“ბიძინა ივანიშვილი იგებს პროცესებს, მაგრამ ეს იმას არ ნიშნავს, რომ მას თანხებს ურიცხავენ. მასზე დე ფაქტო სანქციები კვლავ დაწესებულია. რა უნდა უნდოდეთ ამ ადამიანისგან გარდა იმისა, რაც ყველასთვის ნათელია? მისგან შანტაჟის გზით ითხოვენ ხელისუფლებაში დაბრუნებას და ამ ქვეყნის ომში ჩართვას, რაც არ გამოვა. იმიტომ, რომ ადამიანი, რომელმაც ცხოვრება მიუძღვნა იმას, რომ ამ ქვეყანაში მშვიდობა და განვითარება ყოფილიყო, თავისი თავი და ოჯახი გაწირა თავის დროზე, მართლაც გადაჭარბების გარეშე, ისეთ მონსტრს… რასაც სახელმწიფო არ ერქვა მაშინ, წარმოუდგენელია სხვანაირად ფიქრობდეს და სხვანაირად მოქმედებდეს. რა თანხაზეც არ უნდა იყოს საუბარი, შანტაჟის რა ობიექტზეც არ უნდა იყოს საუბარი, წარმოუდგენელია ამ ადამიანისგან რომ წარბი შეიხაროს მათი შანტაჟიდან გამომდინარე”.
ქართული ოცნების აღმასრულებელი მდივნის, მამუკა მდინარაძის თქმით, ბიძინა ივანიშვილზე დე ფაქტო ფინანსური სანქციები კვლავ დაწესებულია, რომელთა მიზანიც “ქვეყნის ომში ჩართვაა”.
