“ეს არის ის,რაც თქვენს მომავალზე ვიცით“–იტალიელი მწერლის ემოციური წერილი ბრიტანელებს

იტალიელი მწერალი ფრანჩესკა მელანდრიკოვიდ19-ის გამო რომში 3 კვირის განმავლობაში ჩაიკეტამან ევროპელებს “წერილი მომავლიდან” მიწერასადაც მათ იმ ემოციებს უზიარებსრომელსაც ისინი სავარაუდოდ მომავალი კვირიდან განიცდიან.

იტალიიდან გწერთ, რაც იმას ნიშნავს, რომ გწერთ თქვენი მომავლიდან. ჩვენ უკვე იქ ვართ, სადაც თქვენ რამდენიმე დღეში აღმოჩნდებით. ეპიდემიის დიაგრამა აჩვენებს, რომ უკვე საერთო ცეკვაში ვიხლართებით.

დროის მდინარებაში, ჩვენ მხოლოდ რამდენიმე ნაბიჯით გისწრებთ, ზუსტად ისე, როგორც ვუჰანია ჩვენს წინ რამდენიმე კვირით. გაკვირდებით, თქვენც ზუსტად ისე იქცევით, როგორც ჩვენ. იგივე არგუმენტები გაქვთ, რაც ჩვენ, ცოტა ხნის წინ. სადღაც მათ შუაში ხართ, ვინც ამბობს: “ეს ხომ უბრალო გრიპია, რა საჭიროა ამხელა ამბავიო?” და ვინც უკვე ყველაფერს მიხვდა.

აქედან, თქვენი მომავლიდან რომ გიყურებთ, ვიცით, ბევრი თქვენგანი, ვისაც სახლში გამოკეტვა ურჩიეს, ორუელს ან სულაც ჰობს ციტირებთ. მაგრამ ცოტა ხანში ამისთვის ვეღარ მოიცლით.

პირველ რიგში, თქვენ ჭამას დაიწყებთ. არა მხოლოდ იმიტომ, რომ ეს ერთადერთი იქნება, რის გაკეთებასაც შეძლებთ.

უამრავ ჯგუფს მოძებნით რჩევებით სავსეს – დროის ნაყოფიერად გატარებაზე. ყველა მათგანში გაწევრიანდებით, და რამდენიმე დღეშივე მიაგდებთ.

თქვენი წიგნების თაროებიდან აპოკალიპტურ ლიტერატურას ჩამოალაგებთ, მაგრამ მალევე მიხვდებით, რომ არც ერთის წაკითხვის თავი არ გაქვთ.

ისევ შეჭამთ. ვერც დაიძინებთ. თქვენს თავს ჰკითხავთ: რა ჭირს დემოკრატიას.

განუწყვეტელი სოციალური ცხოვრება გექნებათ ონლაინ – მესენჯერი, უოთსაფი, სკაიპი, ზუმი…

თქვენი ზრდასრული შვილები ისე მოგენატრებათ, როგორც არასოდეს; ყელში ბურთი გაგეჩხირებათ იმის გაცნობიერებაზე, რომ ზუსტად არ იცით როდის ნახავთ.

ძველი წყენები და კამათი უმნიშვნელო მოგეჩვენებათ. იმ ხალხსაც კი დაურეკავთ, რომელზეც დაიფიცეთ, რომ არასოდეს ხმას არ გასცემდით და ჰკითხავთ: “როგორ ხარ?”.  ბევრ ქალს სცემენ სახლებში.

უსახლკაროებზეც ბევრს იფიქრებთ. უკაცრიელ ქუჩაში, მაღაზიაში გასული, თავს დაუცველად იგრძნობთ, განსკუთრებით იმ შემთხვევაში თუ ქალი ხართ. თქვენს თავს ჰკითხავთ, ნუთუ ასე ინგრევა საზოგადოებები. ნუთუ ეს ყველაფერი ასე სწრაფად ხდება? შემდეგ სახლში მისული ყველა ამ ფიქრს დაივიწყებთ და ისევ შეჭამთ.

წონაში მოიმატებთ. ონლაინ ფიტნესკურსებს მოძებნით.

იცინებთ. ძალიან ბევრს იცინებთ. იუმორს უბრალოდ ამოაფრქვევთ. ის ადამიანებიც კი, ვინც ყველაფერს ზედმეტად სერიოზულად აღიქვამდნენ, ცხოვრების, სამყაროს და ყველაფრის აბსურდულობაზე დაიწყებენ მსჯელობას.

მეგობრებს და საყვარლებს შეხვედრებს მაღაზიის რიგებში დაუთქვამთ, რომ ფიზიკური დისტანცირების პირობებში,მათ თვალი მაინც მოჰკრათ.

ყველა იმ ნივთს დაითვლით, რაც არ გჭირდებათ.

