“რატომ ვყრით 400 000 ევროს რემდესივირში, როცა ამ თანხით სუნთქვის აპარატებით საქართველოს ყველა ინტენსიურს მოვამარაგებდით?“–გერმანიაში მცხოვრები ქართველი ექიმი

გერმანიის შარიტეს საუნივერსიტეტო კლინიკის ექიმი, თამარ ჟამურაშვილი პრეპარატ რემდესივირის შესახებ წერს, რომელიც ინფექციური საავადმყოფოს დირექტორის, თენგიზ ცერცვაძის აზრით კარგი პრეპარატია. მიუხედავად სხვადასხვა ქვეყნის ექიმების მიერ პრეპარატის მუდმივი კრიტიკისა, ცერცვაძემ პირადადაც გამოიყენა რემდესივირი, როცა კორონავირუსით იყო ინფიცირებული. გუშინ კი განაცხადა, რომ რემდესივირის გარეშე ვერ გადარჩებოდა. თამარ ჟამუტაშვილი მის განცხადებებს ეხმაურება:
“რემდესივირი ხდება შემოდგომის პლაქვენილი საქართველოში!
კვლევებმა რემდესივირის ეფექტურობა ვერ დაადასტურა. კვლევის შედეგებით, რომელზეც ბევრი დაიწერა და აქ აღარ შევჩერდები, ამ პრეპარატს ან საერთოდ არანაირი ან ძალიან უმნიშვნელო გავლენა ჰქონდა დაავადების მიმდინარეობაზე. იმდენად უმნიშვნელო, რომ ჩვენს კლინიკაში რემდსივირი ამოღებულია სქემიდან და უკვე კვირეებია აღარ ინიშნება. იმისთვის, რომ ყველამ კარგად გაიაზროს ამ ინფორმაციის მნიშვნელობა დავწერ, შარიტეს საუნივერსიტეტო კლინიკა უკვე მე-7 წელია არა მარტო გერმანიის, არამედ მთელი ევროპის საუკეთესო კლინიკებს შორის პირველ ადგილზეა. კონკრეტულად ჩვენი განყოფილება შარიტეში: პულმონოლოგია და ინფექციოლოგია ბერლინის (ბერლინს 3,7 მილიონი მოსახლეობა ჰყავს) პირველი კოვიდ-მიმღები დეპარტამენტია და ვიმეორებ, ამ კლინიკაში კოვიდ-პაციენტებს რემდესივირით აღარ ვმკურნალობთ.
რაც შეეხება იმ ფაქტს, რომ რემდესივირი თურმე „მხოლოდ“ 400 000 ჯდება. ამ თანხით შემოტანილი რემდესივირის რაოდენობა რამდენ ადამიანს ეყოფა, ამაზე ითქვა რამე? ერთი ადამიანისთვის საჭირო დოზა, სრული კურსი 2 000 ევრო ჯდება (აქაური ინფორმაციით) ანუ ამ 400 000ში მხოლოდ 200 ადამიანი მოიაზრება. პრინციპში, აწი შეიძლება უფრო ნაკლებიც დაჯდეს, რადგან წამყვანი ქვეყნები და კლინიკები აღარ იყენებენ.
