“ცდილობდა მარიანა ბავშვი მდგომარეობიდან გამოეყვანა, მოახერხა კიდევაც, ბავშვი ჭკუაზე აღარ იყო“–ლუკა სირაძის დედა

ტრაგიკულად გარდაცვლილი მოზარდის ლუკა სირაძის დედამ, ელიკო ჩხიტუნიძემ გადაცემა „პოლიტმეტრს“ პირველი ინტერვიუ მისცა. დედის მიერ აღდგენილი სურათით დგინდება, რომ მარიანა ჩოლოიანის გარდა, ლუკა სირაძეზე კიდევ რამდენიმე პოლიციელმა იძალადა.

დედის თქმით, ლუკა სირაძეს პოლიციის განყოფილებაში აშანტაჟებდნენ და სავარაუდოდ ფიზიკურადაც გაუსწორდნენ, კერძოდ ხელი დაარტყეს.

„ლუკა იყო ძალიან თბილი, ძალიან მიზანდასახული, კარგი მოსწავლე, არავისთან პრობლემა არ ჰქონდა, ეს ასაკი ცოტა სიზარმაცის პერიოდია, ამის გამო გადავიყვანე მწვანე სკოლაში, არ მინდოდა გაეცდინა გაკვეთილები და გადავიყვანე რადგან იქ იყო დაცვა, მეგონა რომ მეტი ყურადღება იქნებოდა, თორე მარტო მაგათთვის არ მიმინდვია ლუკას აღზრდა და გამოვიდა ისე, რომ იმ სკოლამ გაიმეტა ჩემი ლუკა, იმიტომ რომ კედლები დაფხაჭნა, მე არ მოუწონებდი ამ საქციელს, მაგრამ ლუკას ჩემი სასჯელი ეყოფოდა . . .

30-ში ხუთის ნახევარი იქნებოდა, პოლიციის პირველი განყოფილებიდან დამირეკეს, მოიყვანეთ თქვენი შვილი და მოდით განმყოფილებაში, ჯერ რომ მე მოვიდე და მერე ბავშვი – მეთქი, შენ რაში მჭირდები, იკითხე განყოფილებაში მარიანა ჩოლოიანი და მოდი ჩემთანო. 5 საათი სრულდებოდა, რომ შევედით განყოფილებაში.

იცით რაზე ხართ დაბარებული, არც შენ არ იცი ვაჟბატონოო, არც მე არ ვიციო ლუკამ. აი ჩვენ კი ვიცით და მიგვითითა მწვანე სკოლის წარმომადგენელზე, გოჩაზე.

შენ არ იცი კედლები ვინ მოხატა, ჟურნალი ვინ გააფუჭა? მე ვიდეო მასალა მაქვს, სკოლის წარმომადგენელი ამბობს, რომ შენ გააფუჭე, მოსწავლეებმაც შენ დაგასახელს – არ გამიფუჭებია, მე არავის დაუნახივარ და როგორ იტყვიანო. მე მყავს მოწმებიო, აღიარეო ახლა, რომ გეუბნები, ლუკამ შენ გინდა რომ ეს საქმე მე დამაბრალოო. ისეთ ნაირად ელაპარაკებოდა ჩოლოიანი – კისერს მოგიგრეხ, შენისთანებისთვის მომიგრეხია კისერი, იწვევდა ძალიან, გაბრაზდა ლუკა.

მე ჩემი შვილის გაბრაზება ვერ მოვითმინე და ვეხვეწებოდი დაწყნარდი დედა, თუ შენი დაწერილია, დაწერე აღიარებითი ჩვენება. ცდილობდა მარიანა რომ ეს ბავშვი გაეღიზიანებინა, მდგომარეობიდან გამოეყვანა, მოახერხა კიდევაც ბავშვი ჭკუაზე აღარ იყო. შენი საქციელით, შენი გადახოტრილი თავითკაპიშონით, ზუსტად შენ ხარ გამკეთებელი. შენ იცი სად გიკრავ თავს, სადაც საჭიროა და იქ მოგხედავენო.

