ტრამპის ფანატებში პოპულარული სოციალური ქსელი Parler გაითიშება. ამაზონმა მას მონაცემების შენახვაზე უარი უთხრა

სოციალური ქსელი Parler შესაძლოა გაითიშოს. ამაზონმა გადაწყვიტა დონალდ ტრამპის მხარდამჭერებში პოპულარულ ამ პლატფორმას მონაცემთა შენახვაზე უარი უთხრას.

ამაზონი Parler–ს ჰოსტინგის მომსახურებას ამერიკის წყნარი ოკეანის სანაპიროს დროით კვირას საღამოს 23:59 საათზე შეუწყვეტს. თუ მანამდე Parler სხვა სერვერს ვერ მოძებნის, საიტი, ყველა მისი მომსახურება და აპლიკაცია მიუწვდომელი გახდება.

ამაზონი ჰოსტინგის მომსახურებას უამრავ საიტს უწევს, მათ შორის მსხვილ საიტებსაც. მან Parler–ს ინფორმაცია მიაწოდა, რომ ამ სოცქსელში ძალადობის მოწოდების შემცველი 98 პოსტი აღმოაჩინა.

მანამდე ამავე მიზეზით გუგლმა Parler–ის აპლიკაცია  ანდროიდის მოწყობილობებისთვის განკუთვნილი მისი მაღაზიიდან ამოიღო. მას მიბაძა ეფლმაც, მას შემდეგ, რაც მოთხოვნა 24 საათში კომპანიისთვის დამაკმაყოფილებელი მოდერაციის პროცედურები ჩაეტარებინათ სოციალურმა ქსელმა არ დააკმაყოფილა.

Parler–ის აღმასრულებელი დირექტორი, ჯონ მატცე ამაზონის გადაწყვეტილებას პასუხობს და ტექნოლოგიურ გიგანტებს სიტყვის თავისუფლებაზე კოორდინირებულ შეტევასა და თავისუფალ ბაზარზე კონკურენციის განადგურებაში ადანაშაულებს. ის ამბობს, რომ სოციალური ქსელი მომხმარებლებისთვის მიუწვდომელი შესაძლოა ერთი კვირის მანძილზე იყოს, რადგან კომპანიას მოუწევს საიტი ხელახლა გადააწყოს.

“ჩვენ არ დავემორჩილებით პოლიტიკურად მოტივირებულ კამპანიას ავტორიტარული დიქტატორების მხრიდან, რომლებსაც სიტყვის თავისუფლება სძულთ“– დაწერა მან ცოტა ხნის წინ საკუთარ ქსელში.

სიენენი გაეცნო წერილს, რომელიც ამაზონის ვებ სერვისების განყოფილებამ Parler–ს გაუგზავნა. სწორედ ეს განყოფილება უზრუნველყოფს ქლაუდ სერვისების ტექნიკურ მხარდაჭერას და უსაფრთხოებას. წერილში ნათქვამია, რომ ეს სოციალური ქსელი არ შეესაბამება AWS–ის სამომხმარებლო შეთანხმებებს.

წერილში ნათქვამია, რომ ისინი ვერ უკარნახებენ სოციალურ ქსელს, რომელი კონტენტი დაუშვას მის საიტზე გამოსაქვეყნებლად, თუმცა მათ არ შეუძლიათ მომსახურება გაუწიონ კლიენტს, რომელსაც არ აქვს უნარი ოპერატიულად აღმოაჩინოს და წაშალოს  კონტენტი, რომელიც ახალისებს და აქეზებს ძალადობას.

Parler პოზიციონირებს, როგორც თავისუფალი სიტყვის ნაკრძალი და განსაკუთრებული პოპულარობა მოიპოვა ამერიკელ მემარჯვენე რადიკალური შეხედულებების მომხმარებლებში, რომლებსაც ბოლო თვეებში ფეისბუქზე, იუთუბზე და ტვიტერზე ძალადობრივი მოწოდებების, დეზინფორმაციის და სხვა წესების დარღვევის გამო ასანქცირებენ.

