“ევროპის სოციალისტური პარტიის ხელმძღვანელების ამგვარი ქმედება და დამოკიდებულება ჩვენთვის პრინციპულად მიუღებელია. სამწუხაროდ, 2015 წლიდან დღემდე ევროპის სოციალისტურ პარტიას არ გაუკეთებია არც ერთი ხმამაღალი განცხადება ოცნების მხარდასაჭერად, მეტიც, რეგულარულად უერთდებოდნენ ოპოზიციის მხარდამჭერ პოლიტიკურ კამპანიებს. ევროპის სოციალისტურ პარტიაში ქართული ოცნების წევრობა არა თუ დადებით როლს არ ასრულებდა, პირიქით, სრულიად კონტრპროდუქტიული იყო.
ყოველივე ზემოაღნიშნულის გათვალისწინებით, მივიღეთ გადაწყვეტილება დავტოვოთ ევროპის სოციალისტური პარტიის დამკვირვებელი ქვეყნის სტატუსი და ევროპის სოციალისტურ პარტიასთან დაკავშირებული სხვა გაერთიანებები, რასთან დაკავშირებითაც დაუყოვნებლივ გაეგზავნებათ განცხადება“,
ამის შესახებ განცხადება ქართული ოცნების თავმჯდომარემ, ირაკლი კობახიძემ, პარტიის პოლიტსაბჭოს სხდომის დასრულების შემდეგ გააკეთა.
