ფეისბუქზე ათეულობით ქართველი ქალი წერს მამაკაცის შესახებ, რომელიც წლების მანძილზე მათ ატყუებდა და ძალადობდა

ფეისბუქში ვრცელდება მამაკაცის ფოტო, რომელზეც ათეულობით ქალი წერს, რომ მათზე იძალადა, მოტყუებით სცადა სხვადასხვა ადგილებზე წაეყვანა და სექსუალური კონტაქტი დაემყარებინა. ამ თემაზე საუბარი როგორც ირკვევა დახურულ ჯგუფებში დაიწყო, შემდეგ კი სხვადასხვა ფეისბუქ გვერდებზე გავრცელდა. თითქმის ყველგან, სადაც ეს ინფორმაცია და ფოტო გავრცელდა გამოჩნდნენ ქალები, რომლებიც ყვებიან, რომ წლების მანძილზე ის ძირითადად თბილისის ცენტრალური უბნების ქუჩებში მათ რეჟისორად ეცნობოდა, რომელსაც გოგონა ფილმში გადასაღებად მოეწონა, სხვადასხვა წინადადებებს სთავაზობდა და “კინოსტუდიაში“, ან ნაკლებად ხალხმრავალ ადგილებში იბარებდა. ბევრი ქალი წერს, რომ ამ მამაკაცმა მასაც შესთავაზა მსგავსი წინადადება, თუმცა არ დათანხმდა და გადარჩა. ვრცელდება ამ მამაკაცის სახელი და გვარიც – თამაზ ათანელი.

ერთ–ერთი ფეისბუქ გვერდი წერს:

