იუსტიციის სამინისტროს განცხადებით, 15 დეკემბრიდან ახალშობილთა მშობლებს, რომლებიც სამინისტროს შვილის დაბადების რეგისტრაციისთვის მიმართავენ, 25-ლარიანი სასაჩუქრე ვაუჩერი გადაეცემათ. მისი გამოყენება ბავშვთა მოვლისა და კვების პროდუქტების შესაძენად იქნება შესაძლებელი.
უწყების განმარტებით, სოციალურად დაუცველ ოჯახებში დაბადებული ახალშობილების მშობლები, შვილის დაბადების მოწმობასთან ერთად, ჩვილის ტანისამოსისა და ჰიგიენური საშუალებების გარდა, ბავშვთა მოვლისა და კვების პროდუქტებზე 25-ლარიან ვაუჩერებს მიიღებენ; ბავშვის საფენების, კვებისა და მოვლის ბრენდებზე კი ერთი წლის განმავლობაში 30-40-პროცენტიანი ფასდაკლებით ისარგებლებენ. გარდა ამისა, ბენეფიციარები სხვადასხვა მწარმოებლის პროდუქციის შეძენისას ერთჯერადად 50-პროცენტიანი ფასდაკლების ბარათით სარგებლობას შეძლებენ.
სამინისტროში ამბობენ, რომ ფასდაკლებით ისარგებლებენ იუსტიციის სახლში, საზოგადოებრივ ცენტრსა და სახელმწიფო განვითარების სააგენტოში მომუშავე ყველა მშობელი, ვინც პირველად იღებს ბავშვის დაბადების მოწმობას.
“მათ ბავშვთა მოვლისა და კვების პროდუქტების 25-ლარიანი ვაუჩერები გადაეცემათ. გარდა ამისა, ბავშვის საფენების, კვებისა და მოვლის კონკრეტულ ბრენდებს 10-20-40%-იანი ფასდაკლებით შეიძენენ”, – აცხადებს უწყება.
პროექტის ბენეფიციარები ვაუჩერების გამოყენებას ფარმადეპოსა და ჯპს-ის ფილიალებში შეძლებენ.
სამინისტროს ცნობით, პროექტი 2016 წლიდან მოქმედებს, მის ფარგლებში სასაჩუქრე ნაკრები სოციალურად დაუცველ ოჯახში დაბადებულ დაახლოებით 15 ათას ბავშვს გადაეცა. ის წლიურად 50 ათას ადამიანს შეეხება.
