ეკონომიკის მინისტრის, ნათია თურნავას განცხადებით, ავიაკომპანია “ლუფთანზას” შეუძლია საქართველოდან მიუნხენის მიმართულებით ფრენები ნებისმიერ დროს აღადგინოს. მისი თქმით, მიუნხენის საერთაშორისო აეროპორტთან შეზღუდვა მოხსნილია.
გერმანიის მიმართულება არის ყველაზე პირველი, სადაც ჩვენ აღვადგენთ რეგულარულ ფრენებს. თქვენ უკვე იცით, რომ “ლუფთანზასთან” არის მიღწეული შეთანხმება და ყველაზე გვიან 2 აგვისტოდან აღადგენს ფენებს, თუმცა, პრაქტიკულად წინა კვირას ჩვენ მივიღეთ გადაწყვეტილება, მიუნხენის საერთაშორისო აეროპორტზე მოიხსნა შეზღუდვა და შეუძლია ნებისმიერ დროს აღადგინოს და ჩვენ შევეხმიანებით, თუკი არის შესაძლებლობა, რომ უკვე ივლისში დაიწყოს ფრენები, – თქვა ნათია თურნავამ.
მინისტრმა აღნიშნა, რომ არ გამოირცხავენ ჩარტერული რეისის დამატებასაც, რომლითაც თუნდაც სტუდენტები შეძლებენ ჩასვლას.
