ლოპესის სახის კანის მოვლისთვის საჭირო კოსმეტიკის ხაზს ჩაუშვებს. მომღერალი მზად არის “სიბერის შეჩერების“ ფორმულა საზოგადოებას გაუზიაროს.
49 წლის ასაკში ჯენიფერ ლოპესი ბევრად ახალგაზრდად გამოიყურება და მზად არის სხვებსაც დაეხმაროს, მუდმივად ახალგაზრდებად დარჩნენ. “ვგეგმავ თავის მოვლის კოსმეტიკური ხაზის ჩაშვებას. ამაზე დიდი ხანია ვმუშაობ. ყველაზე ხშირად სწორედ ასაკთან დაკავშირებით მეკითხებიან – როგორ ვუვლი თავს? მინდა რომ ჩემი კოსმეტიკური ხაზი ამ კითხვებზე პასუხი გახდეს, ეფექტური იყოს და არაფერი ჰქონდეს საერთო სახის გაჭიმვასთან და ძაფებთან.“ –ამბობს მომღერალი და მსახიობი.
ჯენიფერ ლოპესი ჯერ არ აკონკრეტებს როგორი იქნება პროდუქციის ასორტიმენტი და ფასები. მხოლოდ იმას ამბობს, რომ მისი საავტორო პროდუქტი გაყიდვაში სავარაუდოდ 2019 წლის ბოლოს გამოჩნდება.
ეს პოპულარული მსახიობის პირველი მცდელობა არ არის სილამაზის ინდუსტრიაში საკუთარი სიტყვა თქვას: 2018 წლის დასაწყისში მან მაკიაჟის კოლექცია წარმოადგინა, თავისი კარიერის მანძილზე კი ორ ათეულზე მეტი სუნამოს არომატი გამოუშვა, მათ შორის ბესთსელერი Glow J. Lo.
