ასეთ ადამიანს და მის მხარდამჭერებს გამარჯობაც არ უნდა უთხრა – მეუფე იაკობი მელაშვილზე

ბოდბელი მიტროპოლიტი მეუფე იაკობი ივერი მელაშვილსა და ნატალია ილიჩოვაზე საუბრობს. მისი მტკიცებით, ივერი მელაშვილმა განაცხადა, რომ დავით–გარეჯი საქართველოს ტერიტორიას არ ეკუთვნის.

“რაზე დავობთო, ის ხომ იმათიაო? აბა, წარმოიდგენთ, აზერბაიჯანში რომ კომისიის წევრს მაგი გაეკეთებინა, სად იქნებოდა დღეს? მისი ოჯახიც… შე დალოცვილო, მერე კიდევ რომ ცდილობ, გაამართლო მასეთი ადამიანი, როგორ არის სხვისი?

გამოვიდა [ციხიდან] და ვიღაცას უთხრა, რომ ხომ მაგარი ტიპი ვარ, ვამბობ, რომ ეს ქართველების არ არის და აზერბაიჯანელებისაა. მანამდე კაი, გმირად მიიჩნევდი, რის გამო? ციხეში როა დაჭერილი? ციხეში ვის არ იჭერენ? რომ გამოვიდა და ეს ჩაიდინა, საქმეზე რატომ არ ეუბნები, იქნებ შეეშალა, ქართულად ვერ გამოთქვა?”,– ამბობს მიტროპოლიტი დღეს, ქადაგებისას.

მისივე განცხადებით, ივერი მელაშვილს და მის მხარდამჭერებს ქუჩაში გამარჯობა არ უნდა უთხრან და გარიყონ.

“ეკლესიაში რომ ვართ, ის ხომ არ ჰგონიათ? ჩვენ კაცობაც ვიცით და ყველაფერიც. თუ სადმე ომი ყოფილა, ყველგან ნაომარი ვარ მე. ჭკვიანად იყვნენ, კი არ ვემუქრები. რა აქვთ გაკეთებული? მოდიან, მარტო ფულს შოულობენ. ხელისუფლებაში მოდიან ფულის შოვნის გარდა არაფერი… ასე რომ, დავიცვათ, ჩვენ ჩვენი დავიცვათ, ასეთ ადამიანს არაფერი არ უნდა, რომ გამოივლის ქუჩაში, გამარჯობაც არ უნდა უთხრა და გარიყო. ის ადამიანებიც, რომლებიც მხარს უჭერენ, გასარიყები არიან, იმიტომ რომ ერთიანი საქართველოს იდეას სპობენ. ჩვენ უნდა გავერთიანდეთ და მასეთებს ადგილი, ვინც არ შეინანებს, არ არის. წავიდნენ თავიანთ პატრონებთან, ჩვენთან ნუ იქნებიან, აიტანს საქართველო როგორღაც”,– ამბობს მეუფე იაკობი.

ცნობისთვის, ე.წ. კარტოგრაფების საქმეზე გირაოს სანაცვლოდ გამოშვებული ივერი მელაშვილი ამბობს, რომ დავით–გარეჯი საქართველოსია, თუმცა პოპულისტური განცხადებები მოლაპარაკებებს აზიანებს.

“დავითგარეჯა, რა თქმა უნდა, ჩვენია, ჩვენი კულტურის შემადგენელი ნაწილია, ჩვენი რელიგიის. ამაზე ვერც შემოგვედავება ვერავინ. აქ პრობლემა იმაშია, რომ საბჭოთა კავშირის დროს დადგენილია გარკვეული საზღვარი. ეს საზღვარი მოქმედებს. თუ ვინმეს მაინცდამაინც პოპულისტური განცხადება უნდა ჩემგან, რა თქმა უნდა, დავიწყებ გულში ხელების ბრახუნს და ვიტყვი, სულ ჩვენია ყველაფერი იქით, ფოილოს ხიდამდე ჩვენია, მაგრამ არის ასე? არ არის.

იყო ერთ დროს, კი ბატონო. იყო საზღვარი ფოილოს ხიდზე, არ არის დღეს. ამოვდივართ სამართლებრივად. უნდა თქვა, კი ბატონო, შენია, კულტურული, რელიგიური, ეთნოგრაფიული თვალსაზრისით ჩვენია, მაგრამ თუ გინდა, რომ მიზანს მიაღწიო მოლაპარაკებებზე, უნდა მოიქცე სწორად. ზედმეტ და პოპულისტურ განცხადებებს თავი უნდა დაანებო”,– ამბობს მელაშვილი.

