“რაც მეტს იჭრიალებთ ამაზე, მით უფრო მწარედ მოგხვდებათ ცხვირში. გაათავისუფლეთ რურუა“–დავით ზურაბიშვილი ხელისუფლებას

ჰოდა, რა მინდა გითხრათ: ყველაფერ ამის შემდეგ რურუას საქმეზე რას ტილაობთ და ოხრავთ და რა სისულელეებს აფრქვევთ წევრებიან-მომხრეებიანად? გავიგეთ, რომ სახელმწიფო, როგორც ასეთი, ავტობუსისგან ვერ გაგირჩევიათ, სამართლებრივი სახლმწიფო საერთოდ ტროლეიბუსი გგონიათ და ძალიან გიტყდებათ კოლექტიურ ირმა ინაშვილთან რომ შერცხვით (პრინციპში ინდივიდუალთანაც), დავით თარხან-მოურავზე რომ არაფერი ვთქვა, მაგრამ თქვენ თვითონ ხომ იცით რა შეთანხმებაც გაქვთ დადებული ოპოზიციასთან და უცხოელ დიპლომატებთან? რამდენი ბოლიც არ უნდა გაუშვათ ტელეეკრანებიდან, თქვენ თვითონ ხომ იცით, რომ გიორგი რურუაზეც ისეთივე პირობა გაქვთ დადებული, როგორც უგულავასა და ოქრუაშვილზე? და თუ იმ ორზე სერიოზულად დაგახურეს, ამ ერთზე გიხათრებენ, გოგა ხაინდრავას მოკითხვის შეეშინდებათ თუ თალაკვაძის ოცწუთიანი ლექციით დააბოლებთ? ეს დასავლეთი ჩიტი და მელიას ზღაპარს კი არ გეთამაშებათ, ერთ ბარტყს რომ გადაუგდებ და ცოტა ხნით შეგეშვება დანარჩენზე? პირობა უნდა შესრულდეს! უნდა შესრულდეს სრულად! მორჩა და გათავდა. რაც მეტს იჭრიალებთ ამაზე, მით უფრო მწარედ მოგხვდებათ ცხვირში და თქვენი ცხვირი მე ასი წელი არ მანაღვლებდეს, მაგრამ ქვეყანას აზარალებთ ამ თქვენი ორპირობით და უტვინობით.

არ ვიცი რამდენად მოგაწვდინეთ ხმა, მაგრამ შევეცადე თქვენთვის გასაგებ ენაზე ამეხსნა რომ მაგარ შარში ხართ. ამიტომ შეეშვით ამ პოლიტიკურ მაზოხიზმს, დროზე გაათავისუფლეთ პოლიტპატიმარი გიორგი რურუა და თქვენც დაისვენებთ და ცოტა ჩვენც ამოვისუნთქავთ. საქართველოს მთავრობა

ბჯოს…“– წერს ფეისბუქზე დავით ზურაბიშვილი.