მილიონობით დაფინანსება, სქემები და ურთიერთობები კრემლთან – ნახეთ მასალები პატრიოტთა ალიანსის რუსული კავშირების შესახებ

რუსულ მედიაში ქვეყნდება დოკუმენტები და ინფორმაცია იმის შესახებ, რომ პატრიოტთა ალიანსი რუსეთიდან ფინანსდება. ცენტრ “დოსიეს“ მიერ გამოქვეყნებულ მასალებში საუბარია იმაზეც, რომ ქართული ოპოზიციური პარტიის კურატორი კრემლია. 2020–ის საპარლამენტო არჩევნებში კი ისინი რუსეთიდან  8 4330 625 დოლარით ფინანსდებიან.

გთავაზობთ ცენტრის ვებგვერდზე გამოქვეყნებული ინფორმაციის დიდ ნაწილს:

ცენტრი “დოსიე“ აქვეყნებს სამუშაო დოკუმენტებს, ანალიტიკურ ანგარიშებს, ფინანსურ აღრიცხვას, წინასაარჩევნო მეთოდიკას და ოპერატიულ მონაცემებს გენერალ ჩერნოვის სამდივნოდან. ცენტრი წერს, რომ ამ დოკუმენტებიდან ჩანს რას წარმოადგენს კრემლის ე.წ. რბილი ძალა მოქმედებაში:“ როგორ იბირებენ პოლიტიკოსების, საზოგადო მოღვაწეებს და ჟურნალისტებს სხვა ქვეყანაში. მოსკოვიდან გაგზავნილ ინსტრუქციებში კი დეტალურად არის გაწერილი, როგორ უნდა გააღვივოს პრორუსულმა ოპოზიციამ საპროტესტო განწყობა, მოაწყოს პროვოკაციები და რომელ მტკივნეულ თემებზე უნდა გააკეთოს აქცენტი.“

ცენტრის განცხადებით დოკუმენტებიდან ჩანს, რომ კრემლი ოქტომბრის არჩევნებზე ფსონს ირმა ინაშვილზე და დავით თარხან მოურავზე დებს, რომლებიც საქართველოს პატრიოტთა ალიანსს ხელმძღვანელობენ. ალიანსის წევრები მკვეთრად აკრიტიკებენ ხელისუფლებას და მოითხოვენ საქართველომ ნატოსთან და აშშ–სთან კონტაქტი გაწყვიტოს. უკვე ჩამოყალიბებულია მრავალმლიონიანი წინასაარჩევნო ბიუჯეტი და დამონტაჟებულია სააგიტაციო ვიდორგოლები, პარტიის გასარეკლამებლად კი დაქირავებულია პოლიტტექნოლოგი სერგეი მიხეევი და მოსკოვური კომპანია POLITSECRETS.

თავად მიხეევს გენერალ ჩერნოვის დაქვემდებარებაში მყოფი პირები – უსაფრთხოების ფედერალური სამსახურის თადარიგის პოლკოვნიკი, ვალერი მაქსიმოვი და დაზვერვის მთავარი სამმართველოს ოფიცერი ვალერი ჩერნიშოვი კურირებენ.

ცენტრი ხაზს უსვამს, რომ როგორც საქართველოში, ისე რუსეთში კანდიდატებს და პარტიებს ეკრძალებათ უცხო სახელმწიფოს მოქალაქეების, კომპანიების, საერთაშორისო რელიგიური ორგანიზაციების, მოძრაობების, სახელმწიფო დაწესებულების და ასევე ანონიმური სპონსორების მხრიდან დაფინანსების მიღება.

