როგორც ჩანს, ჩეჩნეთის ლიდერს, რამზან კადიროვს დაავიწყდა, რომ პუტინი და რუსული პროპაგანდა უკრაინაში შეჭრას “სამხედრო ოპერაციას” უწოდებს, ამიტომ თავის ტელეგრამ არხზე მას “ომი” უწოდა. ინფორმაციას Unian ავრცელებს.
კადიროვმა საბრძოლველად გაგზავნილი კადიროველების სამედიცინო დახმარებაზე განცხადება გამოაქვეყნა და დაწერა, რომ “არ არსებობს ბრძოლა მსხვერპლის გარეშე“, 16 წუთის შემდეგ კი სიტყვა “ომი” “ბრძოლით” შეცვალა.
ცნობისთვის, კადიროვი თავისი ჯარისკაცების კოლოსალური დანაკარგების გამართლებას ცდილობს. ამისთვის მან 13 მარტს მოიტყუა, რომ უკრაინაში, კიევთან ახლოს იმყოფებოდა და კადიროველებს მითითებებს პირადად აძლევდა. უკრაინულმა მედიამ ჟურნალისტური გამოძიებით დაადგინა, რომ ჩეჩნეთის ლიდერი უკრაინაში არ ჩასულა და ის ამ დროს გროზნოში იმყოფებოდა.
