უკრაინის თავდაცვის სამინისტროს დაზვერვის მთავარი სამმართველოს კიბერსპეციალისტებმა კიდევ ერთი წარმატებული სპეცოპერაცია განახორციელეს რუსეთის წინააღმდეგ – უკრაინის სპეცსამსახური ახლა ფლობს რუსეთის თავდაცვის სამინისტროს საიდუმლო ოფიციალურ დოკუმენტაციას.
თავდასხმის დროს უკრაინულმა დაზვერვამ მიიღო რუსეთის თავდაცვის სამინისტროს მიერ გამოყენებული ინფორმაციის უსაფრთხოებისა და დაშიფვრის პროგრამული უზრუნველყოფა, ამასთანავე მთელი რიგი საიდუმლო დოკუმენტები.
საუბარია ბრძანებებზე, მოხსენებებზე და სხვა დოკუმენტებზე, რომლებიც რუსეთის სამხედრო სამსახურის 2000 სტრუქტურულ ერთეულს შორის ვრცელდებოდა.
- „ახლა უკრაინის სპეცსამსახური ფლობს ინფორმაციის დაცვისა და დაშიფვრის პროგრამულ უზრუნველყოფაზე, რომელსაც იყენებს რუსეთის ფედერაციის თავდაცვის სამინისტრო, ისევე როგორც რუსეთის ომის სამინისტროს საიდუმლო ოფიციალური დოკუმენტების მთელ რიგზე“, – აცხადებენ სააგენტოში.
ამასთანავე, უკრაინის სამხედრო დაზვერვამ მიიღო რუსეთის თავდაცვის მინისტრის მოადგილის, ტიმურ ივანოვის სამსახურეობრივი დოკუმენტები.