დოკუმენტებიდან ჩანს, რომ ჯერ კიდევ წლის დასაწყისში პოლიტტექნოლოგმა სერგეი მიხეევმა კრემლში პატრიოტთა ალიანსის რეკლამირების და განვითარების წინასწარი გეგმა გაგზავნა. აი, ზოგიერთი ამონარიდი:

“პროექტის საერთო ღირებულებაა 700 000 დოლარი. ღირებულებაში შედის პროექტის ყველა ხარჯი, ფრენების, ტრანსპორტის, ცხოვრების, დღიური ანაზღაურების და სხვ. ჩათვლით. თუ მიმღები მხარე მზად არის საკუთარ თავზე აიღოს საკითხების ნაწილი მატერიალურ–ტექნიკური უზრუნველყოფის თვალსაზრისით, ეს შეიძლება ცალკე განვიხილოთ და ხარჯთაღრიცხვა კორექტირების შედეგად შემცირდეს. სამუშაოები ხორციელდება მოსკოვში წინასწარი გადახდის უზრუნველყოფის პირობით. მნიშვნელოვანია!!! ჯგუფის მონაწილეობა მაჟორიტარული ოლქების მეორე ტურებში, ასეთი საჭიროების შემთხვევაში, არ შედის ხარჯთაღრიცხვაში და ცალკე უნდა იქნას განხილული.“

სერგეი მიხეევი საკუთარ თავს დამოუკიდებელ პოლიტოლოგს და ახლო აღმოსავლეთის ქვეყნების სპეციალისტს უწოდებს. 2010 წელს მან დააფუძნა კასპიის თანამშრომლობის ინსტიტუტი, რომლის ერთადერთი შემკვეთი რუსეთის პრეზიდენტის საქმეთა სამმართველო იყო. მან ინსტიტუტს მილიონი რუბლი გადაუხადა. გარკვეული ხნის მანძილზე მიხეევს მიყავდა ტელეგადაცემა “Россия-1“ზე რუსეთის სახელმწიფო პროპაგანდისტ ვლადიმირ სოლოვიოვთან ერთად. 2014 წლიდან მიხეევი ლიტვის ინიციატივით ევროკავშირში პერსონა ნონ გრატად გამოცხადდა.

ვებგვერდი იმაზეც წერს, რომ ირმა ინაშვილს მიყავს გადაცემა “ჯადოსნური ყუთი“, რომელშიც ხელმოკლე ოჯახებს 700–დან 1000 დოლარამდე თანხა გადაეცემათ.  მიხეევთან წინასაარჩევნო სტრატეგიის განხილვისას პარტიის წევრებმა ის დაარწმუნეს, რომ ეს სიუჟეტები არჩევნებამდე საკმარისია. ისინი ივლისი, აგვისტო, სექტემბერ–ოქტომბერში იტრიალებს, რაზეც მიხეევმა უპასუხა: “ვშიშობ, რომ ეს სექტემბერში და ოქტომბერში შეიძლება აღქმულ იქნას როგორც ამომრჩეველთა მოსყიდვა(ყოველ შემთხვევაში, თებერვალში რა კანონიც გადმომცეს, იმის მიხედვით), გაიარეთ კონსულტაცია იურისტთან.“

ცენტრი თარხან მოურავის “თავადურ წარმომავლობაზეც“ წერს. მათი ინფორმაციით, რუსეთის სამისამართო ბაზაში თარხან მოურავის ცოლი, კარინა და მისი შვილები, იორამი და ნინო დიდი ხანია მოსკოვში ცხოვრობენ და ბიზნესით არიან დაკავებული.

მოსკოვში ოჯახთან ერთად ცხოვრობს მისი ძმა, კომპოზიტორი და მუსიკოსი გიორგი თარხან–მოურავი, რომელიც ფსევდონიმით მოღვაწეობს – Goga TM

2014 წლის თებერვალში ის ფიგურანტი იყო თაღლითობის მცდელობის საქმეში. მოსკოვის საგამოძიებო ორგანოს ოპერატიული მონაცემების მიხედვით, მან დაამზადა ყალბი ქორწინების მოწმობა ერთი წლით ადრე გარდაცვლილ მოსკოველ ქალთან და შეეცადა მემკვიდრეობის წესით მის ბინას დაუფლებოდა, თუმცა ოპერატიულმა სამსახურმა დააკავა.

