პირველი საუნივერსიტეტო კლინიკის დირექტორის, ლევან რატიანის თქმით, თუ მოსახლეობა ასე გააგრძელებს ,,ღლიცინს”, დადგება მომენტი, რომ ქვეყანას ექიმი არ ეყოლება.
,,თუ ასე გავაგრძელებთ ღლიცინს, რასაც ჩვენი ქვეყნის უმეტესი მოსახლეობა აკეთებს , ვერ აუვალთ ამას ქართველი ექიმები. დადგება მომენტი, რომ ექიმი ქვეყანას არ ეყოლება, იმიტომ რომ ჩვენც ადამიანები ვართ, ჩვენც გვაქვს რესურსი და შესაძლებლობა. ყველას ვთხოვ და მოვთხოვ, ეს იქნება ერი თუ ბერი, ფიზიკური დისტანცია დავიჭიროთ ერთმანეთთან”,- ამბობს რატიანი.
მისი თქმით, თვე-ნახევარია ოჯახის წევრები არ უნახავს.
,,მყავს სამი შვილი , თვე-ნახევარია ჩემი ოჯახის წევრი არ მინახავს, განა არ მენატრება, იმაზე მეტად მენატრება ვიდრე სხვებს, მაგრამ მეორე მომენტია, ეს ცხოვრება დაგვიდგა, უნდა დავცილდეთ ერთმანეთს, რომ გადავრჩეთ”,- თქვა ლევან რატიანმა.
მან ასევე აღნიშნა, რომ ალბათ ვერ წარმოუდგენიათ ადამიანებს, როგორ იხრჩობიან პაციენტები პირველი საუნივერსიტეტო კლინიკის რეანიმაციაში, იმიტომ რომ ერთმანეთს არ გაუფრთხილდნენ ოჯახის წევრები.
საქართველოში ამ დროისთვის კორონავირუსით ინფიცირების 336 შემთხვევაა დაფიქსირებული, მათგან 74 გამოჯანმრთელდა, 3 გარდაიცვალა.
