ქართული ოპოზიციის ლიდერის დაკავება სამხრეთ კავკასიის ქვეყანაში პოლიტიკურ კრიზისს აღრმავებს-The Washington Post

ქართული ოპოზიციის ლიდერის დაკავება სამხრეთ კავკასიის ქვეყანაში პოლიტიკურ კრიზისს აღრმავებს- ამ სათაურით აქვეყნებს ნიკა მელიას დაკავების შესახებ სტატიას ამერიკული გამოცემა ვაშინგტონ პოსტი. გთავაზობთ სტატიის სრულ თარგმანს:

“სამშაბათს საქართველოს ხელისუფლებამ სამხრეთ კავკასიის ქვეყნის მთავარი ოპოზიციონერი დააკავა, რამაც პოლიტიკური განხეთქილება გააღრმავა და კიდევ ერთი ყოფილი საბჭოთა რესპუბლიკა კრიზისში ჩააგდო.

ნიკა მელია, საქართველოს მთავარი ოპოზიციური პარტიის, ნაციონალური მოძრაობის ლიდერი მისი პარტიის შტაბ–ბინიდან სამშაბათს ადრე დილით გამოათრიეს, ეს სცენა პირდაპირ ეთერში გადაიცემოდა. მისმა პარტიამ ტვიტერში განათავსა ფოტოები რომელზეც ჩანს დიდი რაოდენობით სპეცრაზმის კონტიგენტი, რომელიც შენობაში შედის და განაცხადა, რომ უსაფრთხოების ძალებმა შენობის შიგნით მელიას ათობით მხარდამჭერის დასაპატიმრებლად ცრემლსადენი გაზი გამოიყენეს.

არეულობა საქართველოში რუსეთის უზარმაზარი საზღვრების გასწვრივ პირველი არ არის: ბელორუსში აგვისტოს საპრეზიდენტო არჩევნების შედეგების მიმართ პროტესტი გრძელდება, რომელიც ოპოზიციამ ფალსიფიცირებულად გამოაცხადა. ყირგიზეთში ცოტა ხნის წინ ბოლო 15 წლის განმავლობაში მესამე რევოლუცია მოხდა.

საქართველო 3.7 მილიონი მოქალაქით, რომელიც შავ ზღვას ესაზღვრება, უფრო დემოკრატიულ ქვეყნად ითვლებოდა, ვიდრე ეს ორი ქვეყანა. მას აქვს ნატოში შესვლის ამბიცია. თუმცა, სამშაბათს მომხდარი ესკალაცია საბოლოო ჯამში შესაძლოა მოსკოვის სასარგებლო აღმოჩნდეს, რადგან ის თბილისს მის გავლენიან დასავლელ მოკავშირეებს დააშორებს. ბოლო წლების განმავლობაში ამერიკელი კანონმდებლები საქართველოს ხელისუფლებისადმი გაგზავნილ წერილში გამოთქვამდნენ შეშფოთებას იმის გამო, რომ მმართველი პარტიის, ქართული ოცნების  ზოგიერთი ქმედებები უკუსვლის მანიშნებელი იყო.

ქართული ოცნების დამფუძნებელმა, ბიძინა ივანიშვილმა გასულ თვეს განაცხადა, რომ პოლიტიკიდან მიდის, თუმცა ანალიტიკოსები თვლიან, რომ ის ძველებურად მართავს კულისებიდან.

პოლიტიკური დაძაბულობა ოქტომბერში დაიწყო, როცა ქართული ოცნების კოალიციამ არჩევნებში კვლავ გაიმარჯვა, თუმცა ოპოზიციური ჯგუფები აცხადებენ, რომ არჩევნები გაყალბდა და მათ უარი თქვეს პარლამენტში შესვლაზე. კრიტიკოსები ქართულ ოცნებას ძალაუფლების ყველა დონეზე და ყველა შტოს თითქმის სრული კონტროლის განმტკიცებაში ადანაშაულებენ.

პარტია ნაციონალურმა მოძრაობამ, რომლის დამფუძნებელი ყოფილი პრეზიდენტი, ამჟამად უკრაინაში დევნილი მიხეილ სააკაშვილია, არჩევნებში 27 % აიღო. დეკემბრის ბოლოს მელია პარტიის ახალ თავმჯდომარედ აირჩიეს.

ევროპის უსაფრთხოებისა და თანამშრომლობის ორგანიზაციის დასკვნით ოქტომბრის არჩევნები საქართველოში “კონკურენტული  იყო და მთლიანობაში ძირითადი თავისუფლებები დაცული იყო“, თუმცა დასკვნაში მოყვანილია ასევე “ფართოდ გავრცელებული მტკიცებები ამომრჩევლებზე ზეწოლის და მმართველ პარტიასა და სახელმწიფოს შორის ზღვრის წაშლის შესახებ“.

გასულ კვირას, პრემიერ მინისტრი გიორგი გახარია მოულოდნელად წავიდა პოსტიდან და მიზეზად მელიას დაკავების გეგმები დაასახელა.

41 წლის მელიამ განაცხადა, რომ მის წინააღმდეგ წამოყენებული ბრალდებები მასობრივი ძალადობის ორგანიზებაში 2019 წლის ანტისამთავრობო პროტესტების დროს პოლიტიკურად მოტივირებულია. მელიას დამნაშავედ ცნობის შემთხვევაში 9 წლიანი ციხე ემუქრება.

“მინდა მჯეროდეს რომ ეს ნაბიჯი დეესკალაციის და პოლიტიკური პოლარიზაციის შემცირებას დაეხმარება ჩვენს ქვეყანაში. “– თქვა გახარიამ გადადგომისას პრესკონფერენციაზე და დასძინა, რომ მელიას წინასწარ პატიმრობაში აყვანა “ მოქალაქეების სიცოცხლისა და ჯანმრთელობისთვის რისკია“.

