ბაღი, რომლის რეაბილიტაციაში მერიამ 1.9 მილიონი დახარჯა ისევ სარემონტოა

თბილისის მერიამ ვაკის პარკის რეაბილიტაცია დაიწყო. რა მოელის ვაკის პარკს? ამ კითხვაზე პასუხის გაცემამდე ფლანგვის დეტექტორმა თბილისის კიდევ ერთი პარკის –  გოძიაშვილის ბაღის რეაბილიტაცია შეისწავლა, რომელსაც “წითელ ბაღად” სასეირნო ბილიკზე დაყრილი წითელი ქვიშა-ხრეშის გამო მოიხსენიებდნენ, მაგრამ “კეთილმოწყობისთვის” ბაღში ბეტონი მოასხეს, რის შედეგადაც ბაღში მუდმივად მტვერი დგება.

გოძიაშვილის ბაღის კეთილმოწყობა შეუსაბამო მასალებით მოხდა, რის გამოც ბილიკებზე დაგებული მასალა (120,000ლარი) მალევე დალპა, გრანიტის ფილები კი დატყდა.

სამუშაოები კომპანია გრინსერვისმა შეასრულა, რომლის დამფუძნებლები ქართულმა ოცნებამ 2013 წელს კორუფციაში ჩართულობის ბრალდებით გაასამართლა, თუმცა მათმა კომპანიამ 2013-დან დღემდე 55,808,667 ლარის ტენდერები მოიგო

2018 წელს მერიამ გადაწყვიტა, რომ გოძიაშვილის ბაღის კეთილმოწყობა უნდა მომხდარიყო. მან წარმოადგინა კეთილმოწყობის პროექტი,დიზაინი და გამოაცხადა ტენდერი. 2019 წელს, გოძიაშვილის ბაღის კეთილმოწყობა 1,896,590 ლარი დაჯდა. მაგალითად, თითო ბაღის სკამში 2000 ლარი გადაიხადეს. სამუშაოები შეასრულა შპს გრინსერვისმა+ (NAT180008474). ბაღის კეთილმოწყობა მოხდა შეუსაბამო მასალებით. 1 წელიწადში, ბილიკებზე დაგებული მასალა დალპა (120,000ლარი) დაგებული გრანიტის ფილები დატყდა და ა.შ.
ბაღის კეთილმოწყობა საკმაოდ ძვირი დაჯდა, თუმცა ამით პარკი არ გაუმჯობესებულა. ბაღის დიზაინი და კეთილმოწყობა მარტივი უნდა იყოს. პარკებს არ აქვს ბევრი სამშენებლო მასალის შეტანის, მოპირკეთების საჭიროება, რომელიც შემდეგ პერიოდში რეგულარულად გამოსაცვლელი იქნება.
ამასთან ერთად, ურბანულ მეხსიერებაში მას წითელი ბაღი ერქვა, რადგან სასეირნო ბილიკებზე წითელი ქვიშა-ხრეში იყო დაყრილი. კალაძის კეთილმოწყობას ესეც შეეწირა. ბაღში ბეტონი მოასხეს, რის გამოც ხშირად საშინელი მტვერი დგება.
2019 წლის მაისში მერმა, კახა კალაძემ პარკი საზეიმოდ გახსნა. ვითიბი ბანკის მხარდაჭერით, გაიმართა საზეიმო კონცერტი სტეფანე მღებრიშვილისა და ნანი ბრეგვაძის მონაწილეობით. ასევე, პარკის “კეთილმოწყობაში” თანადგომისთვის მერმა, კახა კალაძემ სამშენებლო კომპანია “აქსისს” გადაუხადა მადლობა.
შპს “გრინსერვისის+” დამკვეთი ძირითადად თბილისის მერიაა.
შპს “გრინსერვისი +” 2010 წელს ლაშა ფურცხვანიძის, კობა ხარშილაძისა და ტარიელ კიკნაძის მიერ დაფუძნებული კომპანიაა. შპს მას შემდეგ გააქტიურდა, რაც დამფუძნებლების მეორე კომპანია – შპს გრინსერვისი – ტენდერების შავ სიაში შეიყვანეს.
უნდა აღინიშნოს, რომ შპს გრინსერვისის საქმიანობის პარალელურად, ლაშა ფურცხვანიძე ამავდროულად ძველი თბილისის რაიონის გამგებელი იყო, ხოლო კობა ხარშილაძე მისი მოადგილე (2007-2009წ). ისინი თავიანთი კომპანიისთვის სასათბურე პირობებს ქმნიდნენ.
2013 წელს ქართულმა ოცნებამ კომპანიის დამფუძნებლები – ლაშა ფურცხვანიძე და ტარიელ კიკნაძე კორუფციულ სქემაში ჩართულობის ბრალდებით გაასამართლა. მიუხედავად ამისა, შპს გრინსერვისი+-მა 2020 წელს ლ 18 მილიონის ტენდერები მოიგო, 2013 წლიდან დღემდე კი ჯამში ლ 56 მილიონამდე მიიღო. გრინსერვისი + თავისი პროფილიდან გამომდინარე ძირითადად თვითმართველობის ორგანოების მიერ გამოცხადებულ ტენდერებში იღებს მონაწილეობას. ვრცლად: https://www.facebook.com/squanderdetector/posts/2865888050353293
დავით ნარმანიას მერობის პერიოდში, გრინსერვისი +-მა 57 ტენდერში გაიმარჯვა. ჯამურად მიიღო 11,506,503 ლარი:
2014-2015: 2,218,942 ლარი
2016: 4.083,494 ლარი
2017: 5,204,067 ლარი
კახა კალაძის მერობის პერიოდში, ანუ 2017 წლის ნოემბრიდან დღემდე, გრინსერვისი +-მა 42 ტენდერში გაიმარჯვა. ჯამურად მიიღო 44,302,164
2018: 7,777,441 ლარი
2019: 21,518,780 ლარი (აქედან 9.5 მილიონ ლარამდე – უკონკურენტოდ)
2020: 15, 005, 943 ლარი (აქედან 12 მილიონ ლარამდე – უკონკურენტოდ)
წყარო:
სახელმწიფო შესყიდვების სააგენტო – https://tenders.procurement.gov.ge/ – NAT180008474
ფოტომასალა: https://photos.app.goo.gl/2dAxcqbt61vWCFzN6