მე ძალიან შევშინდი და ტირილი დავიწყე და ვითხოვე დავრეკავ ჩემს შვილთან ბექასთან-მეთქი, დაურეკე და ვუთხარი, რომ მჭირდებოდა. წამოდი თუ გცალია მეთქი – ვერ გაუშვეს ბექა, ქალაქში არ იყო. ვუთხარი ძმასთან დავალაპარაკებ, არ დაუშლიათ, მათ აწყობდათ დალაპარაკებოდა ოღონდაც ეღიარებინა – აღიარეო რომ შენი გაკეთებულია თორემ ახლა შენ ძმას იცი რას უზამენო (გორში სწავლობს ბექა, სამხედრო აკადემიაში) გამოაგდებენ, საქმეს გაუფუჭებენ, ვერსად ვეღარ იმუშავებს. ამაზე ბავშვი სულ გაგიჟდა ადგილს ვეღარ პოულობდა”,- აცხადებს ლუკა სირაძის დედა.

დედის თქმით, მარიანა ჩოლოიანი მოზარდს აშანტაჟებდა, რათა მისგან აღიარებითი ჩვენება მოეპოვებინა.

” შენი ტელეფონით მიმოწერა მაქვს, რომ მეგობარს წერ – „არ გაამხილო მე რომ გავაფუჭე თორე თავს მოგაჭრიო“. ლუკამ უარყო. შანტაჟი იყო, არა მარტო მარიანასგან არამედ, იქ მყოფი 4 – 5 პიროვნებისგან. ვინც გაივლიდა – გამოივლიდა ყველა ეუბნებოდა ჩაალაგოს შენმა ძმამ ჩემოდანი, უკვე დროა, იქიდან გამოაგდებენ. საქმე გაუფუჭდება, ვერსად ვერ იმუშავებს. ვაი შე საცოდაო, რა იცი რა მოელის შენ გამო შენს ძმას.

დიდი ხანი მიდის პროცესი, ხან გავა მარიანა მითითებას აიღებს – მოწმეები მყავსო და მოვიდნენ მწვანე სკოლის მეგობრები, ამ შანტაჟის მერე, ჩვენთან ერთად დააჯინა დედა-შვილი და ეუბნება ამ ბავშვს, შენ ხომ თქვი, რომ ლუკამ დაწერა ეს ყველაფერი, არ დამინახავს როგორ ვიტყოდიო – აღიარე ახლა რომ შენ თქვი, არა სრულწლოვანს ეუბნება. ეს ბავშვი გახდა ისე ცუდად, სულ კანკალებდა, ადგა დედამისი გაბრაზებული როგორ ელაპარაკებიო, ამას რომ რამე დაემართოს მერე რა უნდა ვქნაო – ქალბატონო დაბრძანდი, თორემ შენ გარეთ გაგაბრძანებენ, სოციალური სამსახურიდან ვინმეს მოვიყვანთ მაინც დაიკითხება ეს ბავშვიო.

მესმის ასე რომ არ უნდა ხდებოდეს მაგრამ, იქნებ რამე შეიცვალა და რამე სასწაული ხდება ჩვენს თავს-მეთქი. ამ გოგოს ეუბნება მე შენი და ლუკას მიმოწერა მაქვს, გინდა ვაჩვენო დედაშენს რა წერია – დღესაც არ ვიცი რა ეწერა იმ ტელეფონში, არაფერი არ წერია ისეთი რა უნდა აჩვენოო უპასუხა მეგობარმა, ასე საათ ნახევარი იყო ჭიდილი.

ცოტა ხნის შემდეგ შემოვიდნენ სხვა მეგობარი და მისი მშობელი, უკვე ბიჭი, ჩვენ გვითხრეს გადავსულიყავით შემოსასვლელში და ეს ახლად მოსული ბიჭი ამ გოგოსთან დასვა – დააპირისპირა ერთმანეთს, იმათი საუბარი მე არ მესმოდა.

უკვე 4 საათია და დაუწყო ისევ თავიდან შანტაჟი ჩოლოიანმა, ამათმა შენ დაგადეს ხელი, შენ გონია არ თქვეს, რომ შენ იყავიო. ვერ იტყოდენ, არ დაუნახივარო. ამასობაში ლუკამაც რომ ცოტა ხმამაღლა თქვა, მილიციის ერთ-ერთი თანამშრომელი წამოვიდა უკანა მხრიდან და დაგვიწყო გინება – „ვიღაცამ ჩვენო ძაღლებათ მოგვიხსენია და იმის დედაც . . . “, ყველა მხრიდან გინება, შანტაჟი “, – ახადებს ელიკო ჩხიტუნიძე.