თქვენს გარშემო ადამიანები მთელი სიაშკარავით გამოავლენენ თავიანთ ნამდვილ სახეს. ბევრი მოულოდნელობა გელოდებათ და ბევრშიც დარწმუნდებით.

მუდამ ახალ ამბებში თავჩარგული ინტელექტუალები გაქრებიან, მათი აზრი მოულოდნელად უმნიშვნელო გახდება; ზოგი რაციონალიზაციაში იპოვის თავშესაფარს, რომელიც იმდენად მოკლებული იქნება ემპათიას, რომ მათ ადამიანები აღარ მოუსმენენ. და უცებ აღმოჩნდება, რომ ზუსტად ის ადამიანები, რომლებსაც ადრე ქედმაღლურად უყურებდით, გახდებიან სანდო, სარწმუნო, პრაგმატული და მომავლის განმჭვრეტნი.

მათ ენდობით, ვინც ამ ქაოსს, უფრო დიდ პერსპექტივაში დაგანახებენ, როგორც სამყაროს განახლების ნიშანს, ისე. რაღაც დროიდან, ისინიც ყელში ამოგიყვანენ თავს: გასაგებია, პლანეტა უკეთ სუნთქავს CO2 ემისიების განახევრების გამო, მაგრამ როგორ უნდა გადაიხადო შემდეგი თვის კომუნალურები?

ვერც იმას მიხვდები ახალი სამყაროს დაბადება გრანდიოზული ამბავია, თუ უბადრუკი.

თქვენი ფანჯრებიდან და გაზონებიდანაც დაუკრავთ მუსიკას. “ეს იტალიელები!”, ალბათ ასე ამბობდით, როდესაც აივნებიდან მომღერალს გვხედავდით. მაგრამ ჩვენ ვიცით, რომ ერთმანეთის გამამხნევებელ სიმღერებს თქვენც იმღერებთ. და როდესაც “I will survive”-ს ჩართავთ, ჩვენ გიყურებთ და დაგიქნევთ თავს, როგორც ვუჰანის მაცხოვრებლები, თებერვალში თავიანთი ფანჯრებიდან რომ მღეროდნენ, გვიქნევდნენ თავს  ჩვენ.

ბევრი თქვენგანი იმ ფიცით დაიძინებს, რომ როგორც კი კარანტინი დასრულდება, პირველი რასაც იზამენ განქორწინების განაცხადის შევსება იქნება.

ბევრი ბავშვი ჩაისახება.

თქვენი ბავშვები სკოლაში ონლაინ ივლიან. თავს მოგაბეზრებენ, მაგრამ თან დიდ სიხარულსაც მოგანიჭებენ.

ასაკოვანი ადამიანები თინეიჯერებივით დაუმორჩილებლები გახდებიან: მათთან ბრძოლა მოგიწევთ იმისთვის, რომ სახლიდან არ გაუშვათ, რადგან არ დაინფიცირდნენ და არ მოკვდნენ.

შეეცდებით რომ არ იფიქროთ მარტოხელა გარდაცვლილებზე ინტენსიურ განყოფილებებში.

მოგინდებათ ვარდის ფურცლებით მოფინოთ სამედიცინო მუშაკების თითოეული ნაბიჯი.

გეტყვიან, რომ საზოგადეობა საერთო ძალისხმევით არის გაერთიანებული და თქვენ ყველა ერთ ნავში ხართ. მართალი იქნება. ეს გამოცდილება საბოლოოდ შეცვლის წარმოდგენას თუ როგორ აღვიქვამთ თავს – ინდივიდუალურად, თუ როგორც მთელის ნაწილს.

მიუხედავად ამისა, თვაშისაცემი იქნება კლასობრივი განსხვავება. ლამაზ, ბაღიან სახლში გამოკეტვა, არ იქნება ისეთივე, როგორიც მჭიდროდ დასახლებულ ბინებში. არც სახლიდან მუშაობა და სამსახურის დაკარგვა იქნება ერთნაირი. ის ნავი, რომლითაც ეპიდემიის დასამარცხებლად ერთად იმგზავრებთ არ გამოიყურება ყველასთვის ერთნაირად, არც არის ერთი ყველასათვის: არც არასოდეს ყოფილა.

რაღაც დროს მიხვდებით, რომ ძნელია. შეგეშინდებათ. თქვენს შიშებს ძვირფას ადამიანებს გაანდობთ, ან თქვენთვის შეინახავთ, რომ ისინი არ დაამძიმოთ.

ისევ შეჭამთ.

ჩვენ იტალიაში ვართ, და ეს არის ის, რაც ვიცით თქვენს მომავალზე. მაგრამ ეს მომავალი ადვილი განსაჭვრეტია. ძალიან ახლომხედველები ვართ.

