“როგორ მაგრადაც დარბიხართ, ისე მაგრად იცით ცურვა?” – ამირხანაშვილის ახალი ჩვენება

“რადიო თავისუფლება” გიორგი შაქარაშვილის საქმის ახალი მასალებიდან ოქროს მოწმის, გური ამირხანაშვილის გამოკითხვის ოქმს აქვეყნებს.

გამოცემის ინფორმაციით, სწორედ ამ ოქმის საფუძველზე დაუმძიმდა ბრალი 5 ბრალდებულს და მათ დამაძიმებელ გარემოებებში განზრახ მკვლელობის მუხლი წარედგინათ.

გურამ ამირხანაშვილის გამოკითხვის მეხუთე ოქმი 2 აგვისტოთი თარიღდება.

“თავისუფლების” ცნობით, ამირხანაშვილი გამომძიებელს უხსნის, რომ წინა ოთხი გამოკითხვისას ის სტრესულ მდგომარეობაში იყო და ზოგიერთი დეტალის გახსენება მხოლოდ მოგვიანებით შეძლო.

ჩვენებაში ამირხანაშვილი დეტალურად იხსენებს 19 ივნისის ღამეს განვითარებულ მოვლენებს და ფრაზებს, რომლებიც მას თბილისისკენ გზად “ტოიოტა ქამრიში” მჯდომს უთხრეს ან გაიგო.

ჩვენებაში ამირხანაშვილი ყვება, რომ “ტოიოტა ქემრიდან” გადმოსული მდევრებისგან თავის დასაღწევად ფერადი შენობის უკან შეირბინა და “ორმოს მსგავს დაბლობზე” ჩავარდა, საიდანაც მალევე ამოვიდა და დაინახა, რომ “ტოიოტა ქემრის” სამი მგზავრი – ვახტანგ ჩიქოვანი, ა.ქ. და ზ.ხ, მეორად საავტომობილო გზაზე სწრაფი სირბილით და გინებით ჩარბოდნენ. ამირხანაშვილი ამბობს, რომ ისინი სწორედ იქით გარბოდნენ, სადაც მანამდე მდევრებისგან გაქცეულმა ვახტანგ ახვლედიანმა და გიორგი შაქარაშვილმა ჩაირბინეს.

ჩვენების მიხედვით, 7-8 წუთის განმავლობაში ამირხანაშვილი კვლავ ბუჩქებში ჩაიმალა, რადგან ავტომობილის კიდევ ორი მგზავრი და მძღოლი არ ჩანდენენ და შეშინდა. შემდეგ არაგვის ხიდის ქვემოდან, მეორადი გზიდან მომავალი ხმა მოესმა, ამჯერად გინების გარეშე. როგორც ამირხანაშვილი ყვება, ეს პირები ყვიროდნენ, რომ დამალულები გამოსულიყვნენ და მათ არაფერს დაუშავებდნენ.

ამირხანაშვილის თქმით, იმ პირებმა, ვინც ახვლედიანსა და შაქარაშვილს გაეკიდნენ, შენობას შემოუარეს და მას მიაგნეს, “დაღლილებმა და აფორიაქებულებმა“. შემდეგ მათთან “ქემრი” გაჩერდა, მალევე კი ხიდის ქვემოდან, მეორადი საავტომობილო გზიდან ამომავალი კიდევ ორი მდევარი დაინახა – ამირხანაშვილის თქმით, ესენი იყვნენ არჩილ გაგნიძე და ნიკოლოზ რევაზიშვილი.

ჩვენების მიხედვით, გაგნიძემ დანარჩენებს მკაცრად უთხრა, რომ ამირხანაშვილი მანქანაში ჩაესვათ და თბილისისკენ წამოვიდნენ.

დიალოგის დეტალები, რომელთაც ამირხანაშვილი ბოლო გამოკითხვისას იხსენებს, შემდეგია:

“არჩილ გაგნიძემ რამდენჯერმე მკითხა, თუ საიდან იცოდა გიორგი შაქარაშვილმა ასეთი სწრაფი სირბილი, რომელსაც ვუთხარი, რომ მეც და გიორგი შაქარაშვილიც ბავშვობიდან ვიყავით ფეხბურთელები. რაზეც ასევე მკითხა, “როგორ მაგრადაც დარბიხართ, ისე მაგრად თუ იცით ცურვა?”. აღნიშნული შეკითხვისთვის მაშინ ყურადღება არ მიმიქცევია, იმ მომენტში ვერაფერთან დავაკავშირე, რადგან ვიყავი აღელვებული და ვნერვიულობდი ჩემ მეგობარ გიორგი შაქარაშვილზე. ასევე მგზავრობისას, როგორც მახსოვს, უკან მჯდომმა ერთ-ერთმა პირმა ახსენა შემდეგი შინაარსის სიტყვები, “რომ დავადეთ, უკვე დამკაში იქნება გასული”, ვის გულისხმობდა ის, არ ვიცი”, – წერია გურამ ამირხანაშვილის ჩვენებაში.