სხვისი პრაქტიკის გადმოტანა მორგების გარეშე, სათანადოდ ვერ იმუშავებს – დეგნანი დეოლიგარქიზაციაზე

''დეოლიგარქიზაცია გულისხმობს არასათანადო გავლენის აღმოფხვრას პოლიტიკურ თუ ეკონომიკურ პროცესებზე, ანუ რაც იწვევს გავლენას ფინანსურად...

რუსი ოკუპანტების სამხედრო დანაკარგები ომის დაწყებიდან დღემდე

უკრაინის შეიარაღებული ძალების გენერალური შტაბი რუსი ოკუპანტების სამხედრო დანაკარგის შესახებ განახლებულ ინფორმაციას ავრცელებს. გენშტაბის ცნობით, ოკუპანტების...

მიხეილ სააკაშვილი საკვებისა და მედიკამენტების მიღებაზე უარს ამბობს და ამერიკელი ექსპერტების შესვლას ელოდება

მიხეილ სააკაშვილი მედიკამენტებისა და საკვების მიღებაზე უარს აცხადებს  და ვივამედის პალატაში ამერიკელი ექსპერტების შესვლას ...

რუსეთის მიერ ბირთვული იარაღის რკინიგზით გადატანის შესახებ ინფორმაციას არ ვფლობთ – პენტაგონი

პენტაგონი არ ფლობს ინფორმაციას, რომ რუსეთს, შესაძლოა, ტაქტიკური ბირთვული იარაღი რკინიგზის საშუალებით გადაჰქონდეს. ამის...

ფრონტზე მარცხმა და მობილიზაციამ პუტინის მხარდამჭერ ჯგუფებს შორის დაპირისპირება გააშიშვლა–ISW

ამერიკის ომის კვლევის ინსტიტუტი (ISW) ახალ ანგარიშში აანალიზებს “რუსული სამყაროს“ სხვადასხვა რადიკალურ დაჯგუებებს შორის...

უკრაინელებმა ხერსონში 8 დასახლება გაათავისუფლეს

უკრაინულმა ძალებმა ხერსონში კიდევ 8 დასახლებული პუნქტი გაათავისუფლეს. ინფორმაციას ოპერატიული სარდლობა სამხრეთი ავრცელებს. სამხრეთის ოპერატიულმა...

“ევროკავშირის წევრობა სუვერენიტეტის ნაწილის დათმობას გულისხმობს…”–სუბარი

"ევროკავშირის წევრობა სუვერენიტეტის ნაწილის დათმობას გულისხმობს..." - ამის შესახებ POSTV-ის ეთერში "ოცნებიდან" წასული ე.წ....

ოპოზიციას მოუწევს შეგუება, რომ ქვეყანაში გვაქვს წარმატებული საშინაო, საგარეო პოლიტიკა – ღარიბაშვილი

ოპოზიცია ვერ პატიობს ბიძინა ივანიშვილს, რომ მან 2012 წლის პირველ ოქტომბერს დაასრულა დიქტატურა, ადამიანების...

მეცნიერების გათვლებით დედამიწაზე ახალი სუპერკონტინენტი ჩამოყალიბდება. დასახელებულია ვადაც

ახალი კვლევის ფარგლებში ექსპერტები მივიდნენ დასკვნამდე, რომ ტექტონიკური ფილების მდუმივი მოძრაობა ადრე თუ გვიან კონტინენტების შეჯახებას გამოიწვევს და წარმოიქმნება ახალი კონტინენტი, შუაში დიდი უდაბნოთ....

საშიში სიგნალები: მეცნიერებმა გულის უკმარისობის ნაკლებად შესამჩნევი სიმპტომები დაასახელეს

ახალ კვლევაში ამერიკის კარდიოლოგთა ასოციაციამ დაასახელა ყველაზე გავრცელებული ადრეული სიმპტომები, რომლებსაც ყურადღება აუცილებლად უნდა მიაქციოთ. გულის უკმარისობა– ერთ–ერთი ყველაზე გავრცელებული დაავადებაა, რომლის წამალი ჯერჯერობით არ...

ალა პუგაჩოვამ მოსკოვთან მდებარე სასახლე გასაყიდად გამოიტანა და რუსეთი კვლავ დატოვა

რუსმა მომღერალმა, ალა პუგაჩოვამ გადაწყვიტა გაყიდოს მისი საყოველთაოდ ცნობილი სასახლე სოფელ გრიაზში, მოსკოვიდან 40 კილომეტრში. სასახლის ღირებულება 1 მილიარდი რუბლი, ანუ 16 მილიონი დოლარია....