მუნიციპალური განვითარების ფონდის მრავალმილიონიანი ტენდერები ოცნების შემომწირველებს

ფოტოზე: გიორგი შენგელაია, მუნიციპალური განვითარების ფონდის დირექტორი

ფლანგვის დეტექტორი  შპს ელ ჯორჯიას მიერ მოგებული სახელმწიფო ტენდერების შესახებ ინფორმაციას აქვეყნებს. კომპანიამ მხოლოდ პანდემიის დროს,   მუნიციპალური განვითარების ფონდის 3 ტენდერში გაიმარჯვა, აქედან ერთ შემთხვევაში მას კონკურენტი საერთოდ არ ჰყოლია.

მანამდე, 2013-2020 წლებში დიმიტრი კუპატაძისა და ტარიელ გიორგაძის კომპანიამ 52 მილიონის ტენდერები მოიგეს, აქედან 20 მილიონის – უკონკურენტო გარემოში.

ამავე წლებში, “ელ ჯორჯიამ” 18 მილიონზე მეტი სახელმწიფოსგან ტენდერის გვერდის ავლით, გამარტივებული შესყიდვებით მიიღო.

აღსანიშნავია ის, რომ კომპანიის დამფუძნებლები ქართული ოცნების შემომწირველები არიან.

შპს ელ ჯორჯიამ მუნიციპალური განვითარების ფონდისგან 9 მილიონი ლარი მას შემდეგ მიიღო, რაც კომპანიის დამფუძნებლებმა ქართულ ოცნებას ჯამში 101 ათასი ლარი შესწირეს.

შპს ელ ჯორჯია (ს/კ 406042036) 2011 წელს დაარსებული კომპანიაა. კომპანიის წესდებიდან ვიგებთ, რომ საზოგადოების საქმიანობის საგანია სხვადასხვა სახის სამშენებლო, აღდგენითი და თავისსავე დამზადებული ან შეძენილი საქონლით ფიზიკური და იურიდიული პირების მომარაგება.

