საფეხბურთო კლუბი სასუოლო პირველი იქნება იტალიური სერია A–ს გუნდებიდან, რომლებიც პანდემიის შედეგად იძულებითი პაუზის შემდეგ ვარჯიშს დაიწყებს. იტალიის ჩემპიონატი 10 მარტიდან შეჩერდა. როგორც გუნდის წარმომადგენლები აცხადებენ, თავიდან ფეხბურთელები ცალ–ცალკე, მარტო ივარჯიშებენ. ჯგუფური წვრთნები კი ოფიციალურად 18 მაისიდან აღდგება, სოციალური დისტანციის ზომების გათვალისწინებით.
ბუნდესილიგის სეზონის განახლების შესახებ ტრიბუნებზე მაყურებლის გარეშე საუბრობს გერმანიის შინაგან საქმეთა მინისტრი, ჰორსტ ზეეხოფერი. მისი თქმით, თუ გაირკვევა, რომ გუნდში ვინმე ავად არის, კლუბს თვითიზოლაციაში ორი კვირის გატარება მოუწევს.
