ლიბიიდან დაბრუნებულმა ორმა ქართველმა მეზღვაურმა, რომლებსაც ლიბიაში გარდაცვლილი დავით რაზმაძის საქმეზე მიმდინარე გამოძიების გამო, ლიბიის ტერიტორიას არ ატოვებინებდნენ, სარფის საბაჟო გამშვები პუნქტი ხმაურით გადმოკვეთეს.
ერთ-ერთი მეზღვაურის განცხადებით, თურქეთ-საქართველოს გამშვებ პუნქტზე, ქართულ მხარეს მესაზღვრეები საზღვრის დატოვების საშუალებას არ აძლევდნენ. მათი ინფორმაციით, მესაზღვრემ მათ პასპორტს ფოტო გადაუღო და მისი გამოკითხვაზე გადაყვანა სურდათ.
სარფის საბაჟო გამშვებ პუნქტთან იმყოფებოდნენ მეზღვაურების ახლობლები და ოჯახის წევრები. ისინი დეტალურად არ ყვებიან თუ რამ გამოიწვია მათი უკმაყოფილება, თუმცა აცხადებენ, რომ ქვეყანაში დაბრუნებულ მეზღვაურებს საბაჟოს გადმოკვეთის საშუალება მხოლოდ მხოლოდ მათი პროტესტის შემდეგ მისცეს.
ახლობლების უკმაყოფილების კიდევ ერთი მიზეზი ისიც გახლდათ, რომ ადგილზე არ იმყოფებოდა არცერთი ოფიციალური პირი, მათ შორის არც საზღვაო სატრანსპორტო სააგენტოს წარმომადგენლებიც
რამდენიმე თვის წინ, ლიბიაში გემზე გარდაცვლილი დავით რაზმაძის საქმეზე საგამოძიებო პროცესის გაჭიანურების გამო, რაულ ტაკიძე და მანუჩარ კეკელიძე ლიბიის დატოვებას რამდენიმე თვე ვერ ახერხებდნენ. მეზღვაურები მარშალის კუნძულების დროშის ქვეშ მცურავ თურქულ გემზე მუშაობდნენ.
რაულ ტაკიძემ და მნუჩარ კეკლიძემ ქვეყანაში დაბრუნება დრეს, 26 აპრილს საღამოს შეძლეს.
შს სამინისტროს ინფორმაციით, ლიბიაში ცოტა ხნის წინ გარდაცვლილი ქართველი მეზღვაურის საქმეზე მიმდინარე გამოძიების ფარგლებში მეზღვაურები დაბარებულები არიან გამოკითხვაზე, სწორედ ამის გამო მოხდა შეყოვნება, რადგან მათ ამის შესახებ საზღვარზე აცნობეს აცნობეს.
წყარო: აჭარის ტელევიზია