Parler-ის შტაბბინა ნევადაში მდებარეობს. ის თავის პროდუქტს თავისუფალ, მიუკერძოებელ ქსელს უწოდებს, სადაც ნებისმიერი აზრი შელამაზების გარეშე შეიძლება გამოითქვას. მოდერაციის პროცესი ამ ქსელში ისეთი მკაცრი არ არის, როგორც მის პოპულარულ კონკურენტებში. სწორედ ეს იზიდავს შეთქმულების თეორიების მიმდევრებს და რადიკალებს, რომელთა გამონათქვამები ფეისბუქზე და ტვიტერზე სიძულვილის გამოხატულებად და ძალადობისადმი მოწოდებად ფასდება.

პარლერის ცოტა ხნის წინანდელ პოპულარულ პოსტებს შორის იყო წინადადებები კაპტოლიუმის შენობის დაწვის შესახებ, სპიკერ ნენსი პელოსთან ერთად, მოწოდება ვიცე პრეზიდენტ მაიკ პენსის მკვლელობის შესახებ და გამოკითხვა შეკითხვით: დემოკრატებიდან ვისი მოკვლაა პირველ რიგში საჭირო, ასევე კონსპიროლოგიური თეორია იმის შესახებ, რომ კაპიტულიუმის შტურმის უკან სინამდვილეში მოძრაობა ანტიფას წევრები დგანან.

პარლერის მომხმარებლები აქტიურად განიხილავდნენ, როგორ ჯობდა კონგერსისთვის ხელშეშლა ბაიდენის გამარჯვების სერთიფიცირების პროცესში.

სოციალური ქსელი Parler 2018 წელს გამოჩნდა და განსაკუთრებით პოპულარული აშშ–ში ნოემბრის საპრეზიდენტო არჩევნების შემდეგ გახდა, ძირითადად ტრამპის მხარდამჭერების გამო, რომლებიც ამ ქსელში განიხილავდნენ დაუსაბუთებელ განცხადებებს არჩევნების გაყალბების შესახებ.

თავად ტრამპს ამ პლატფორმაზე გვერდი არ აქვს, თუმცა 2020 წელს, როცა მან პოპულარობის მოპოვება დაიწყო, ამ ქსელში ექაუნთი გახსნა ამერიკის კონსერვატიული მოძრაობის რამდენიმე გავლენიანმა ფიგურამ. მათ შორის ტეხასის სენატორმა, ტედ კრუზმა, რომელსაც 4.9 მილიონი ხელმომწერი ყავს და ფოქს ნიუსის წამყვანმა, შონ ჰენიტიმ, რომელსაც 7 მილიონი ხელმომწერი ყავს.

ნოემბრის არჩევნების შემდეგ პარლერი ყველაზე ხშირად ჩამოტვირთვადი აპლიკაცია გახდა აშშ–ში მას შემდეგ, რაც ფეისბუქმა და ტვიტერმა აქტიურად დაიწყეს მომხმარებლების დაბლოკვა დეზინფორმაციის გავრცელებისა და საარჩევნო კომისიის წევრებზე შეტევის გამო.

ავიაკატასტროფა ბრაზილიაში – დაიღუპა 4 ფეხბურთელი

ბრაზილიაში, ტოკატისის შტატში მცირე ზომის თვითმფრინავი ჩამოვარდა. ადგილზე დაიღუპა 6 ადამიანი, მათ შორის D...

პენსია, პრივილეგიები, დაცვა… რა ეკუთვნის ტრამპს თანამდებობიდან წასვლის შემდეგ, თუ იმპიჩმენტს გადაურჩა

დონალდ ტრამპმა თეთრი სახლი არაორდინარულად და კონფრონტაციულად დატოვა – ის არც აშშ–ს ახალი პრეზიდენტის...