“SOS! თამაზ ათანელი!
ერთ-ერთ ინტერნეტ სივრცეში, სადაც ქალები საუბრობენ ღიად, ზოგჯერ ანონიმურადაც, შემთხვევით აღმოჩნდა, რომ 50-მდე ქალი ერთიდაიგივე კაცის-თამაზ ათანელის მსხვერპლია, 2010 წლიდან დღემდე. ეს ადამიანი დგას თბილისის ცენტრალურ უბნებში, აჩერებს გოგონებს (რომლებიც შვილიშვილად ერგებიან) სთავაზობს როლს ფილმში და მსუყე ჰონორარს, მეტი დამაჯერებლობისთვის ვითომ ტელეფონზე ურეკავენ ცნობილი მსახიობები. ახსენებს ყველა ცნობილ და წარმატებულ ადამიანს, სპონსორად მოიხსენიებს ბიზნესმენებს. ამ კაცს ამდენი წლის მანძილზე, მოტყუებთ მიჰყავს სხვადასხვა ადგილას გოგოები, ძალის გამოყენებით ამყარებით იძულებით ფიზიკურ კავშირს, საბედნიეროდ კომენტარებიდან გამომდინარე, რამდენიმე გამოიქცა, რამდენიმემ ახლობელი გაიყოლა, ზოგი გამოხედვაზეც კი მიუხვდა ჩანაფიქრს, მაგრამ სამწუხაროდ ძალიან ბევრი გოგო გააუპატიურა, დაუმახინჯა ფსიქიკა, ჯანმრთელობა და თვითონ თავისუფლად აგრძელებს ცხოვრებას.
„ერთ დღეს როცა უნივერსიტეტიდან მოვდიოდი,(9 წლის წინ) რუსთაველზე ერთი კაცი მომიახლოვდა, კარგად ჩაცმული და სერიოზული, ასაკიანიც, მითხრა რომ ძალიან ლამაზი ვარ, იღებს ფილმს (ჩამომითვალა სპონსორები და მსახიობები) მომიყვა მთელი სცენა, მითხრა ნინიკოს როლი უნდა ითამაშოვო, 10 000 დოლარია ჰონორარიო:)) ყველაფერი გათვლილი ჰქონდა, თითოეული დეტალი, მოკლედ დავუჯერე, ნომერი მივეცი და შევუთანხმდი შეხვედრაზე. სრულწლოვანი ვიყავი, 20 წლის, მაგრამ რავიცი რატომ ვერ მივხვდი მის განზრახვას. მოკლედ ე.წ მეორე შეხვედრისას სადაც უნდა გადმოეცა ჩემი ტექსტი , ძალა იხმარა, მცემა. მემუქრებიდა ხმა არ ამოიღოვო. წამოსცდა 14 წლის გოგოებს ვჟიმავ და შენ რას წივიხარო. მოკლედ ძალა იხმარა და გამაუპატიურა. მას მერე დღე არ გავა მასზე არ ვიფიქრო, ქუჩაში მეშინია სიარული, მსგავს თემატიკაზე წიგნის კითხვისას ან ფილმის ყურებისას ისევ ის გრძნობები მაქვს, ვკარგავ ხელ-ფეხში გრძნობას, ყელში ბურთი მეჩხირება, თითქოს ძალიან ცხელ წყალს მასხამენ თავზე, გულის რევის შეგრძნება მეუფლება… ის ისევ თავისუფალია, რადგან რამდენიმე ხნის წინ კაფეში დავინახე ძალიან პატარა გოგოსთან ერთად. ალბათ მომავალ მსხვერპლთან. ეს კაცი იყო თამაზ ათანელი. „ – ჰყვება ერთ-ერთი მისი მსხვერპლი.
ეს და კიდევ მრავალი სხვა პოსტი მოჰყვა ამ თემას, გოგონები ყვებოდნენ როგორ აჩერებდა, როგორ ესაუბრებოდა, ყველაფერი თითმის იგივეა, სცენა, ფილმი, ნინიკოს როლი, რამდენიმეს ცინცაძის სახელითაც გაეცნო. თითქმის ყველასთან ამბობდა რომ ყოფილი მოცეკვავეა, ზოგთან მაკა ასათიანის პირველი კაცობაც კი უხსენებია. ყველამ ზუსტად აღწერა მისი ნაკვთები და შეღებილი თმა, ხმის ტემბრი.
მეგობრებო გთხოვთ იცნობდეთ ამ ადამიანს, იცოდეთ რა საფრთხის წინაშე ხართ, მესმის ძალიან რთულია ღიად ისაუბრო ამ ქვეყანაში გაუპატიურებაზრე, სადაც ისევ ქალს დასდებენ ბრალს, ალბათ გამომწვევად გეცვა, როგორ დაიჯერე, როგორ ვერ გამოიქეცი, ვისაც არ უნდა არ აუპატიურებენ და სხვა, მაგრამ იმედს ვიტოვებ ოდესმე გაბედავენ გოგონები და სარჩელით მიმართავენ პოლიციას.
p.s: სახელი, გვარი და ფოტო რეალურია, რადგან ამოიცნო ძალიან ბევრმა ადამიანმა.“– წერია ფეისბუქ გვერდზე. 

ეს ინფორმაცია სხვადასხვა გვერდებზე გაზიარდა და უამრავი კომენტარი მოჰყვა, მათ შორის ქალების, რომლებმაც მამაკაცი იცნეს.

გთავაზობთ რამდენიმე კომენტარს, ავტორების მითითების გარეშე:

  • “19 წლის წინ, 19 წლის ვიყავი, თავისუფლებაზე, ალექსანდროვის ბაღთან გამაჩერა. ერთ პატარა მსახიობს გავხარ და მისი სტუდენტობა მინდა ითამაშოო. კინოს სახლთან დამიბარა. ახლა სასაცილოდ არ მეყოფოდა, მაგრამ მაშინ ძალიან გულუბრყვილო ვიყავი. კიდევ კარგი, მარტო არ მივედი. შეიძლება სადმე იდგა და რომ დაგვინახა, ვეღარ მოვიდა. კინოს სახლში კი მითხრეს, ცინცაძის სახელით ვიღაც მაიმუნობსო. მივხვდით, რომ რაღაც ისე არ იყო, მაგრამ არ მეგონა, ასეთ საშინელებებს თუ ბედავდა. 😰 მას შემდეგ არაფერი გამიგია და არც მინახავს ეს კაცი. ვერც წარმოვიდგენდი, დღემდე თუ ამას აკეთებს. 19 წლის წინ სხვანაირად გამოიყურებოდა, მაგრამ ფოტო მეცნო და ის, რასაც გოგონებს უყვება. შოკში ვარ“.

