დემოკრატიის უკუსვლის შედეგად საქართველო 121 მილიონი ევროს ოდენობით ევროკავშირის დახმარებას დაკარგავს – ამის შესახებ, ნათქვამია, ევროკავშირის წარმომადგენლობის მიერ გავრცელებულ განცხადებაში, რომელიც სოციალურ ქსელში გამოაქვეყნეს.
“საქართველო დაკარგავს ევროკავშირის დახმარებას 121 მილიონი ევროს ოდენობით ქვეყანაში დემოკრატიის უკუსვლის შედეგად. ყოველწლიურად გამოყოფილი თანხები იმავე წელს მთლიანად არ იხარჯება, შესაბამისად 2022 და 2023 წლებიდან დარჩენილი თანხები, რომელიც უშუალოდ ხელისუფლებისთვის იყო განკუთვნილი, დაიკარგება”. – წერია განცხადებაში.
2022 წელს აუთვისებელი – 12 მილიონი, 2023 წელს – 72 მილიონი და 2024 წელს – 37.3 მილიონი ევრო შეჩერდა, გადანაწილდა – დემოკრატიულ სტანდარტებთან მიმართებით უკუსვლის საპასუხოდ, განსაკუთრებით, საქართველოს სამოქალაქო საზოგადოებისა და მედიის წინააღმდეგ მიმართული უცხოური გავლენის გამჭვირვალობის შესახებ კანონის მიღების შემდეგ.
