თქვენი დამსახურებაა ოპოზიციური ძალის ოფისის დარბევის კადრები რომ არ ტრიალებს მსოფლიო მედიაში – ელისო კილაძე გახარიას

“თქვენი დამსახურებაა ოპოზიციური ძალის ოფისის დარბევის კადრები რომ არ ტრიალებს მსოფლიო მედიაში “- ამის შესახებ, გაზეთ “ქრონიკა პლუსის” რედაქტორი ელისო კილაძე საქართველოს ყოფილ პრემიერ-მინისტრს, გიორგი გახარიას ჰიტად ქცეული “სელფის” კომენტარებში წერს. საქართველოს ყოფილმა პრემიერ-მინისტრმა ფოტო გუშინ საღამოს, ადმინისტრაციის თანამშრომლებთან გამომშვიდობების შემდეგ დადო. გახარიას “ფეისბუქის” მომხმარებლები კომენტარებში უწერენ, რომ პოლიტიკაში ისევ ელოდებიან, ზოგი კი მადლობას უხდის.

“მიიღეთ ჩემი პატივისცემა-თქვენ თქვენი გადადგომით ქვეყანას სახე შეუნარჩუნეთ-თქვენი დამსახურებაა დღეს ოპოზიციური ძალის ოფისის დარბევის და ლიდერების დაჭერის კადრები რომ არ ტრიალებს მსოფლიო მედიაში.გმადლობთ,ბ-ნო პრემიერო ! და პერსონალური მადლობა ჩემგან იმისთვის,რომ ჩადება მოსპეთ და ჩამდებები სისტემას მოაშორეთ !”- წერს კომენტარებში ელისო კილაძე.

სოციალურ ქსელში ჰიტად ქცეულ ფოტოს სამოქალაქო აქტივისტი გიგა მაქარაშვილიც გამოეხმაურა რომელმაც საზოგადოებას შეახსენა 20 ივნისი და  ახალგაზრდებისთვის დათხრილი თვალი, რომელიც კვლავ გიორგი გახარიას კისერზე რჩება.

“გახარია-თვალთხარიას გამოსამშვიდობებელი ფოტოს დალაიქების დროს მარცხენა თვალი ხომ არ გეწვით მაკოსავით, გიორგისავით? ან იქნებ კობა ლეთოდიანივით ორივე თვალის ბადურა გეშლებათ?

გახარია-თვალთხარიას გამოსამშვიდობებელი ფოტოს დალაიქების დროს გულის არეში ტკივილს ხომ არ გრძნობთ, ია კერძაიას რომ ქონდა სიკვდილის წინ, იმ ტკივილს ვგულისხმობ?!
გახარია-თვალთხარიას გამოსამშვიდობებელი ფოტოს დალაიქების დროს სპეცრაზმელის მოქნეული ხელჯოხის სიმწარეს ხომ არ გრძნობთ ბასიანში საცეკვაოდ მისული ასეულობით ახალგაზრდასავით?

გახარია-თვალთხარიას გამოსამშვიდობებელი ფოტოს დალაიქების დროს ქვეყნის ღალატისთვის დაპატიმრებული კარტოგრაფებივით ხომ გენგრევათ (სამუდამოდ და გამოსწორების შანსის გარეშე?) ფსიქიკა?

გახარია-თვალთხარიას გამოსამშვიდობებელი ფოტოს დალაიქების დროს გაღატაკებული ადამიანებივით უსუსურობის შეგრძნება არ გეუფლებათ?!
არა ხო?

მაშინ იცოდეთ:

თვალდასათხრელი, გულგასახეთქი, ღალატისთვის დასაჭერი, შიმშილით სიკვდილისთვის გასაწირი ადამიანები რომ გამოილევიან “აქეთ”, მერე “თქვენთან” მოვლენ და როცა თვალებს დაგთხრიან, გულებს დაგიხეთქავენ, უმიზეზოდ ქვეყნის ღალატს დაგაბრალებენ, ბოლო ქონებას წაგართმევენ… დამცველიც არ გეყოლებათ!”- წერს გიგა მაქარაშვილი.

გამოსამშვიდობებელ სელფს გამოეხმაურა გია ხუხაშვილიც:

“ორზე ცოტა მეტი სიტყვა გახარიას ლაიქებსა და დისლაიქებზე. პირველ რიგში გეტყვით, რომ ჩვენში მხოლოდ პოლიტიკური ელიტა კი არა, მთელი საზოგადოებაა პოლარიზებული და რადიკალიზებული. შუა აქაც გაკრეფილია – ან ანგელოზი ხარ, ან უკანასკნელი ნაძირალა. მიუხედავად იმისა, რომ სულ ვწუწუნებთ და ცვლილებებს ვითხოვთ, რეალურად არაფრის შეცვლა არ გვინდა. სინამდვილეში გახარია არც ანგელოზია და არც ნაძირალა, უბრალოდ ისტორიულმა პროცესმა ის დატვირთა როგორც ცოდვებით, ასევე წარმატებებით. ჩვენც მას, ისევე როგორც ნებისმიერ ადამიანს,ასე უნდა შევხედოთ, მთელი თავისი სირთულეებით და არა ზედაპირულად, პლაკატურად ვაფასოთ საკუთარი შეხედულებების, ან პოზიციების შესაბამისად. ფაქტი ერთია – მისმა დღევანდელმა ნაბიჯმა გააჩინა პოლიტიკური პროცესის კორექტირების შანსი უკეთესობისკენ. ანუ, კრიზისიდან გამოსვლისთვის მან გააკეთა იმაზე მეტი, ვიდრე მთელმა პოლიტიკურმა ელიტამ ხელისუფლებიან, ოპოზიციანად. ჩვენ კი ნაცვლად იმისა, რომ ეს შანსი დავინახოთ და გამოვიყენოთ, მისი ძველი ცოდვების განხილვით ვართ დაკავებული, ან მისი პერსონით აღფრთოვანებული. მეგობრებო, მისი დღევანდელი ნაბიჯის დაფასება არ ნიშნავს ძველი ცოდვების განულებას.მისი პლიუსების და მინუსების სალდო შედგება და დავინახავთ რა გადაწონის.ახლა ვიფიქროთ იმაზე, როგორ გამოვიყენოთ შანსი, რომელიც მისმა გადადგომამ გააჩინა. ეს არის მთავარი.”- წერს გია ხუხაშვილი.