ელიკო ჩხიტუნიძეს თქმით, ხმაურზე პოლიციის უფროსის მოადგილე რევაზ მამასახლისი შემოვიდა, რომელმაც ლუკა სირაძე ცალკე ოთახში გაიყვანა.

“ხმაურზე გამოვიდა პოლიციის უფროსის მოადგილე, რევაზ მამასახლისი და შეიყვანა ლუკა კაბინეტში, მე ვერ მივხვდი უნდა გავყოლოდი თუ არა, დაახლოებით 7 წუთი იყო იმ ოთახში, გამოვიდა და სახე ჰქონდა ალეწილი, თვალები წყლიანი, ტიროდა. დედი დაგარტყა-მეთქი, არ მომეწონა სახე, ნამდვილად ვიტყვი, რომ ბავშვს გარტყმული ჰქონდა სახეში, მაგრამ ბავშვმა არ თქვა, დაჯდა ტირილით – კაპეზეთი დამემუქრაო. ერთად ორგანიზებულმა ამ ყველაფერმა ქნა ის რომ მიაღწიეს ბავშვი წაშლილიყო ყველანაირად.

ლუკამ სასწრაფო შეიძლება გამოვიძახოთო – შევხედე მარიანას, სასწრაფოს მე თვითონ გამოვიძახებ თუ შეგატყობ ცუდად ხარ. იმდენიც ვერ ვიძალე სასწრაფო გამოეძახებინა. სოციალური სამსახური რომ გამოვიძახო, ესეც აუკრძალა, დედაშენი გყავს აგერო. დედა რა ვქნა, დაწერე შვილო ხომ არ მოკლავენ – მეთქი, დამთანხმდა, უკვე 5 საათ ნახევარია გასული, ვწერთ და ვერ მოვასწარით, წადით და ხვალ მოდით 11 საათზეო.

მივედით დილით და ისევ ტელეფონამდე მივიდა საქმე, ლუკამ ისევ თქვა არ არის ეს ჩემი ტელეფონიდან გაგზავნილი, მერე გავიბრაზდა, ადექით წაბრძანდით და მე მივხედავ ამ საქმესო ანუ არ შედგა აღიარებითი ჩვენება, ვერ დაწერა. დღესაც არ ვიცი რა მესიჯზე ეუბნებოდა, გამოგვყარა გარეთ, მარტო სკოლაში წარწერების დაწერა მისთვის დამაკმაყოფილებელი არ იყო, უფრო მეტს ითხოვდა“,- განაცხადა ელიკო ჩხიტუნიძემ.

შეგახსენებთ, 15 წლის ლუკა სირაძემ პოლიციაში დაკითხვის შემდეგ, თვითმკვლელობა სცადა და ის 17 დეკემბერს საავადმყოფოში გარდაიცვალა. ლუკა სირაძეს იაშვილის კლინიკაში გული გაუჩერდა. არასრულწლოვანი რეანიმაციულ განყოფილებაში მას შემდეგ მოათავსეს, რაც პოლიციის ზეწოლის გამო თვითმკვლელობა სცადა და მე-9 სართულიდან გადმოხტა. ლუკა სირაძემ „მწვანე სკოლის” შენობაში და შენობის კედლებზე წარწერები გააკეთა. ერთ-ერთი იყო „ამ ცოხვრების დედაც”, რის შემდეგაც ის გამომძიებლებმა მშობლის გარეშე დაკითხეს.

საქმის შესწავლა სახელმწიფო ინსპექტორის სამსახურმა დაიწყო და გამოავლინა დაკითხვის დროს არსებული ხარვეზები, რის შემდეგაც გამომძიებელ მარიანა ჩოლოიანის წინააღმდეგ სისხლის სამართლის საქმე აღიძრა.

ბრალდებული გამომძიებელი მარიანა ჩოლოიანი კი, ჩვენების იძულების ბრალდებით დააკავეს.

”არ დატოვოთ საცხოვრებელი ადგილი !”- საქართველოს საელჩო ისრაელში მოქალაქეებს სიმშვიდის შენარჩუნებისკენ მოუწოდებს

''არ დატოვოთ საცხოვრებელი ადგილი !"  - საქართველოს საელჩო ისრაელში მოუწოდებს მოქალაქეებს არ დატოვონ საცხოვრებელი...