გახარიას მოულოდნელი გადადგომის შემდეგ შინაგან საქმეთა მინისტრმა განაცხადა, რომ მელიას დაპატიმრება დროებით გადაიდო. თუმცა 24 საათიც არ  იყო გასული ირაკლი ღარიბაშვილის ახალ პრემიერ მინისტრად დამტკიცების შემდეგ, როცა ქართულმა პოლიციამ ნიკა მელია პარტიის ოფისიდან შავი ჯიპით გაიყვანა, რომელსაც საიდენტიფიკაციო ნიშნები არ ქონდა.

საკუთარ განცხადებაში აშშ–ს საელჩომ საქართველოში განაცხადა, რომ შეშფოთებულია საქართველოს ხელისუფლების მაპოლარიზებელი რიტორიკით კრიზისის დროს. საელჩომ დასძინა, რომ საქართველომ დღეს გადაუხვია დემოკრატიის განმტკიცებისა და ევროატლანტიკური ოჯახისკენ მიმავალი გზიდან.“– წერს ვაშინგტონ პოსტი

პროკურატურამ დაადასტურა, რომ მისი მიზანი მელიას პატიმრობა არ ყოფილა – მდინარაძე

ფრაქცია "ქართული ოცნების" თავმჯდომარის, მამუკა მდინარაძის განცხადებით, პროკურატურამ ნიკა მელიას საქმეზე დღევანდელი განცხადებით კიდევ ერთხელ დაადასტურა,...

“ქართული ოცნების” ოფისში უმრავლესობის სხდომა იმართება

“ქართული ოცნების“ ოფისში უმრავლესობის სხდომა ჩაინიშნა. სხდომა 20:00 საათზე დაიწყება. მმართველი პარტიის წევრების დიდი...

ვახო სანაიას ტვინის შერყევა აქვს

ფორმულას ტელეწამყვან ვახო სანაიას თავდასხმის შედეგად ტვინის შერყევა დაუდასტურდა. ის ამ დროისთვის ამატებით კვლევებს...

ჩვენი მეგობრის, ნიკა მელიას დაკავებამ განსაკუთრებული შეშფოთება გამოიწვია – ტუსკი

ევროპის სახალხო პარტიის პრეზიდენტი დონალდ ტუსკი ნიკა მელიას დაკავებას ეხმაურება და შეშფოთებას გამოთქვამს. "ნუ დავივიწყებთ...

სამართლებრივი ნონსენსია – მელიას ადვოკატი პროკურატურის შეთავაზებაზე

ნიკა მელიას ადვოკატი დიტო საძაგლიშვილი პროკურატურის შეთავაზებას ეხმიანება. პროკურატურამ განაცხადა, რომ თუ ნიკა მელია...

დამნაშავეები კანონის მთელი სიმკაცრით აგებენ პასუხს – ღარიბაშვილი სანაიაზე

პრემიერმინისტრი ირაკლი ღარიბაშვილი ვახო სანაიაზე თავდასხმას ეხმიანება და ამბობს, რომ დამნაშავეები კანონის მთელი სიმკაცრით...

თუ მელია გირაოს გადაიხდის, პროკურატურა მზადაა, პატიმრობის გირაოთი შეცვლა მოითხოვოს

პროკურატურა მზადაა, ნაციონალური მოძრაობის თავმჯდომარის ნიკა მელიას მიერ გირაოს გადახდის შემთხვევაში, თბილისის საქალაქო სასამართლოს პატიმრობის შეცვლის...

კიდევ ერთი ვაქცინა კორონავირუსის წინააღმდეგ – აშშ–ს მარეგულირებელმა Johnson & Johnson–ის ვაქცინა ეფექტურად ცნო

ამერიკის მარეგულიერებლმა ორგანომ კორონავირუსის საწინააღმდეგო კომპანია Johnson & Johnson–ის ვაქცინა უსაფრთხოდ და ეფექტურად ცნო...

სხვა სიახლეები

ოქროს მდინარეები – NASA-მ პერუში ოქროს მოპოვების ამსახველი ფოტოები გაავრცელა

NASA-მ პერუში ოქროს მოპოვების ამსახველი ფოტოები გაავრცელა. ფოტოებზე პერუს ტროპიკული ტყეებია ასახული, სადაც "ოქროს მდინარეები ჩანს"- ორმოები, რომლებიც ოქროს არალიცენზირებულმა მომპოვებლებმა გათხარეს.ამის შესახებ ინფორმაციას...

ჯანმრთელობა

კიდევ ერთი ვაქცინა კორონავირუსის წინააღმდეგ – აშშ–ს მარეგულირებელმა Johnson & Johnson–ის ვაქცინა ეფექტურად ცნო

ამერიკის მარეგულიერებლმა ორგანომ კორონავირუსის საწინააღმდეგო კომპანია Johnson & Johnson–ის ვაქცინა უსაფრთხოდ და ეფექტურად ცნო რაც იმას ნიშნავს, რომ ეს პრეპარატი უახლოეს დღეებში ის აშშ–ში...

შოუ ბიზნესი

ჟერარ დეპარდიეს წინააღმდეგ გაუპატიურების ბრალდებით საქმე აღიძრა

საფრანგეთის პროკურატურამ კვლავ დაიწყო გამოძიება მსახიობ ჟერარ დეპარდიეს წინააღმდეგ ახალგაზრდა მსახიობის გაუპატიურების ბრალდებით. საქმე ეხება 2018 წელს დეპარდიეს პარიზის სახლში მომხდარ ამბავს. სავარუდო მსხვერპლის...

ვიდეო