 

  • “როდესაც საქართველოში ვცხოვრობდი , ჭავჭავაძეზე ყოველ დღე დადიოდა და ერთხელ პარკინგზე მანქანაზე დამიტოვა ნომერი, რათქმაუნდა მოვისროლე ეს ნომერი, მეორე დღეს დილით დამხვდა და ძაან მოწიწებით მთხოვა მასთან ერთად ყავა დამელია 😤 რათქმაუნდა ეგრევე თავის ადგილი მივუჩინე 😤😤 იმის მერე აღარც მესალმებოდა,როგორ არცერთმა გოგომ არ უჩივლა ვერ ვიგებ? ნუ ეტყოდნენ სხვებს წასულიყვნენ პირდაპირ პოლიციაში“.

 

  • “ეს კაცი მეც მახსოვს 17 წლის წინ პუშკინის ქუჩაზე გაჩერებასთან ცინცაძის გვარით გამეცნო, რეჟისორი ვარ და ფილმს ვიღებო ასე მითხრა და ვითომ მთავარი როლისთვის მოვეწონე, მე უარით გავისტუმრე, არაფრით არ მეშვებოდა, მე ცინცაძის გვარზე მქონდა ანტი რეაქცია( ვისაც ვიცნობ ყველა დარტყმულია და ისიც მასეთად მოვიაზრე). მოკლედ მე გადავრჩი, ამას ეხლა მივხვდი.ეგ ნაძირალა, როგორ არავინ იძია შური.“

 

  • რეალურია ეს არაადამიანი. 2000 წელს შემხვდა ფილარმონიასთან. 17 წლის ვიყავი. როლისთვის მომეწონეო და ვაკის პარკში წასვლას მთავაზობდა სცენარის მოსაყოლად. რაღაც არ მომეწონა და არ გავყევი. არადა ისეთი შტერი ვიყავი, ძალიან უცნაურია რომ გადავრჩი. რადგან არ გავყევი, კინოსტუდიაში დამიბარა მეორე დღეს, სადაც დედასთან ერთად წავედი და რა თქმა უნდა, არანაირი ცინცაძე იქ არ დაგვხვდა. ფუ…

 

  • “მეც მქონდა მსგავსი ისტორია სტუდენტობის დროს , ვაკეში ვიყავი თუარ ვცდები, ნომერს მთხოვდა და გავერიდე ; ეს კაცი იყო თუ არა არ მახსოვს, მაგრამ ძაან იმოქმედა ამ პოსტმა ჩემზე.“

 

  • “16-17 წლის ვიქნებოდი, ერთმა ტიპმა გამაჩერა ჭავჭავაძეზე, ფილმში გადაღება შემომთავაზა, ტელეფონი მთხოვა, დიღომში კინოსტუდიასთან შევხვდეთო, პატარა კი ვიყავი, მაგრამ კაი გაიძვერა ბავშვი ვიყავი, მივიხვდი, მაშინ არც პატრული არსებობდა, თორემ იმას გავუშვებდი ასე მარტივად? შანსი არაა. ეს იყო თუ არა, არ მახსოვს.“
  • ეს იქნებოდა, ზუსტად ჭავჭავაძეზე მეც იგივენაირად ყველაფერი.
  • ეს იქნებოდა.ჭავჭავაძეზე შემხვდა მეც ზუსტად იგივე ტექსტით..
  • ჩემს დაქალსაც შესთავაზეს როლი რაც ზემოთ წერია ზუსტად მაგ სქემით 2012სკენ. რეალური და გამოსაძიებელი ამბავია.

ცნობილი გახდა ხარკოვში მომხდარი ავიაკატასტროფის მიზეზი, რომელსაც 22 ადამიანი ემსხვერპლა

უკრაინის თავდაცვის სამინისტროს წყაროზე დაყრდნობით უკრაინული მედია ხარკოვთან მომხდარი ავიაკატასტროფის შესაძლო მიზეზებზე წერს. წყაროს...