თუ ჩვენს მზერას შორეულ მომავალზე მივაპყრობთ, მომავალზე რომელიც უცნობია თქვენთვისაც და ჩვენთვისაც, მხოლოდ ერთი რამის თქმა შეგვეძლება: როდესაც ეს ყველაფერი დამთავრდება, სამყარო არასოდეს იქნება ისეთი, როგორიც იყო.

ფრანჩესკა მელანდრი 2020

 

წერილი გამოქვეყნდა გარდიანის ონლაინ გამოცემაში

ინგლისურიდან ითარგმნა ანა ძიაპშიპას მიერ ინდიგოსთვის

20 წლიანი პაუზის შემდეგ ამერიკაში სიკვდილით პირველი ადამიანი დასაჯეს

ამერიკაში ბოლო 17 წლის განმავლობაში, რამდენიმე საათის წინ, სიკვდილით პირველი პატიმარი დასაჯეს. სასიკვდილო ინექცია...

“ქართულმა ოცნებამ“ საარჩევნო შტაბის ხელმძღვანელად ირაკლი კობახიძე დანიშნა

მმართველი პარტიის,"ქართული ოცნების“ საარჩევნო შტაბის ხელმძღვანელად პარტიის აღმასრულებელი მდივანი ირაკლი კობახიძე დაინიშნა. პარტიის ინფორმაციით, „ქართული...

საქართველო უკვე უნდა იყოს ნატოს წევრი – მეთიუ ბრაიზა

ამერიკელმა დიპლომატისა და სახელმწიფო დეპარტამენტის ყოფილი მაღალჩინოსნის, მეთიუ ბრაიზას განცხადებით, საქართველოს 2008 წელს "მაპი"...

გიორგი შაქარაშვილის საქმეზე პირველი სასამართლო პროცესი 31 ივლისს ჩაინიშნა

გიორგი შაქარაშვილის საქმეზე პირველი სასამართლო პროცესი საქალაქო სასამართლოში 31 ივლისს ჩაინიშნა. გამოძიებას ამ დრომდე 19 წლის...

კაცს, რომელმაც ქალის დაწვა სცადა, დანაშაულის მოტივად გენდერული დისკრიმინაცია დაუდგინდა

პროკურატურის ინფორმაციით, კაცს, რომელმაც ქალის დაწვა სცადა, დანაშაულის ჩადენის მოტივად გენდერული დისკრიმინაცია დაუდგინდა. როგორც უწყების...

საგანგებო მდგომარეობის გარეშე შეზღუდვები წლის ბოლომდე გახანგრძლივდა

79 ხმა 1–ის წინააღმდეგ – პარლამენტმა საგანგებო მდგომარეობის გარეშე შეზღუდვები წლის ბოლომდე გახანგრძლივებას მხარი...

მიუღებელია განცხადებები, რომელიც მირიან ნიკოლაძის მიმართ ჟღერდება – მარიამ ჯაში

ფრაქცია "დამოუკიდებელი დეპუტატების" თავმჯდომარის მარიამ ჯაშის თქმით, განცხადებები, რომელიც შაქარაშვილის საქმის ადგოკატის და გიორგი შაქარაშვილის...

ეს არის საქართველო, რომელიც არ პატიობს თავგასულობას ძალაუფლების არცერთ შტოს – ხოშტარია

"ევროპული საქართველოს" ერთ–ერთი ლიდერი, ელენე ხოშტარია ფიქრობს, რომ საქართველო იმ ქვეყნების სიაშია, რომელშიც დემოკრატიულობისა...

სხვა სიახლეები

“ვერ გადავარჩინე”- ნანუკა ჟორჟოლიანს დედა გარდაეცვალა

"დედა ვერ გადავარჩინე" - ჟურნალისტსა და ტელეწამყვანს ნანუკა ჟორჟოლიანს დედა გარდაეცვალა, ამის შესახებ მან სოციალურ ქსელში დაწერა; "ყველას გონია რომ დედა, ყველაზე კარგი ჰყავს მთელ...

ჯანმრთელობა

რამდენი ფულია საჭირო ბედნიერებისთვის – მეცნიერებმა პასუხი იპოვეს

არაერთხელ გაგვიგონია, რომ ბედნიერებას ვერ იყიდი, მაგრამ რამდენიმე ამერიკული კვლევის ავტორები ამ საკთხთან დაკავშირებით მივიდნენ დასკვნამდე, რომ შემოსავლის ზრდის პარალელურად ბედნიერების შეგრძნება იზრდება. ამასთან ,...

შოუ ბიზნესი

ჯონ ტრავოლტას ცოლი, მსახიობი კელი პრესტონი სიმსივნით გარდაიცვალა

58 წლის ასაკში გარდაიცვალა მსახიობი კელი პრესტონი, მსახიობ ჯონ ტრავოლტას ცოლი. “ჩემი მშვენიერი ცოლი კელი დამარცხდა კიბოსთან ბრძოლაში, რომელიც ორი წელი გრძელდებოდა. ის თავდადებით იბრძოდა,...

ვიდეო