არაფერი გვაქვს ეპიდემიის შესაჩერებლად, დაგვერხა ძალიან მაგრად – ფხაკაძე

გაეროს გენერალური მდივნის მრჩეველი, პროფესორი გიორგი ფხაკაძე ჩეხეთში არსებული მძიმე ეპიდემიოლოგიური მდგომარეობის შესახებ სტატიას...

ტვიში და უსახელაური გაქრება, ამას ვამბობ როგორც მეღვინე – სააკაშვილი ნამახვანჰესზე

საქართველოს მესამე პრეზიდენტი მიხეილ სააკაშვილი ნამახვანჰესის მშენებლობის მოწინააღმდეგეთა აქციას სოლიდარობას უცხადებს და ამბობს, რომ...

ნუ შევხედავთ მიშელის ვიზიტს მხოლოდ შიდაპოლიტიკური მოვლენების თვალით – ბოჭორიშვილი

დღეს საქართველოს ევროპის საბჭოს პრეზიდენტი შარლ მიშელი ეწვევა. პარლამენტის ევროინტეგრაციის კომიტეტის თავმჯდომარე, მაკა ბოჭორიშვილი...

ვცდილობდით, მეტი ქაოსი მოგვეწყო, რომ დალაგებული მოცემულობები აჩეხილიყო – ხვიჩია

პარტია გირჩის ლიდერი იაგო ხვიჩია ამბობს, რომ ოპოზიციას შიგნით ქაოსი კარგია, რადგან ეს განსხვავებული...

ის არ შეიძლება ებრძოდეს გავრილოვს, ჩრდილში დადგეს – ჩარკვიანი ბურჯანაძეზე

სტრატეგია აღმაშენებლის ერთ-ერთი ლიდერი თაკო ჩარკვიანი ნინო ბურჯანაძეზე ამბობს, რომ ის არ შეიძლება გავრილოვს...

მე ვფიქრობ, არჩევნები 2022 წელს უნდა ჩატარდეს – მეუფე იაკობი

ბოდბელი მიტროპოლიტი მეუფე იაკობი ფიქრობს, რომ 4 წელზე მეტი არცერთი ხელისუფლება "არ უნდა გააჩერო"....

#არანამახვანჰესს – ქუთაისში მასშტაბური აქცია მიმდინარეობს (LIVE)

#არანამახვანჰესს ამ მოწოდებით ქუთაისის ცენტრში მასშტაბური აქცია მიმდინარეობს. აქციის მონაწილეებით ითხოვენ, ჰესი არ აშენდეს...

ნიუ იორკის გუბერნატორ კუომოს ორი თანამშრომელი ქალი სექსუალურ შევიწროებაში ადანაშაულებს

ნიუ იორკის გუბერნატორს, ენდრიუ კუომოს უკვე მეორე თანაშემწე ადანაშაულებს სექსუალურ შევიწროებაში. 25 წლის ქალი...

სხვა სიახლეები

ოქროს მდინარეები – NASA-მ პერუში ოქროს მოპოვების ამსახველი ფოტოები გაავრცელა

NASA-მ პერუში ოქროს მოპოვების ამსახველი ფოტოები გაავრცელა. ფოტოებზე პერუს ტროპიკული ტყეებია ასახული, სადაც "ოქროს მდინარეები ჩანს"- ორმოები, რომლებიც ოქროს არალიცენზირებულმა მომპოვებლებმა გათხარეს.ამის შესახებ ინფორმაციას...

ჯანმრთელობა

კიდევ ერთი ვაქცინა კორონავირუსის წინააღმდეგ – აშშ–ს მარეგულირებელმა Johnson & Johnson–ის ვაქცინა ეფექტურად ცნო

ამერიკის მარეგულიერებლმა ორგანომ კორონავირუსის საწინააღმდეგო კომპანია Johnson & Johnson–ის ვაქცინა უსაფრთხოდ და ეფექტურად ცნო რაც იმას ნიშნავს, რომ ეს პრეპარატი უახლოეს დღეებში ის აშშ–ში...

შოუ ბიზნესი

ჟერარ დეპარდიეს წინააღმდეგ გაუპატიურების ბრალდებით საქმე აღიძრა

საფრანგეთის პროკურატურამ კვლავ დაიწყო გამოძიება მსახიობ ჟერარ დეპარდიეს წინააღმდეგ ახალგაზრდა მსახიობის გაუპატიურების ბრალდებით. საქმე ეხება 2018 წელს დეპარდიეს პარიზის სახლში მომხდარ ამბავს. სავარუდო მსხვერპლის...

ვიდეო