უსასტიკეს სერიულ მკვლელს აშშ–ში სამუდამო პატიმრობა მიუსაჯეს

ჯოზეფ დეანჯელოს, მეტსახელად “მკვლელი ოქროს შტატიდან“ სამუდამო პატიმრობა მიუსაჯეს. სასამართლო განაჩენი გასული საუკუნის სამოცდაათიან წლებში დაწყებული გამოძიების შედეგია, რომელმაც მთელი მსოფლიოს ყურადღება მიიპყრო.

74 წლის დეანჯელო მხოლოდ 2018 წელს, მას შემდეგ დააკავეს, რაც მისი დნმ–ს ნიმუში ბაზაში არსებულ ნიმუშებს დაემთხვა, რომლებიც წლების წინ დანაშაულის ადგილზე აიღეს.

ივლისში ეჭვმიტანილი პროკურორთან გარიგებაზე წავიდა და 13 მკვლელობა აღიარა, რითაც სიკვდილით დასჯას აარიდა თავი.

მან ასევე აღიარა მრავალი გაუპატიურება, ძარცვა და სხვა დანაშაული, რომლებიც მრავალი წლის განმავლობაში ჩაიდინა.

ოლქის პროკურორმა, ანა მარია შუბერმა დეანჯელოს “სოციოპატი მოქმედებაში“ უწოდა.

დეანჯელომ მოწმეების ჩვენებები მშვიდად მოისმინა. ის ინვალიდის სავარძელში იჯდა და არანაირი ემოცია არ გამოუხატავს. თუმცა,  სანამ მოსამართლე მაიკლ ბოუმანი განაჩენს წაიკითხავდა, დეანჯელო სავარძლიდან ადგა, ნიღაბი მოიხსნა და მოკლე განცხადება გააკეთა.

“მოვისმინე ყველა თქვენი ჩვენება. გულწრფელად ვთხოვ პატიებას ყველას, ვისაც ტკივილი მივაყენე“– თქვა განსასჯელმა.

მას მოსამართლემ ჯამში 26 სამუდამო პატიმრობა მიუსაჯა სხვადასხვა დანაშაულისთვის, ვადამდე გათავისუფლების მოთხოვნის უფლების გარეშე.

“როცა ადამიანი საზარელ დანაშაულს ჩადის, ის ისე უნდა იყოს იზოლირებული, რომ ვეღარასოდეს შეძლოს უდანაშაულო ადამიანებისთვის ზიანის მიყენება“–თქვა მოსამართლე ბოუმანმა.

1970–80–იან წლებში, როცა მთელი კალიფორნიის შტატის მაშტაბით დანაშაულებებს ჩადიოდა, დეანჯელო შტატის პოლიციაში მსახურობდა.

ყოფილი პოლიციელი და ვიეტნამის ომის ვეტერანი ბოლო წლებში ავტომექანიკოსად მუშაობდა. ის 2018 წლის აპრილში დააკავეს, მას შემდეგ, რაც პოლიციამ დამნაშავის ნაგვის ურნიდან დეენემი აიღო და გენეოლოგიური სერვისების ბაზაში დნმ–ს ნიმუშებს შეადარა.

დანაშაულის ჩადენა დეანჯელომ 1975 წლიდან დაიწყო, როცა ჩრდილოეთ კალიფორნიაში ეგზეტერის პოლიციაში მსახურობდა. თავიდან ეს იყო წვრილმანი ქურდობა, თუმცა მალე სასტიკ გაუპატიურებებსა და მკვლელობებში გადაიზარდა, რაც 12 წელი გრძელდებოდა.

უსულო ადამიანი:

განაჩენის გამოცხადების შემდეგ ჟურნალისტებთან საუბრისას პროკურორმა ანა მარია შუბერტმა აღნიშნა, რომ დეანჯელო ნამდვილი სოციოპატია:

“ეს არის ადამიანი, რომელიც ოდნავადაც არ სცემს პატივს სხვა ადამიანების უფლებებს, არ სცემს პატივს კანონს, არ განიცდის თანაგრძნობას, ემპათიას და სინანულს. ეს არის ადამიანი, რომელსაც უბრალოდ არ აქვს ცნობიერება ან სული“–თქვა მან.

დეანჯელოს განაჩენი მოსამართლემ უნივერსიტეტის სამეჯლისო დარბაზში გამოაცხადა – უზარმაზარი დარბაზი იმისთვის გახდა საჭირო, რომ იქ დაზარალებულთა და მსხვერპლთა ყველა ახლობელი და ნათესავი დატეულიყო.

პროკურორების თქმით ძალადობის მაშტაბი უბრალოდ თავზარდამცემი იყო: 83 მსხვერპლი და 53 დანაშაულის ადგილი მთელი კალიფორნიის მაშტაბით 11 ოლქში.

