ბრიტანეთის მთავრობამ დაიწყო ქვეყნის სამხედრო მრეწველობის თანდათანობით „გახურება“, კერძოდ, ჭურვების წარმოებაში, რათა დაეხმაროს უკრაინას და შეავსო საკუთარი მარაგი. ამის შესახებ Reuters-ს ბრიტანეთის თავდაცვის მინისტრმა ბენ უოლესმა განუცხადა.
„ჩვენ გავაფორმეთ კონტრაქტები ჩვენი საბრძოლო მასალის მწარმოებლებთან და უკვე დავიწყეთ პირველი პარტიების მიღება, როგორც ჩვენი მარაგის შესავსებად, ასევე უკრაინისთვის“, – თქვა ბენ უოლესმა Reuters-ის კითხვაზე, შეეძლო თუ არა დიდ ბრიტანეთს საკმარისი საბრძოლო მასალის წარმოება.
ბრიტანეთის თავდაცვის მინისტრი სააგენტოს კორესპონდენტს ესაუბრა ბოვინგტონის კემპის ბაზაზე, სადაც უკრაინელი სამხედროები სწავლობენ ბრძოლას ბრიტანულ Challenger 2 ტანკებით.
როგორც ბრიტანეთი, ასევე დასავლეთის სხვა ქვეყნები ახლა წყვეტენ, როგორ გაააქტიურონ იარაღის ინდუსტრია, თქვა უოლესმა.
„იცით, ჩვენ ვისხედით ჩვენს მარაგებზე [საბრძოლო საბრძოლო მასალის], მტვერს ვწმენდდით და ვფიქრობდით: ეს გამოადგება თუ არა ოდესმე? ახლა კი ჩვენ გვყავს ბევრად უფრო აგრესიული და სახიფათო რუსეთი ევროპის პირას და ამან ყველას კონცენტრირება მოახდინა“, – თქვა უოლესმა.
მინისტრმა დაადასტურა, რომ უკრაინა გაზაფხულზე მიიღებს 14 დაპირებულ ჩელენჯერ 2 ტანკს, შემდეგ კი ბრიტანეთი, ალბათ, შეძლებს უკრაინელებს კიდევ რამდენიმე ტანკს გადასცეს.
„რუსეთი ხორცსაკეპი მანქანის ტაქტიკას იყენებს. ხედავთ, რუსეთის არმია ხალხს არ იცავს, ხორცსაკეპ მანქანაში აგდებს. ვშიშობ, ჩვენ წელს მოგვიწევს იმისთვის ბრძოლა, რომ ეს ტაქტიკა არ აღმოჩნდეს წარმატებული“, – თქვა ბენ უოლესმა.