სახელმწიფო შესყიდვების სააგენტოს ინფორმაციის თანახმად, კომპანია 2013 წლიდან იღებს მონაწილეობას ელ. ტენდერებში. მას 89 ელ. ტენდერში აქვს მონაწილეობა მიღებული. ამ გზით კომპანიამ 2013-2020 წლებში 52,261,198 ლარი მიიღო, აქედან 19,899,182 ლარი უკონკურენტო გარემოში. დროის იგივე მონაკვეთში შპს ელ ჯორჯიამ გამარიტვებული შესყიდვების გზით 18,419,571 ლარის ღირებულების ხელშეკრულებები გააფორმა.
2020 წელს კომპანიამ 3 ელ.ტენდერში გაიმარჯვა, აქედან 1 შემთხვევაში მას კონკურენტი საერთოდ არ ჰყოლია.
პირველი ხელშეკრულება 2020 წლის 20 ოქტომბრით თარიღდება. საქართველოს მუნიციპალური განვითარების ფონდმა გამოცხადა ტენდერი ხობის მუნიციპალიტეტში, სოფელ შავღელეში საჯარო სკოლის სარეაბილიტაციო სამუშაოების შესასყიდად. შესყიდვის სავარაუდო ღირებულება 2,369,767 ლარი იყო და მასში მონაწილეობას სამი კომპანია იღებდა, მათ შორის შპს ელ ჯორჯიაც. საბოლოოდ, გამარჯვებული სწორედ აღნიშნული კომპანია გახდა და ხელშეკრულების თანახმად, მან 2,192,998 ლარი უნდა მიიღოს. აღსანიშნავია, რომ დღევანდელი მონაცემებით კომპანიას უკვე მიღებული აქვს თანხის 30%(657,899ლარი) ავანსის სახით.
საქართველოს მუნიციპალური განვითარების ფონდმა ამის შემდეგ კიდევ ერთი ტენდერი გამოაცხადა. შესყიდვის სავარაუდო ღირებულება 3,631,961 ლარს შეადგენდა და გამარჯვებულ კომპანიას დუშეთის მუნიციპალიტეტის, სოფელ ბარისახოს საჯარო სკოლის სარეაბილიტაციო სამუშაოები უნდა შეესრულებინა. აღნიშნულ ტენდერშიც სამი კომპანია იღებდა მონაწილეობას და 2020 წლის 4 ნოემბერს ხელშეკრულება შპს ელ ჯორჯიასთან გაფორმდა. მუნიციპალური განვითარების ფონდმა კომპანიას სარეაბილიტაციო სამუშაოების შესრულებისთვის 3,303,324 ლარი უნდა გადაუხადოს.
კიდევ ერთი ტენდერი, რომელიც საქართველოს მუნიციპალური განვითარების ფონდმა 2020 წლის სექტემბერში გამოცხადა, ითვალისწინებდა ქ. მარტვილში ერთ-ერთი საჯარო სკოლის სარეაბილიტაციო სამუშაოების შესრულებას. აღსანიშნავია, რომ ტენდერი უკონკურენტო გარემოში ჩატარდა და შესაბამისად, ერთადერთი მონაწილე და გამარჯვებული შპს ელ ჯორჯია იყო, რომელსაც აღნიშნული ტენდერით 3,037,298 ლარს გადაუხდიან. აღნიშნული ხელშეკრულება 2022 წლის ბოლომდე არის ძალაში და კომპანიას დღევანდელი მონაცემებით ფული არ მიუღია.
აღსანიშნავია ისიც, რომ შპს ელ ჯორჯიას ელ.ტენდერებით მიღებული თანხიდან 19,177,802 ლარი ავანსის სახით აქვს აღებული.
რაც შეეხება ინფორმაცია კომპანიის შესახებ, 2011 წლიდან მოყოლებული კომპანიის წესდებაში ცვლილება არ შესულა დირექტორსა და პარტნიორებთან დაკავშირებით. როგორც საჯარო რეესტრის 2011 წლის ამონაწერიდან ვიგებთ, კომპანიის დირექტორი დიმიტრი კუპატაძე იყო, ხოლო 100%-იანი წილის მფლობელი ტარიელ გიორგაძე. დღევანდელი მონაცემებიდანაც ვიგებთ, რომ კომპანიაში დირექტორის თანამდებობას ისევ დიმიტრი კუპატაძე იკავებს, ხოლო ერთადერთი პარტნიორი ისევ ტარიელ გიორგაძეა.
გარდა იმისა, რომ შპს ელ ჯორჯია საკმაოდ ძვირადღირებულ ტენდერებს იგებს და მათ შორის ხშირად უკონკურენტო გარემოშიც, კომპანიის დირექტორი და ერთადერთი მეწილე მმართველი პარტიის შემომწირველები არიან. მაგალითად, კომპანიის დირექტორმა დიმიტრი კუპატაძემ 2020 წლის 22 სექტემბერს ქართულ ოცნებას 41,000 ლარი შეწირა, ხოლო ამის შემდეგ, 1 ოქტომბერს, კომპანიის 100%-იანი წილის მმართველმა ტარიელ გიორგაძემ ქართულ ოცნებას ასევე 60,000 ლარი შეწირა.
წყარო: ფლანგვის დეტექტორი

2026 წლისთვის მთავრობის წმინდა ვალს შევამცირებთ 45%-მდე – ფინანსთა მინისტრი

ფინანსთა მინისტრის, ლაშა ხუციშვილის თქმით, 2026 წლისთვის მთავრობის წმინდა ვალი 45%-მდე შემცირდება, ხოლო 2030...