ცენტრი დოსიე მუსიკოსს დაუკავშირდა, თუმცა მან განაცხადა, რომ პირველად ესმის ამ საქმის შესახებ და კომენტარი არ გააკეთა.

ცენტრი წერს, რომ  “ინაშვილი და თარხან მოურავი რუსეთთან მჭიდრო თანამშრომლობის მომხრეები არიან, ტელეკამერების წინ შიმშილობას აცხადებენ, მართავენ ხმაურიან მიტინგებს აშშ–ს საელჩოს წინ, პროტესტს აწყობენ სოროსის ფონდთან და მოითხოვენ NDI და IRI–ს დახურვას. ცენტრი ვრცელ სტატიაში შარშან სექტემბერში თბილისში გამართულ საერთაშორისო კონფერენციაზე ინაშვილის მივარდნასაც იხსენებს, როცა მას დევიდ კრემერმა კონფერენციის დატოვება მოსთხოვა.“

სტატიაში ინაშვილ–თანხან–მურავის მოსკოვურ ვიზიტებზეც არის საუბარი.თუმცა ყველაზე დიდი ადგილი მაინც დაფინანსებას ეთმობა.

რაც შეეხება 700 000 დოლარს, პოლიტტექნოლოგების მომსახურებისთვის, რაზეც მიხეევი საუბრობდა, ცენტრის ინფორმაციით როგორც ჩანს მუშაობა უკვე დაიწყო. ცენტრის ინფორმაციით ოპოზიციონერებმა მოსკოვში ოთხთვიანი ბიუჯეტი გაგზავნეს წინასაარჩევნო კამპანიის პერიოდისთვის. მხოლოდ სუვენირებისთვის მათ 166 667 ათასი დოლარი აქვთ განსაზღვრული. მთლიანობაში კი ხარჯები 8 4330 625 დოლარს შეადგენს, რაც საქართველოსთვის უზარმაზარი თანხაა.

როგორც დოკუმენტებიდან ჩანს, უშუალოდ პარტიის პიარზე მოსკოვური კომპანია POLITSECRETS მუშაობს, რომელსაც ვერა ბლაშენკოვა ხელმძღვანელობს. მის მიღწევათა შორის, როგორც კომპანიის საიტზე წერია, არის წარმატებული კამპანიები რუსეთში, ყირგიზეთში, ყაზახეთში, უკრაინაში და 2014 წელს მოსკოვის დუმაში ედინაია რასიას წევრების არჩევა.

ბლაშენკოვას მიერ გაგზავნილ ინსტრუქციებში დეტალურად არის გაწერილი, როგორ უნდა იმუშაოს პატრიოტთა ალიანსმა ჩამოუყალიბებელ ამომრჩეველთან, გააღვივოს საპროტესტო განწყობები და წაართვას ხმები “ქართულ ოცნებას“, “ერთიან ნაციონალურ მოძრაობას“ და “ევროპულ საქართველოს“ მაგალითად, “სტრატეგიის“ მეთოდიკაში, გრაფაში “საპროტესტო განწყობები“ ვკითხულობთ:

“საპროტესტო განწყობების ზრდის ხელშეწყობა ნიშნავს, რომ ჩვენს ინტერესებშია საზოგადოებრივი უკმაყოფილების ზრდა, თუნდაც ეს ასევე აწყობდეს ერთიან ნაციონალურ მოძრაობას/ ევროპულ საქართველოს და ძალიან არ აწყობდეს ქართულ ოცნებას. სწორედ ამიტომ განვაგრძობთ საუბარს მიმდინარე პრობლემებზე, რასაც აკეთებენ კიდევაც პატრიოტთა ალიანსის წარმომადგენლები + ვლაპარაკობთ მომავალ პრობლემებზე და სიტუაციის შესაძლო გაუარესებაზე, თუ ყველაფერი ისე დარჩება, როგორც არის, ანუ ხელისუფლებაში მოვა ქართული ოცნება ან ისევ ჩაიგდებს ხელში ნაციონალური მოძრაობა/ევროპული საქართველო ამერიკელებთან შეთანხმებით.“