ეხლა ყველაზე მთავარი საიკითხი. ერთი High Flow-აპარატი (აპარატი, რომელიც ჟანგბადს მაღალი წნევით მიაწვდის პაციენტს) იცით რა ღირს? ეს ის აპარატია, რომელიც ბევრ პაციენტს ინტუბაციას და მართვით სუნთქვაზე გადაყვანას აარიდებდა. მართვით სუნთქვაზე გადაყვანილ პაციენტთა უმრავლესობა, სავარაუდოდ 90%მდე თუ მეტი არა, საქართველოში დაიღუპა. ხომ მიხვდით ამ აპარატის მნიშვნელობას?! ეს ის აპარატია, რომელსაც ყველა, ვისაც ინტენსიურ მედიცინაში რამე გაეგება, მარტის მერე იხვეწება საქართველოში. ერთი HighFlow-ს აპარტი, ყველა თავისი ზონდით და ნიღბით 2000 ევრო ღირს მაქსიმუმ და თუ ბევრს ერთად შეუკვეთავ, სავარაუდოდ ნაკლებიც.
• კითხვა: რატომ ვყრით (!) 400 000 ევროს მედიკამენტში, რომელსაც წამყვანი კლინიკები აღარ იყენებენ, როცა ამ თანხით იმდენი HighFlow-ს აპარატი მოგვივიდოდა, რომ საქართველოს ყველა ინტენსიურს მოვამარაგებდით? ინტენსიურის 10 საწოლზე ერთი აპარატი ლუქსუსია.
სანამ ვინმე არგუმენტად დამიწერს რემდესივირმა ბ-ნი თენგიზ ცერცვაძე გამოაჯანმრთელაო, აქვე გიპასუხებთ.
არ მინდოდა ამ თემას შევხებოდი, მაგრამ იძულებული ვარ!!
ბ-ნი თენგიზ ცერცვაძის გამოჯანმრთელება ჩემთვის, როგორც ექიმისთვის, რომელიც დღე და ღამეს კოვიდ-პაციენტებთან ატარებს, უბრალოდ მისტერიულია. სხვა მცნება ამ ფაქტს არ შეესაბამება. 72 წლის ადამიანი, ლიმფომის დიაგნოზით (დიაგნოზი საკუთარი სურვილით გასაჯაროვდა. თავიდან ვერც მივხვდი, როტომ დაიდო მეორე დღესვე დიაგნოზების სია სოც-ქსელში. ჩემს გაოცებას საზღვარი არ ჰქონდა), ინფიცირდება SARS-CoV2 ვირუსით და დაავადება არა მარტო რთული იმუნური ფაზის გარეშე მიმდინარეობს, არამედ ჟანგბადზე დამოკიდებულსაც კი არ ხდის, თუნდაც პირველი 3-4კვირის განმავლობაში… მერწმუნეთ, ამას წილხვედრის გარდა ვერავინ და ვერაფერი მოახერხებდა რემდესივირი კი არა! გილოცავთ ბ-ნო თენგიზ, ეს განსაკუთრებული ხვედრია!
თუმცა, უნდა ვაღიაროთ და რემდესივირის რეკლამას უკუეფექტი უფრო აქვს. წესით გემის კაპიტანი ჩაძირულ გემს პირველი არასოდეს ტოვებს, თუნდაც ნაცნობების დაჟინებული მოთხოვნით.
ყველა იმ ადამიანს, ვინც ოჯახის წევრი, ახლობელი, კოლეგა ან თუნდაც უბრალოდ ნაცნობი დაკარგა, მინდა ვუთხრა სრული პასუხისმგებლობით (!) რემდესივირი თქვენთვის ძვირფას ადამიანებს ვერ გადაგირჩენდათ. ეს არ არის, ის მედიკამენტი, რომელიც მათ სიცოცხლეს აჩუქებდა. ვიზიარებ თითოეული თქვენგანის წუხილს და სევდას!“

