“დღეს ის ადგილი დაბომბეს ლვოვში, სადაც ჩვენმა მატარებელმა გაიარა გუშინ. ასეთ ვითარებაში ჩასვლა და მხარდაჭერა კიდევ უფრო მეტ გამბედაობას მოითხოვდა ყველას მხრიდან და ჩემი კოლეგების, უკლებლივ ყველას გადაწყვეტილება, ყოფილიყვნენ დელეგაციაში და მხარდაჭერა ეჩვენებინათ უკრაინისთვის, ნამდვილად დასაფასებელია.
ძალიან მიშვნელოვანი რამ მოხდა, თითქმის სრული საპარლამენტო დელეგაცია ჩავედით უკრაინაში და ვაჩვენეთ ჩვენი მხარდაჭერა უკრაინის ხელისუფლებას და ხალხს. სად იყო ქართულ-უკრაინული რიტორიკა ერთი კვირის წინ და სად ვართ დღეს? მგონი ყველა სკეპტიკოსს იმედი გავუცრუეთ, რომ გამოსწორება შეუძლებელი იყო ამ გაფუჭებული ურთიერთობის. წინ ბევრი რამაა გასაკეთებელი, მაგრამ შემობრუნების წერტილი გაჩნდა და ახლა მხოლოდ ხელისუფლების პასუხისმგებლობაა, როგორ გამოიყენებს ამ შესაძლებლობას.
ენმ-ს საქციელი არაფერში არ ჯდება. ერთიან ვიზიტში მონაწილეობაზე უარის თქმით გამოვიდა, რომ ვიწრო პარტიულ ინტერესს გადააყოლეს სახელმწიფოებრივი გადაწყვეტილება. საკუთარი თავი ყველას მიღმა დააყენეს და ქვეყნის ინტერესის უგულებელყოფის ხარჯზე ყველაზე რადიკალ ძალებს და მხარდამჭერებს ასიამოვნეს. ამით კიდევ ერთხელ აჩვენეს ეს რადიკალიზმი მათთვის რამდენად ძვირფასი “მონაპოვარია” და რამხელა პოლიტუკურ ეგოზე დგას მათი ეს “შეუპოვრობა”.
რუსეთის წინააღმდეგ ომში უკარაინა აუცილებლად გაიმარჯვებს, ამ გამარჯვებაში ჩვენც ჩვენი წვლილი უნდა შევიტანოთ, როგორც შეგვიძლია, ესაა დღეს საქართველოს სახელმწოფოს ინტერესი და არა საკუთარ პარტიებზე ფიქრი”
წერს პარლამენტის დეპუტატი ლევან იოსელიანი. ცნობისთვის, საქართველოს პარლამენტის დელეგაცია უკრაინას 16 აპრილს ოფიციალური ვიზიტით ეწვია. დღეს რუსმა ოკუპანტებმა დღეს ლვოვში რამდენიმე სარაკეტო თავდასხმა განახორციელეს, რის შედეგადაც 6 ადამიანი გარდაიცვალა.