მაგალითი: თუ ჩვენ არ შევცვლით პოლიტიკურ სისტემას, უკვე ახალი წლისთვის გველოდება უმუშევრობის ტალღა და მოსახლეობის საქართველოდან წასვლა. ქართველები ისევ არალეგალი მიგრანტები გახდებიან ევროკავშირში.

მაგალითი: თუ ხელისუფლებაში ნაციონალური მოძრაობა/ევროპული საქართველო დაბრუნდება, რუსეთი ტურისტულ ნაკადს თურქეთში გაგზავნის და სოხუმის და ცხინვალის საქართველოდან დაშორებას და რუსეთის ფედერაციის შემადგენლობაში შესვლას წაახალისებს.

მაგალითი: ამერიკისგან მატერიალური დახმარების მისაღებად მათი მომხრეები თანახმა არიან ექსპერიმენტზე ბავშვების “ნაადრევ სექსუალურ აღზრდასთან“ დაკავშირებით, ლგბტ და სხვ. –ს მიმართ ტოლერანტობის განვითარებაზე (როგორც უკვე ვიცით, პატრიოტთა ალიანსი ამას უკვე აკეთებს).“

როგორც “რიგით ამომრჩევლებში სიძულვილის და სიხარბის გაღვივების“ თავიდან ჩანს, პოლიტოლოგებს იმედი აქვთ, რომ საქართველოს მოქალაქეების ემოციებზე ითამაშებენ:

“მაგალითი: უნდა მოყვეთ ოცნების/ნაციონალური მოძრაობის/ევროპული საქართველოს“ წარმომადგენლებზე, რას ჭამენ, რას სვამენ, რა აცვიათ, რა მანქანებით დადიან, სად ისვენებენ, სად სწავლობენ მათი შვილები – სკოლები, რა ღირს ამ სკოლაში სწავლა და კვება, მკურნალობა საავადმყოფოში, სასიცოცხლოდ აუცილებელი კვების პროდუქტების ფასებთან ერთად. უნდა მოყვეთ, რა ანგარიშები აქვთ ბანკებში, რა ღირს მათი სამკაულები, ანტიკვარიატი, ნახატები, დემონსტრირება გაუკეთოთ ფუფუნებას მოსახლეობის საერთო სიღარიბის ფონზე მუდმივი შედარების გზით: მაგალითად, მათი ავტომობილის ერთი ბორბალი იმდენი ღირს, რაც გამყიდველის ნახევარი წლის ხელფასი, ანტიკვარული სკამი კი ერთი რიგითი მოქალაქის ბინის ფასი ღირს“.

არის ასეთი თავი: “ელექტორატის გახლეჩა“. ამ თავში მოსკოველი ინსტრუქტორები ასწავლიან პატრიოტთა ალიანსს, როგორ მიაყენონ ჩრდილი ოპონენტებს სხვა პარტიებიდან:

“სპოილერების არარსებობის მიუხედავად, ჩვენთვის უკიდურესად მნიშვნელოვანია შუამავლების მეშვეობით ხელი შევუწყოთ კონფლიქტებს და გავხლიჩოთ ჩვენი ოპონენტები, მითუმეტეს, თუ ისინი კოალიციაში გაერთიანდნენ. ეს შეიძლება უმნიშვნელო ფაქტებითაც გაკეთდეს, ისე რომ პარტიების და ლიდერების ცნობადრობა არ გავზარდოთ. ჩვენი ამოცანაა მუდმივად გავაცოცხლოთ საკვანძო აზრი – ოპონენტები აგრესიულები არიან და აგრესიას შობენ, მათ არ შეუძლიათ მოლაპარაკება, ეზიზღებათ ერთმანეთი და უღალატებენ ნებისმიერ მომენტში. უნდა გავაუფასუროთ მათი შეთანხმებები ამომრჩეველთა თვალში. უნდა ვიმოქმედოთ არა პირდაპირ, არამედ ირიბად, ვამხილოთ მათი მორალური თვისებები, ფასეულობები, ღირებულებები.“