საქართველოს ყოფილი პრემიერ-მინისტრის სელფი, რომელიც მან გუშინ ოფიციალურ გვერდზე გამოაქვეყნა, სოციალური ქსელი დაიპყრო.

დღეს, საქართველოს ევროპული საბჭოს პრეზიდენტი ეწვევა

დღეს, 28 თებერვალს, საქართველოს ევროპული საბჭოს პრეზიდენტი, შარლ მიშელი ოფიციალური ვიზიტით ეწვევა. ვიზიტის ფარგლებში...

პრაქტიკულად გათავისუფლებულია, ხვალვე შეუძლია ციხიდან გამოვიდეს-მდინარაძე მელიაზე

ქართული ოცნების აღმასრულებელი მდივანი, მამუკა მდინარაძე ამბობს, რომ ნიკა მელიას შეუძლია ხვალვე გამოვიდეს ციხიდან....

გული მწყდება, მთელი საქართველო, მსოფლიო ლაპარაკობდა, ვაშაძეს ხმა არ ამოუღია – მელია

ციხეში მყოფი "ერთიანი ნაციონალური მოძრაობის" თავმჯდომარე, ნიკა მელია პარტიის ყოფილ თავმჯდომარეს, გრიგოლ ვაშაძეს მიმართავს...

საქართველო რეგიონში სტაბილურობის, დემოკრატიული განვითარების კუნძულია – სალომე ზურაბიშვილი

"საქართველო რეგიონში სტაბილურობის, დემოკრატიული განვითარების კუნძულია "- ამის შესახებ, საქართველოს პრეზიდენტმა, სალომე ზურაბიშვილმა ქართული...

არსებობდა მნიშვნელოვანი მტკიცებულებების განადგურების საფრთხე – შსს ენმ-ს ოფისიდან სერვერების წაღებაზე

შინაგან საქმეთა სამინისტრო „ნაციონალურ მოძრაობას“ მიმართავს, გამოყონ კანონიერი წარმომადგენელი, რომელსაც 23 თებერვალს ოფისიდან ამოღებული...

ვაპირებ, რომ თაობათა შორის ხიდი ვიყო – ბოკერია დავით ბერძენიშვილს პასუხობს

მე ვაპირებ, რომ თაობათაშორის ხიდი ვიყო,“- ასე  პასუხობს „ევროპული სქართველოს“ ერთ-ერთი ლიდერი გიგა ბოკერია „რესპუბლიკური...

კარგი შვილები გვყავს, სანამ მათაც ახეხინებენ იზოლატორებს და დაარბევენ უმოწყალოდ, გავიწიოთ გვერდზე –...

„კარგი შვილები გვყავს, სანამ მათაც ახეხინებენ იზოლატორებს და დაარბევენ უმოწყალოდ, გავიწიოთ გვერდზე“, – ამის...

ენმ-ის ოფისში ოპოზიციის შეხვედრა მიმდინარეობს

"ნაციონალური მოძრაობის ოფისში" ოპოზიციის შეხვედრა მიმდინარეობს. როგორც პოლიტიკოსებმა განაცხადეს, ისინი განიხილავენ საპროტესტო აქციებს, რომლებიც...

სხვა სიახლეები

ოქროს მდინარეები – NASA-მ პერუში ოქროს მოპოვების ამსახველი ფოტოები გაავრცელა

NASA-მ პერუში ოქროს მოპოვების ამსახველი ფოტოები გაავრცელა. ფოტოებზე პერუს ტროპიკული ტყეებია ასახული, სადაც "ოქროს მდინარეები ჩანს"- ორმოები, რომლებიც ოქროს არალიცენზირებულმა მომპოვებლებმა გათხარეს.ამის შესახებ ინფორმაციას...

ჯანმრთელობა

კიდევ ერთი ვაქცინა კორონავირუსის წინააღმდეგ – აშშ–ს მარეგულირებელმა Johnson & Johnson–ის ვაქცინა ეფექტურად ცნო

ამერიკის მარეგულიერებლმა ორგანომ კორონავირუსის საწინააღმდეგო კომპანია Johnson & Johnson–ის ვაქცინა უსაფრთხოდ და ეფექტურად ცნო რაც იმას ნიშნავს, რომ ეს პრეპარატი უახლოეს დღეებში ის აშშ–ში...

შოუ ბიზნესი

ჟერარ დეპარდიეს წინააღმდეგ გაუპატიურების ბრალდებით საქმე აღიძრა

საფრანგეთის პროკურატურამ კვლავ დაიწყო გამოძიება მსახიობ ჟერარ დეპარდიეს წინააღმდეგ ახალგაზრდა მსახიობის გაუპატიურების ბრალდებით. საქმე ეხება 2018 წელს დეპარდიეს პარიზის სახლში მომხდარ ამბავს. სავარუდო მსხვერპლის...

ვიდეო