102 წლის ემინე ჯორბენაძე კორონავირუსის საწინააღმდეგო ვაქცინით აიცრა

აჭარაში, 102 წლის ემინე ჯორბენაძე კორონავირუსის საწინააღმდეგო ვაქცინით Pfizer-ით აიცრა. ემინე ჯორბენაძემ Pfizer-ის პირველი...

გათავისუფლების შესახებ მედიის საშუალებით გავიგეთ – ინსპექტორი ჩოლოიანზე

გათავისუფლების შესახებ მედიის საშუალებით გავიგეთ - ასე ეხმაურება, სახელმწიფო ინსპექტორის სამსახური ლუკა სირაძის გარდაცვალების...

ლარი გამყარდა – ეროვნულმა ბანკმა ახალი კურსი დაადგინა

ეროვნული ბანკის ინფორმაციით, 5 აგვისტოს ვაჭრობის შედეგად, ლარი როგორც დოლართან, ისე ევროსთან მიმართებით გამყარდა. დოლართან...

პრეზიდენტს უფლებაც არ აქვს დემარში განახორციელოს საკონსტიტუციო ორგანოს წინააღმდეგ – კუჭავა

"არანაირი კონფლიქტი არ არსებობს, პრეზიდენტს უფლებაც არ აქვს დემარში განახორციელოს საკონსტიტუციო ორგანოს წინააღმდეგ"  -...

დააკავეს აქტივისტი, რომელმაც მარიანა ჩოლოიანის გათავისუფლება გააპროტესტა

ლუკა სირაძის საქმეზე მარიანა ჩოლოიანის გათავისუფლება აქტივისტებმა იუსტიციის სამინისტროსთან გააპროტესტეს. აქციის მონაწილეებმა გზის სავალ ნაწილზე...

ილია II-ს შეუძლია აცრისკენ მოწოდება, მაგრამ სატანის ერთგულად უნდა დარჩენა – კობახიძე

"ცხოვრებაში ერთხელ რომ სიკეთე გააკეთოს ილია მეორემ, ხომ შეუძლია და აცრისაკენ მოუწოდოს ხალხს. მაგან...

მოსახლეობის მესამედი ამ პერიოდამდე ვაქცინირებული რომ ყოფილიყო, ეს საკითხები ასე მწვავედ არ იდგებოდა...

ძალიან საშიშია ჰუმანიტარული კატასტროფა არ მოხდეს, სახლში არ დაგვეღუპონ ადამიანები, მოსახლეობის მესამედი ამ პერიოდამდე...

AstraZeneca–ს წარმოებამ მილიარდ დოზას მიაღწია

ბრიტანულ–შვედურმა კომპანია AstraZeneca–მ განაცხადა, რომ მის მიერ წარმოებული ვაქცინების რაოდენობამ ერთ მილიარდს მიაღწია. ეს მილიარდი დოზა მსოფლიოს 170 ქვეყანაში განაწილდა. “ეს შესანიშნავი ამბავია ჩვენთვის, მეცნიერთა...

შესაძლებელია თუ არა ჭაღარა თმას კვლავ ძველი ფერი დაუბრუნდეს–ახალი კვლევა

იმის შესახებ, რომ ძლიერი სტრესისგან გაჭაღარავება შეიძლება, თანაც ზოგჯერ ერთ ღამეში, დიდი ხანია ცნობილია. განსაკუთრებით ბევრი ასეთი შემთხვევაა ცნობილი ომიანობის, ბუნებრივი კატაკლიზმების და მოულოდნელი...

“ტრავმირებული ვარ, უბედური ვარ, ძილი არ შემიძლია“–ბრიტნი სპირსმა სასამართლოს მისი მეურვეობის საქმეზე ჩვენება მისცა

39 წლის პოპ ვარსკვლავმა, ბრიტნი სპირსმა პირველად მოითხოვა სასამართლოსგან პირადად, მოუხსნან მისი მამის მეურვეობა, რომელიც 2008 წლიდან მის საკონცერტო მოღვაწეობას და ფინანსებს აკონტროლებს. მან...