მოსკოველი პოლიტტექნოლოგები რჩევებით არ იფარგლებიან და პატრიოტთა ალიანსისთვის წინასაარჩევნო ვიდეორგოლებიც დაამზადეს, რომლებსაც ქართულ ტელევიზიებში წინასარჩევნოდ ჩაუშვებენ:

განგაშისა და დრამატული მუსიკის ფონზე ჩანს ციფრები უმუშევრობის, დანაშაულის მდგომარეობის შესახებ ქვეყანაში. მოსკოველი ტექნოლოგების ჩანაფქრით, რგოლებმა რიგით ქართველ ამომრჩეველზე უნდა შთაბეჭდილება, რომ მხოლოდ პატრიოტთა ალიანსი ზრუნავს უბრალო ხალხზე და შეუძლია ქვეყნის პრობლემების მოგვარება.

საინტერესოა, რომ ბლაშენკოვა ითხოვს მოსკოვში გაგზავნონ იმ ადამიანების მონაცემები, რომლებიც ღიად თუ ფარულად უჭერენ მხარს პატრიოტთა ალიანსს – ფოტო, პროფესია, მოღვაწეობის სფერო და ა.შ. რა მიზნებისთვის არის ეს საჭირო, უცნობია, თუმცა პატრიოტთა  პირველი 15 კაციანი სია უკვე გაგზავნა. მათ შორის არის საქართველოს თავდაცვის სამინისტროს გენშტაბის ყოფილი უფროსი, გენერალ–ლეიტენანტი გურამ ნიკოლაიშვილი, პოლიციის გენერალი ავთო ენუქიძე, კავშირგაბმულობის ყოფილი მინისტრი, ფრიდონ ინჯია, დავით ზილფიმიანი– (გამოცემა მას შეცდომით კომუნიკაციების კომისიის უფროსად მოიხსენიებს, თუმცა ის არის მულტიპლექს სტერეო+–ის დამფუძნებელი.)

როგორც დოკუმენტებიდან ჩანს, ვერა ბლაშენკოვა მუდმივ კავშირშია ვინმე ანანოსთან თბილისში, რომელსაც კონსულტაციებს უწევს ალიანსის საარჩევნო კამპანიის საკითხებთან დაკავშირებით. ბლაშენკოვა მას აჩქარებს, ნერვიულობს და პატრიოტთა ალიანსის ხელმძღვანელობას მუდმივად საყვედურობს ცუდი კომუნიკაციის და საქმის ნელა კეთების გამო.

ანანო თავს იმართლებს:

“პატივცემულო ვერა, გწერთ ჩემი სახელით. არ არის საჭირო ხელმძღვანელობისთვის ასეთი განრისხებული წერილების წერა. მე შეგიძლიათ ასე მომწეროთ, მაგრამ არა ხელმძღვანელობას . ამ პარტიის ხელმძღვანელობა ასეთი ხალხი არ არის… ეს სხვა ხალხია. მითუმეტეს, რომ ხელმძღვანელობას ზუსტადაც რომ მოეწონა თქვენი მუშაობა. ამ ქვეყანაში მიტინგების გამართვა მარტო ამ ხალხს შეუძლია, ის, რომ ინფორმაციის გაცვლა არ არის, არ ნიშნავს, რომ არაფერი კეთდება. არ არის საჭირო ჩვენს შორის უფსკრულის შექმნა. ამან შეიძლება ბევრი რამ გააფუჭოს.“

