ამერიკის შეერთებულ შტატებში საქართველოს მოქალაქე მოკლეს. მას ჭრილობები ცეცხლსასროლი და ცივი იარაღით მიაყენეს.
ადგილობრივი მედიის ინფორმაციით, 42 წლის კაცი მეგობარი ქალის ყოფილმა მეუღლემ, სავარაუდოდ, ეჭვიანობის ნიადაგზე მოკლა. შემთხვევა ბრუკლინში მანქანების ავტოსადგომზე მოხდა, სადაც მანამდე ქალსა და მის 47 წლის ყოფილ ქმარს შორის სიტყვიერი დაპირისპირება იყო.
ადგილობრივების თქმით, ჯერ ჩხუბის ხმა გაიგეს, შემდეგ კი ქალის, რომელიც 911-ის გამოძახებას ითხოვდა.
საქართველოს მოქალაქე კლინიკაში გადაიყვანეს, თუმცა მისი გადარჩენა ვერ შეძლეს.
