პირველი საუნივერსიტეტო კლინიკის დირექტორის, ლევან რატიანის თქმით, მის კლინიკაში , იმის გამო რომ ოჯახის წევრები ერთმანეთს არ გაუფრთხილდნენ, კორონავირუსით ინფიცირებული იხრჩობიან.
,,ვერ წარმოუდგენიათ ადამიანებს, რა ხდება რეანიმაციაში, როგორ იხრჩობიან ადამიანები, იმიტომ, რომ ოჯახის წევრები ერთმანეთს არ გაუფრთხილდენ. ახალგაზრდები თვითონ გამოძვრნენ, მაგრამ ასაკიანი ადამიანები მიჯაჭვულები არიან ფილტვის ვენტილაციაზე. იხრჩობა ადამიანი და ამ ხრჩობის ყურება ძალიან რთულია ჩვენთვისაც. ნუ გაგვიკეთებთ იმას, რომ ჩვენც დავიხოცოთ,”- განაცხადა რატიანმა.
მან მოსახლეობას მოუწოდა, სახლში ყოფნისას წყალი, ჩაი ერთმანეთის პირისპირ არ უნდა დალიონ.
მანვე განაცხადა, რომ ,,თუ ასე გავაგრძელებთ ღლიცინს, დადგება მომენტი, რომ ექიმი ქვეყანას არ ეყოლება”.
საქართველოში ამ დროისთვის კორონავირუსით ინფიცირების 336 შემთხვევაა დაფიქსირებული, მათგან 74 გამოჯანმრთელდა, 3 გარდაიცვალა.