ანანოსთან მიმოწერას ბლაშენკოვა მიხეევს უგზავნის, ის კი თავის მხრივ წერილებს კრემლის ამიერკავკასიის კურატორს – პრეზიდენტის საზღვარგარეთის ქვეყნებთან რეგიონთაშორისი და კულტურული ურთიერთობების დაგეგმვის სამმართველოს დეპარტამენტის უფროსს, უსაფრთხოების ფედერალური სამსახურის თადარიგის პოლკოვნიკს ვალერი მაქსიმოვს და მის მოადგილეს, გრუს ოფიცერს ვალერი ჩერნიშოვს. ორივე მათგანი რუსეთრის უშიშროების სამსახურების სტაჟიანი თანამშრომლები არიან.

“დოსიეს“ ხელთ არსებული დოკუმენტებიდან ჩანს, რომ პატრიოტთა ალიანსის საინფორმაციო მხარდაჭერის მიზნით საქმეში ჩართულია მოსკოვიდან დაფინანსებული «Sputnik Грузия», «EurAsia Daily», საინფორმაციო სააგენტო  REGNUM  და პოლიტოლოგიური ცენტრი «Север-Юг», რომელსაც ანჟელიკა ტრაპეზნიკოვა ხელმძღვანელობს. ის ყოველკვირეულად გზავნის მოსკოვში ანგარიშებს, არის კრემლის კორპორატიული წვეულებების ხშირი სტუმარი.

ცენტრმა “დოსიემ“ დოკუმენტები – წინასაარჩევნო მეთოდიკები და ფინანსური ანგარიშები ცნობილ მოსკოველ პოლიტტექნოლოგს აჩვენა, რომელსაც გვარის დასახელება არ სურს, თუმცა ამბობს:

“ჩვენ რა თქმა უნდა, ვხვდებოდით, რომ მიხეევი კრემლზე მუშაობდა, მაგრამ არ ვიცოდით ზუსტად ვინ კურირებდა. ახლა ყველაფერი ნათელი და აშკარაა. არჩევნებს რაც შეეხება, ასეთ სიტუაციას ვხედავ: ახლა პარლამენტში ალიანსის 6 დეპუტატია. საუკეთესო შემთხვევაში 10 კაცს გაიყვანენ და ამინდს ვერ შექმნიან. რატომ უნდა ჩადონ თითქმის ნულოვან პარტიაში მილიონობით დოლარი? ეს სულ უფო მეტად მაგონებს სპონსორების ფულის ჩამოწერის და ათვისების ბანალურ პროცესს. ძალიან საინტერესოა, ვინ ასპონსორებს ქართველ ოპოზიციონერებს და როგორია ამაში პრეზიდენტის ადმინისტრაციიდან მიხეევის კურატორების როლი“ – ამბობს ის.

მასალის ორიგინალი ნახეთ აქ:

 

8 მილიონი იმიტომ გაჟღერდა, რომ ჩვენი საარჩევნო ნომერი არის 8 – ირმა ინაშვილი რუსეთიდან დაფინანსებაზე

როგორი წარმატებულიც ვართ კოვიდის მართვაში, ასეთივე წარმატებული ვიქნებით ვაქცინაციაში – ცერცვაძე

ინფექციური საავადმყოფოს ხელმძღვანელი ამბობს, რომ ვაქცინაციის დაგვიანება ვაქცინების დეფიციტის ბრალია, თუმცა ქვეყნის მთავარი ინფექციონისტი...

გახარიამ თქვა, ნეტა ვინმემ მოიტანოს ვაქცინა, თვითმფრინავის დაცლაში მივეხმარებიო – კულუმბეგოვი

იმუნოლოგ–ალერგოლო ბიძინა კულუმბეგოვი ამბობს, რომ ახალი პრემიერის პირობებში ის საკოორდინაციო საბჭოს შეხვედრაზე აღარ ყოფილა. მისი...