ელისაშვილის ქცევა მიმართულია იმისკენ, რომ დაიშალოს ოპოზიციური ერთობა – ბურჯანაძე

" ელისაშვილის ქცევა მიმართულია იმისკენ, რომ დაიშალოს ოპოზიციური ერთობა" - ამის შესახებ “პალიტრანიუსის” გადაცემა...

ახალი სკანდალი თუ შერიგების მცდელობა–მეგან მარკლის მამა შვილზე დოკუმენტურ ფილმს იღებს

მეგან მარკლის შემთხვევაში ფრაზა – “ნათესავებს არ ირჩევენ“ განსაკუთრებულ დატვირთვას იძენს. ბრიტანეთის პრინცის, ჰარის...

მოსალოდნელი საფრთხის გამო, კაპიტოლიუმში საგანგებო მდგომარეობა გამოცხადდა

მოსალოდნელი საფრთხის გამო, კაპიტოლიუმში საგანგებო მდგომარეობა გამოცხადდა. ინფორმაციას ამის შესახებ, BBC ავრცელებს. გამოცემის ცნობით, აღნიშნული...

გვქონდა შეხვედრა და გარკვეული პირობები მისგან -იაგო ხვიჩია გიორგი ვაშაძის უარზე

"მოულოდნელი იყო ეს განცხადება, გვქონდა შეხვედრა და გარკვეული პირობები მისგან"- ამის შესახებ, "გირჩის" ლიდერმა,...

შეიძლება მედიცინაში მაგარი ხარ, მაგრამ მე ჯარიმების წერა მეხერხებაო – რას ჰყვება ქართველი ექიმი

"სოციალურ ქსელში ექიმი ოთო აბესაძე ვრცელ პოსტს აქვეყნებს და გვიან ღამით მომხდარს დეტალურად იხსენებს:"- ...

Amnesty International-მა ალექსეი ნავალნი სინდისის პატიმრად ცნო

ადამიანის უფლებათა დამცველმა საერთაშორისო ორგანიზაცია Amnesty International-მა რუსეთის ხელისუფლებისგან ალექსეი ნავალნის დაუყოვნებელი და უპირობო...

არაა ის პიროვნება, რომელიც თავისი პოლიტიკური პოზიციით საქართველოსთვის რაიმე პოზიტივს გამოხატავდა – ვოლსკი...

"არაა ის პიროვნება, რომელიც თავისი პოლიტიკური პოზიციით საქართველოსთვის რაიმე პოზიტივს გამოხატავდა"- პარლამენტის ვიცე-სპიკერი, გია...

“სტუდენტურ პარლამენტში” სტუდენტებს გია ვოლსკისთვის დაბადების დღე მიელოცათ დაევალათ, სანაცვლოდ მათ 10 ქულას დაუწერენ

ცოტა ხნის წინ, სოციალურ ქსელში გავრცელდა ფეისბუქის ე.წ. სქრინები, სადაც "სტუდენტური პარლამენტის" ერთ-ერთი კომიტეტის...

სხვა სიახლეები

“МВД უნდა დავითრიოთო.მთავარია,ვასიკომ სადმე კონსპირაციულ ბინაში არ მიაძინოს“–ელისო კილაძე კობახიძეზე

ქრონიკა +–ის დამფუძნებელი, ელისო კილაძე ამბობს, რომ ქართული ოცნების ახალ თავმჯდომარეს, ირალკი კობახიძეს შსს–ს ხელში ჩაგდებაზე ოცნებობდა, თუმცა ივანიშვილმა აშკარად აჩვენა, ვის ხელშია რეალური...

ჯანმრთელობა

კორონავირუსი შესაძლოა ერექციული დისფუნქციის მიზეზი გახდეს–სპეციალისტების დასკვნა

კორონა-ვირუსით გამოწვეული გრძელვადიანი შედეგების შესახებ ჯერ კიდევ ბევრი რამ ცნობილი არ არის, თუმცა უკვე ცნობილია, რომ იმ ჩივილების ჩამონათვალი, რაც კოვიდ-ინფექცია გადატანილ პაციენტებს ხანგრძლივი...

შოუ ბიზნესი

ახალი სკანდალი თუ შერიგების მცდელობა–მეგან მარკლის მამა შვილზე დოკუმენტურ ფილმს იღებს

მეგან მარკლის შემთხვევაში ფრაზა – “ნათესავებს არ ირჩევენ“ განსაკუთრებულ დატვირთვას იძენს. ბრიტანეთის პრინცის, ჰარის მეუღლის ნახევარდამ მათ დაძაბულ ურთიერთობებს მთელი წიგნი მიუძღვნა, რომელიც იანვრის...

ვიდეო