გარდაცვლილი 23 წლის პროგრამისტის, თამარ ბაჩალიაშვილის პირადი გვერდი სოციალურ ქსელ Facebook-ზე დღეს აღარ იძებნება. რა არის ამის მიზეზი, ჯერჯერობით უცნობია.
ბაჩალიაშვილის ოჯახის ადვოკატის, მიხეილ რამიშვილის თქმით, წინასწარ კომენტარისგან თავს შეიკავებს, თუმცა აღნიშნავს, რომ მისი თანდასწრების გარეშე კომპიუტერი არ გაიხსნებოდა.
“ამის თაოაბზე არაფერს გეტყვით. მე მალე მივდივარ ექსპერტიზის ბიუროში კომპუტერთან დაკავშირებით და გავარკვევ, წინასწარ არაფერს გეტყვით. კომპუტერი არ გაიხსნება ჩემი თანდასწრების გარეშე, მე იქ ვიქნები ჩემს წამომადგენელთან ერთად; თუ ჩემი თანდასწრების გარეშე გახსნილი აღმოჩნდება კომპიუტერი – ეს დადასტურდება. სხვა შემთხვევაში, ჩავატარებ ყველანაირ ექსპერტიზას, იმისთვის, რომ დამატებითი კითხვები არ გამიჩნდეს.
თუ ეს კომპიუტერი გაიხსნება, გასაჯაროვდება მხოლოდ ის, რაც ხელს არ შეუშლის გამოძიებას და მხოლოდ და მხოლოდ ის ინფორმაცია, რაც ნათელს მოფენს ამ საცოდავი გოგოს გარდაცვალებას”,– თქვა რამიშვილმა მთავარ არხთან ინტერვიუში.
ცნობისთვის, ადამიანის გარდაცვალების შემდეგ, მისი ფეისბუქ გვერდი არ იშლება, ის ხსოვნის გვერდად გადაკეთდება ხოლმე.