სააკაშვილმა წააქეზა, ჩივილს არ ვაპირებ, ციხეში ზრდილობა არ ისწავლება – ჩავლეიშვილი ფანგანზე

აჭარის უმაღლესი საბჭოს წევრი ირაკლი ჩავლეიშვილი ტვ ფორმულასთან ინტერვიუში ამბობს, რომ ის დაკავებული აქტივისტისთვის,...

საქართველოში მიწისძვრა მოხდა

დღეს, 24 იანვარს თბილისის დროით 21:58 საათზე, დმანისთან, სოფელ მამიშლარში 3.2 მაგნიტუდის სიდიდის მიწისძვრა...

ქვეყანაში ინფექცია გადაიტანა ან ინფიცირებულია მოსახლეობის 15%-19%-მდე, კოლექტიური იმუნიტეტისთვის უნდა იყოს 60-70%–ამირან გამყრელიძე

დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, შეფასებითი მაჩვენებლით, ქვეყანაში ინფექცია გადაიტანა ან ინფიცირებულია...

მოქალაქეები კომენდანტის საათს არ ემორჩილებიან და ოცნების ოფისთან აქციას მართავენ

სამოქალაქო აქტივისტებმა რუსთაველის გამზირიდან ქართული ოცნების ცენტრალურ ოფისამდე საპროტესტო მსვლელობა მოაწყვეს. ისინი მთავრობის მიერ...

კითხულობენ, კორონა იძინებს ღამით? მობილობის შემცირების საშუალებაა – გამყრელიძე ე.წ. კომენდანტის საათზე

დაავადებათა კონტროლის ეროვნული ცენტრის ხელმძღვანელი ამირან გამყრელიძე ამბობბს, რომ ე.წ. კომენდანტის საათი მობილობის შემცირების...

არცერთ საშუალო განვითარების ან ღარიბ ქვეყანაში ვაქცინაცია არ დაწყებულა – გამყრელიძე

დაავადებათა კონტროლის ეროვნული ცენტრის ხელმძღვანელი ამირან გამყრელიძე ამბობს, რომ როგორც საქართველოში, ისიე ჯერჯერობით არცერთ...

სხვა სიახლეები

“МВД უნდა დავითრიოთო.მთავარია,ვასიკომ სადმე კონსპირაციულ ბინაში არ მიაძინოს“–ელისო კილაძე კობახიძეზე

ქრონიკა +–ის დამფუძნებელი, ელისო კილაძე ამბობს, რომ ქართული ოცნების ახალ თავმჯდომარეს, ირალკი კობახიძეს შსს–ს ხელში ჩაგდებაზე ოცნებობდა, თუმცა ივანიშვილმა აშკარად აჩვენა, ვის ხელშია რეალური...

ჯანმრთელობა

ანტივაქსერები კოვიდის ვაქცინის წინააღმდეგ: რა არის მათი მთავარი არგუმენტები

ევროკავშირში კორონავირუსის საწინააღმდეგო ვაქცინაციის პროცესი ჩქარდება, პარალელურად კი სულ უფრო აქტიურდება ვაქცინაციის საწინააღმდეგო კამპანიები. ამ პროცესს ბევრი მოწინააღმდეგე ჰყავს მსოფლიოს სხვადასხვა ქვეყნებში, მათ შორის...

შოუ ბიზნესი

“რამდენი ხანიც შევძელით, დავმალეთ“–ნინი ქარსელაძის დედა აღიარებს, რომ მისი შვილი გათხოვდა

ნინი ქარსელაძის დედა, ხათუნა ჟორდანია ფეისბუქზე წერს, რომ მისი შვილი გათხოვდა: “რადგან ბევრმა სააგენტომ გაავრცელა, დავწერ მეც!!!! ჩემი შვილი გათხოვდა უკვე დიდი ხანია რამდენი ხანიც შევძელით, დავმალეთ. ახლა...

ვიდეო