გიორგი შაქარაშვილის საქმეზე დაკავებულ 5 პირს ბრალი დაუმძიმდა.

პროკურატურამ გამოაქვეყნა შემთხვევის ვიდეო რეკონსტრუქცია, რომლის მიხედვით, გიორგი შაქარაშვილი ჯერ სცემეს, შემდეგ კი წყალში გადააგდეს.

მოვუწოდებთ ხელისუფლებას, გადაიყვანონ ყოფილი პრეზიდენტი სამოქალაქო საავადმყოფოში – EPP

„ევროპის სახალხო პარტია" საქართველოს ხელისუფლებას, საქართველოს ყოფილი პრეზიდენტის, მიხეილ სააკაშვილის სამოქალაქო საავადმყოფოში გადაყვანისკენ მოუწოდებს....

ორი გრამი ძალაუფლებაც რომ დაიბრუნოს ამ ძალამ, საქმით დაუბრუნდებიან იმას, რასაც აკეთებდნენ – პაპუაშვილი...

"ორი გრამი ძალაუფლებაც რომ დაიბრუნოს ამ ძალამ, არა მხოლოდ სიტყვით, საქმით დაუბრუნდებიან იმას, რასაც...

აქტივისტებისა და მედიის წარმომადგენლების მხრიდან მოსალოდნელია მცირე პროვოკაციები – მდინარაძე აქციაზე

"აქტივისტებისა და მედიის წარმომადგენლების მხრიდან მოსალოდნელია მცირე პროვოკაციები"- განაცხადა ''ქართული ოცნების'' ერთ-ერთმა ლიდერმა, მამუკა...

დღეს ვიხილავთ დაშინებულ საჯარო მოხელეებს აქციაზე – სერგო ჩიხლაძე

"დღეს ვიხილავთ დაშინებულ საჯარო მოხელეებს აქციაზე" - ამის შესახებ "სტრატეგია აღმაშენებლის" წევრმა სერგო ჩიხლაძემ ჟურნალისტებთან...

მელიას თქმით, გამარჯვების შემთხვევაში, მერია წვევამდელების ჯარში გაწვევაზე უარს იტყვის

ენმ-ის თავჯდომარე და თბილისის მერობის კანდიდატი, ნიკა მელია ამბობს, რომ მისი გუნდის გამარჯვების შემთხვევაში,...

საქართველოში კორონავირუსის 4337 ახალი შემთხვევა დადასტურდა, გარდაიცვალა 42 პაციენტი

საქართველოში კორონავირუსის 4337 ახალი შემთხვევა დადასტურდა, გარდაიცვალა 42 პაციენტი. პანდემიის გავრცელებიდან დღემდე გამოვლენილი დადასტურებული...

მიშას უკრაინელი ადვოკატი საქართველოში არ შემოუშვეს, კიევში აბრუნებენ – კაპანაძე

ნაციონალური მოძრაობის წევრი, გიორგი კაპანაძე აცხადებს, რომ საქართველოს მესამე პრეზიდენტის, მიხეილ სააკაშვილის უკრაინელი ადვოკატი...

“იმიჯს ნუ შეილახავთ” – ხახალეიშვილი პაატა ბურჭულაძეს

"გუშინ რომ მუსიკალურ სასწავლებლებში ბრძანდებოდნენ, ვინმემ დაუშალა? არა ბატონო, მიბრძანდით და გაეცანით, არავინ არაფერს...

პარიზში აუქციონზე 66 მლნ. წლის წინანდელი დინოზავრის ჩონჩხი იყიდება

პარიზში აუქციონზე გაიყიდება დინოზავრ–ტრიჯერატოპსის ყველაზე დიდი ჩონჩხი, რომელიც კი ადამიანს ოდესმე აღმოუჩენია. ვარაუდობენ, რომ მისი გასაყიდი ფასი დაახლოებით 1.5 მილიონ ევროს შეადგენს. დინოზავრი “დიდი ჯონი“...

აშშ–ში ღორის თირკმლის ადამიანისთვის გადანერგვის პირველი წარმატებული ოპერაცია ჩატარდა

ამერიკელი ქირურგები ამტკიცებენ, რომ პირველად შეძლეს წარმატებით გადაენერგათ ღორის თირკმალი ადამიანისთვის. ექიმებს იმედი აქვთ, რომ ეს დონორთა ორგანოების უკმარისობის პრობლემის გადაჭრაში დაეხმარებათ. ტრანსპლანტაცია აშკარად ექსპერიმენტული ხასიათი...

ჟან-პოლ ბელმონდო 88 წლის ასაკში გარდაიცვალა

გარდაიცვალა ცნობილი ფრანგი მსახიობი ჟან პოლ ბელმონდო. ის 88 წლის იყო. მას პოპულარობა ჟან-ლუკ კოდარის "უკანასკნელ ამოსუნთქვაში" შესრულებულმა მიშელ პუაკარის როლმა მოუტანა. ბელმონდოს კინოკარიერა 50 წელს...