გახარიას მეგობარი ვარ და ალბათ ამიტომ მიშვებენ – სამეგრელო-ზემო სვანეთის სამხარეო ადმინისტრაციის უფროსი თანამდებობიდან...

"გახარიას მეგობარი ვარ და ალბათ ამიტომ მიშვებენ " - სამეგრელო-ზემო სვანეთის სამხარეო ადმინისტრაციის უფროსი...

მელიასთან და მის გაბანძებულ პარტიასთან ანგარიშები მაქვს და ყველა სიტყვაზე პასუხისგება მოუწევს – ელისაშვილი

ანგარიშები მაქვს მასთან და აუცილებლად გავარკვევ. ბატონ მელიას და მის გაბანძებულ პარტიას ჩემთან დაკავშირებით...

ცერცვაძის აზრით, კომენდანტის საათი მაისის ბოლოსთვის მოიხსნება

ინფექციური საავადმყოფოს ხელმძღვანელი, თენგიზ ცერცვაძე ჟურნალისტებთან საუბარში აცხადებს, რომ მისი აზრით, კომენდანტის საათი მაისის...

თუ მელია არ ისარგებლებს ამნისტიით, მასზეც გავრცელდება სამართლებრივი დევნა – კობახიძე

"თუ მელია არ ისარგებლებს ამნისტიით, მასზეც გავრცელდება სამართლებრივი დევნა"- განაცხადა  "ქართული ოცნების" თავმჯდომარემ ირაკლი...

მოგიწოდებთ, მოაწეროთ ხელი შეთანხმებას და შეხვიდეთ პარლამენტში – კუბილიუსი ენმ-ს მიმართავს

მოგიწოდებთ, მოაწეროთ ხელი შეთანხმებას და შეხვიდეთ პარლამენტში - ევროპარლამენტარი ანდრიუს კუბილიუსი, "ერთიან ნაციონალურ მოძრაობას"...

ჯაფარიძე კომენდანტის საათზე: სანამ ნახირად ქცევას ვიტანთ, ხელისუფლებას ვერ შევცვლით

"სანამ ნახირად ქცევას ვიტანთ, ვერც ხელისუფლებას შევცვლით და ვერც უკეთეს ქვეყანას ავაშენებთ. ნახირს ბოსელში კეტავენ...

დაძაბულობა ისრაელსა და ღაზას შორის – დაღუპულია 30-მდე ადამიანი რომელთაგან 10 ბავშვია

ისრაელის საჰაერო თავდასხმების შედეგად ღაზას სექტორში 28 პალესტინელი, მათ შორის, 10 ბავშვი დაიღუპა.10 მაისის...

იშვიათი მოვლენა: ქალმა 9 ბავშვი გააჩინა, რომელთაგან ყველა გადარჩა

მალიში მცხოვრებმა 25 წლის ქალმა 9 ბავშვი გააჩინა. არადა ფეხმძიმობისას ექოსკოპიაზე ექიმებმა მხოლოდ 7 ბავშვი შეამჩნიეს. ჰალიმა სისეს მშობიარობა მაროკოში, სპეციალურ კლინიკაში შედგა, სადაც ის...

მეცნიერების გათვლებით კორონავირუსის შედეგად გარდაცვლილთა რეალური მაჩვენებელი ოფიციალურს ორჯერ აღემატება

ჯონ ჰოპკინსის უნივერსიტეტის მონაცემებით, რომელიც საკუთარ გათვლებში სხვადასხვა ქვეყნების ოფიციალურ მონაცემებს იყენებს, კორონავირუსის პანდემიის დროს 156 მილიონი ადამიანი დაინფიცირდა, 3.2 მილიონი კი გარდაიცვალა. თუმცა, ვაშინგტონის...

გოგო ალბინიზმით ჩინური თავშესაფრიდან Vogue-ს მოდელი გახდა. ნახეთ მისი ისტორია

სიუელი ბავშვობისას მშობლებმა ბავშვთა სახლის კართან დატოვეს. ჩინეთში ზოგიერთი ალბინიზმს წყევლად თვლის. ამ იშვიათ  გენეტიკურ მოვლენას იმ პიგმენტის სრული ან ნაწილობრივი არქონა ახასიათებს, რომელიც კანს...