მე ვარ მიშას მიმხმარე და თანაშემწე – გუბაზ სანიკიძე

"მე ვარ მიშას თანაშემწე და მიმხმარე, სააკაშვილი არის სრულყოფილი პოლიტიკოსი" -  ამის შესახებ გუბაზ...

არ ვარ დარწმუნებული საბურთალოს მაჟორიტარობის კანდიდატი ვიქნები თუ არა – ირაკლი ოქრუაშვილი

"არ ვარ დარწმუნებული საბურთალოს მაჟორიტარობის კანდიდატი ვარ თუ არა "- განაცხადა, „გამარჯვებული საქართველოს“ ლიდერმა,...

სამადაშვილმა ფაქტობრივად დაადასტურა, რომ განიხილავენ დიდუბე-ჩუღურეთის ოლქში კონკურენტი დამიყენონ – ჯაფარიძე

"სამადაშვილმა ფაქტობრივად დაადასტურა, რომ განიხილავენ დიდუბე-ჩუღურეთის ოლქში კონკურენტი დამიყენონ" - ამის შესახებ „გირჩის“ ლიდერმა,...

მოვუწოდებ მსოფლიოს, შეფასება მისცეს რუსეთის უკანონო ქმედებებს – გიორგი გახარია გაეროს ასამბლეაზე

"საქართველოს თითოეული მოქალაქის სახელით მოვუწოდებ მსოფლიო საზოგადოებას, სათანადო შეფასება მისცეს რუსეთის უკანონო ქმედებებს"- ამის...

ყვარელი-თელავის დამაკავშირებელ გზაზე მიკროავტობუსი გადაბრუნდა – დაშავებულია 11 მგზავრი

ყვარელი-თელავის დამაკავშირებელ გზაზე მიკროავტობუსი გადაბრუნდა. შედეგად დაშავდა 11 მგზავრი, რომლებიც რთველში სამუშაოდ მიდიოდნენ. დაშავებულები თავდაპირველად...

საქართველოში არჩევნებს ეუთოს 380 წარმომადგენელი დააკვირდება

ეუთოს დემოკრატიული ინსტიტუტი და ადამიანის უფლებების ოფისი საქართველოში სადამკვირვებლო მისიას ხსნის. ამის შესახებ სადამკვირვებლო...

სეტყვა ქარი ელჭექი – როგორი ამინდი იქნება უახლოეს დღეებში

სინოპტიკოსები ხვალ, 26 სექტემბერს საქართველოს რამდენიმე რეგიონში ძლიერ წვიმას და მდინარეების ადიდებას პროგნოზირებენ. 26 სექტემბერს კახეთის...

სხვა სიახლეები

მზეზე აქტიურობის ახალი ციკლი იწყება. რა პრობლემები გველის დედამიწაზე

ნასა მზეზე მომეტებული აქტივობის ახალი პერიოდის დაწყების შესახებ იუწყება. მეცნიერებმა მას უკვე უწოდეს “მზის ციკლი 25“. ეს მნიშვნელვანია დედამიწის ელექტრონული ტექნოლოგიებისა და ასტრონავტებისთვის ორბიტაზე. კაცობრიობას...

ჯანმრთელობა

მეცნიერები: კორონავირუსი უჩვეულოდ მდგრადი და ელასტიური აღმოჩნდა

კორონავირუსი უჩვეულოდ ელასტიური და მაღაი ტემპერატურის მიმართ მდგრადია –ეს დასკვნა ბუდაპეშტში მდებარე ზემელვეისის უნივერსიტეტის მკვლევარების ჯგუფმა გააკეთა, რომელმაც  Sars-CoV-2–ის უწვრილესი ნემსით გახვრეტა გადაწყვიტა. მათ...

შოუ ბიზნესი

რატომ არ ყავს შარლიზ ტერონს წლების მანძილზე მეგობარი მამაკაცი

შარლიზ ტერონის ბოლო გახმაურებული რომანი მსახიობ შონ პენთან მისი ურთიერთობა იყო . ვრცელდებოდა ჭორები, რომ წყვილი დაქორწინებასაც აპირებდა, თუმცა თავად ტერონი ამას უარყოფდა. შონ...

ვიდეო