მსოფლიოს ერთ-ერთი ყველაზე პოპულიარული ტელეწამყვანი ლარი კინგი გარდაიცვალა

მსოფლიოს ერთ-ერთი ყველაზე პოპულიარული ჟურნალისტი და ამერიკელი თოქ-შოუების  წამყვანი ლარი კინგი 87  წლის ასაკში...

მოსკოვში საპროტესტო აქციაზე ნავალნის ცოლი დააკავეს

მოსკოვში საპროტესტო აქციაზე ოპოზიციონერი ალექსეი ნავალნის ცოლი, იულია ნავალნი დააკავეს. მან ინსტაგრამზე გადაყვანის ფოტოც გამოაქვეყნა. ალექსეი ნავალნის...

აჭარის უმაღლესი საბჭოს დეპუტატს თავზე ნაგავი დააყარეს

სოციალურ ქსელში გავრცელდა ფოტოები, სადაც ჩანს, რომ აჭარის უმაღლესი საბჭოს დეპუტატს ირაკლი ჩავლეიშვილს ერას მოედანზე...

“სანამ მართლა ასი ათასი გადარეული მოქალაქე არ გამოგივარდებათ, მანამდე არ უნდა შეიბერტყოთ ყური?“-დავით ზურაბიშვილი

ხელისუფლების გადაწყვეტილებას, 1 მარტამდე პანდემიის გამო დაწესებული შეზღუდვების დიდი ნაწილი ძალაში დატოვოს ექსპერტი დავით...

მე რომ სადმე გაქცევა მდომებოდა, 8 წლის განმავლობაში გავიქცეოდი-უგულავა

მე რომ სადმე გაქცევა მდომებოდა 8 წლის განმავლობაში გავიქცეოდი “,- ამის შესახებ „ევროპული საქართველოს“...

შსს ამბობს, რომ გიგი უგულავას საზღვრის კვეთის უფლება აქვს, თუმცა ეს მათ ბაზაში არ...

შინაგან საქმეთა სამინისტრო განცხადებას ავრცელებს, რომელშიც განმარტავს რატომ არ მისცეს ევროპული საქართველოს ლიდერს, გიგი...

“ამ შეზღუდვებით ჩვენ არ გვიცავენ, თავს იცავენ“–შოთა დიღმელაშვილი შეზღუდვების გახანგძლივებაზე

მოძრაობა “სირცხვილიას“ წევრი, შოთა დიღმელაშვილი ხელისუფლების მიერ შეზღუდვების გახანგრძლივებას არაპროპორციული ძალის გამოყენებას უწოდებს და...

ლილოს ბაზრობის მოვაჭრეებმა სამანქანო გზა გადაკეტეს

ლილოს ბაზრობის მოვაჭრეებმა სამანქანო გზა გადაკეტეს, ისინი დაწესებულ შეზღუდვებს აპროტესტებენ და აცხადებენ რომ მათ...

სხვა სიახლეები

“МВД უნდა დავითრიოთო.მთავარია,ვასიკომ სადმე კონსპირაციულ ბინაში არ მიაძინოს“–ელისო კილაძე კობახიძეზე

ქრონიკა +–ის დამფუძნებელი, ელისო კილაძე ამბობს, რომ ქართული ოცნების ახალ თავმჯდომარეს, ირალკი კობახიძეს შსს–ს ხელში ჩაგდებაზე ოცნებობდა, თუმცა ივანიშვილმა აშკარად აჩვენა, ვის ხელშია რეალური...

ჯანმრთელობა

კოვიდგადატანილთა მესამედი კვლავ საავადმყოფოებში ხვდება– ახალი კვლევა

პანდემიის პირველი ტალღისას კორონავირუსით დაინფიცირებულ  და გამოჯანმრთელებულ ბრიტანელ პაციენტთა  30% შემდგომი 5 თვის განმავლობაში კვლავ საავადმყოფოში მოხვდა. ამის შესახებ ლესტერის უნივერსიტეტის და სტატისტიკის ეროვნული...

შოუ ბიზნესი

“რამდენი ხანიც შევძელით, დავმალეთ“–ნინი ქარსელაძის დედა აღიარებს, რომ მისი შვილი გათხოვდა

ნინი ქარსელაძის დედა, ხათუნა ჟორდანია ფეისბუქზე წერს, რომ მისი შვილი გათხოვდა: “რადგან ბევრმა სააგენტომ გაავრცელა, დავწერ მეც!!!! ჩემი შვილი გათხოვდა უკვე დიდი ხანია რამდენი ხანიც შევძელით, დავმალეთ. ახლა...

ვიდეო