გორში ნაციონალური მოძრაობის ოფისის დაზიანების გამო შსს-მ 2 პირი დააკავა

შსს–მ გორში ერთიანი ნაციონალური მოძრაობის ოფისის დაზიანების გამო 2 ადამიანი - 1994 წელს დაბადებული...

ირაკლი ზარქუა არ გამორიცხავს, რომ გორში ენმ-ს ოფისი თავად ენმ-მ დაარბია

ქართული ოცნების დეპუტატი, ირაკლი ზარქუა ამბობს, რომ არ გამორიცხავს, რომ გორში ნაციონალური მოძრაობის ოფისზე...

უნდა აღიაროთ სახალხოდ, რომ არაფრის მაქნისები ხართ – ხაზარაძე “ოცნებას”

ლელოს ლიდერი მამუკა ხაზარაძე ქართულ ოცნებას მოუწოდებს, საჯაროდ აღიარონ, რომ უმქანისები არიან. "ოცნება როდემდე უნდა...

ჯაღმაიძე ხალხს რაზმავს, მკვდარი თუ მნახეთ, მიხვდებით, ვისგანაც მოდის – გამზარდია

ტელეკომპანია კავკასიის წამყვანი არჩილ გამზარდია აცხადებს, რომ საპატრიარქოს პრესსამსახურის ხელმძღვანელი ანდრია ჯაღმაიძე მის წინააღმდეგ...

„ჰესები ყველაზე უსაფრთხო და ეკოლოგიურად ყველაზე სუფთაა“ – გიგა ბოკერია ნამახვანჰესზე

„ჰესები ყველაზე უსაფრთხო და ეკოლოგიურად ყველაზე სუფთაა“ - ასე ეხმაურება, "ევროპული საქართველოს" ლიდერი გიგა...

რატომ დაგვიანდა საქართველოში ვაქცინის შემოტანა – კოვაქს პლატფორმის განმარტება

კოვაქს პლატფორმამ "ფორმულას" განუმარტა, რატომ გადავადდა საქართველოში ვაქცინის შემოტანის საკითხი და რაზეა ეს დამოკიდებული. კოვაქსი...

სხვა სიახლეები

ოქროს მდინარეები – NASA-მ პერუში ოქროს მოპოვების ამსახველი ფოტოები გაავრცელა

NASA-მ პერუში ოქროს მოპოვების ამსახველი ფოტოები გაავრცელა. ფოტოებზე პერუს ტროპიკული ტყეებია ასახული, სადაც "ოქროს მდინარეები ჩანს"- ორმოები, რომლებიც ოქროს არალიცენზირებულმა მომპოვებლებმა გათხარეს.ამის შესახებ ინფორმაციას...

ჯანმრთელობა

„კოვაქს პლატფორმა“ განმარტავს, რატომ ვერ მიიღო საქართველომ ამ დრომდე „ფაიზერის“ ვაქცინა

„კოვაქს პლატფორმა“ განმარტავს, რატომ ვერ მიიღო საქართველომ „ფაიზერის“ ვაქცინა თებერვალში. შესაბამისი შეკითხვით „კოვაქს პლატფორმას“ „ინტერპრესნიუსმა“ მიმართა. როგორც სააგენტოს განუცხადეს, თებერვალში ვაქცინა იმ ქვეყნებში გაიგზავნა, რომლებმაც...

შოუ ბიზნესი

ჟერარ დეპარდიეს წინააღმდეგ გაუპატიურების ბრალდებით საქმე აღიძრა

საფრანგეთის პროკურატურამ კვლავ დაიწყო გამოძიება მსახიობ ჟერარ დეპარდიეს წინააღმდეგ ახალგაზრდა მსახიობის გაუპატიურების ბრალდებით. საქმე ეხება 2018 წელს დეპარდიეს პარიზის სახლში მომხდარ ამბავს. სავარუდო მსხვერპლის...

ვიდეო